¹ Ni sa lia i vatikem e i tase lea viba e lia leqwa, e i boletia vakha yava me kau mai i vuara e re tam dodonu qa lala i vuara na tamata tabu ni Kalou? ² O ba tam kilatia no ni o kora na tamata tabu ni Kalou e re na vilewai takhinia na vuravura: Baletia ni o ba na vilewa: takhi ni vuranvura, o ba tam rewa ni vameautakhinia na vi kwa bitabita yacilo boto? ³ O ba tam khiletia ni te na vilewaitakhinira na agilosi? I vei me wetai na kea tau i yata i na rewa va ke ta mete vilewaitakhinia na vi kwa ni cola kwe? ⁴ Ma ga o ba vakhadokilewa ko i viwekhani qa na vikwa ni cola i na visiga, na yava o bau kha na vi kis: wet ai kwe i me dre mata kora e i lala na ledra i tutu i na lotu? ⁵ Qi kwaya no yati i vatikem mo ba madua ka. E i lala lia i vatimem vi kawacakhi e i masomaskh me vakhaotinia na viba i vuaro na viwekhani? ⁶ Ia ma ga e i kau mai e i lia na isi na viwekani me baleti wekaya _ qa yaco kwe i me dro mata na fam vabautia! ⁷ Na du ni o kau vakhalawa e i lia na wekam sa lia tu re na lutu civo i va iko. Ni o cala e i tam rewa boto re mo lei vakhamosi? Na yava e i ma tam rewa ni o sevanikho mo lei lawakitakhi? ⁸ Ia o vatikem mni o ba tara ne kwa calo qo ba lawakhi, o ba tara saroga i vuara na wekai vatikem! ⁹ O ba tam kilatia no ni o kora na tam yalo dodonu e ra tam rewatia na matanitu ni Kalou? Kua ni vakhaisini ti ikho: o kwoya na gagadre ca, o kora na qwarari matakau, o kora na vidrivati, o kora na vatara na vilewe vatagwane, o kora ere tara vali na lasa vatagwane, ¹⁰ O kwora na dau driva, na dau koco, na dau mateni, na dau vivacacani, na dau vivikui e re tam rewatia na matanitu ni Kalou. ¹¹ A lia na i wase i vakem a si wetai muni na lea cola so kwe. Ia o ba sa sava qa vatabui qa vadonui i na yaca ni leda Momo Levu o Jisu Karisito qa i na yalo ni leda Kalou. ¹² “E i vakhatarai tu i va yau na vi kwa coko,” ia na kwa coko e i ri tam vatuburi au i yata . “E rei tam vatabui i va yau na vi kwa cokho, ia qi tam vakhadeinia ei lia na kwa me lewai au? ¹³ “Na i voqwa ei baletia na kete qa na bete e i baletia na reqwa,” ia na Kalou e i na ceburakhini kworu ruarua. Na yago e i tam kea i nakhi me tara kha na gagadre ca. Ia me lea na Momo Levu, ia na Momo Levu i vivakharaufaki baletia na yago. ¹⁴ Na Kalou e i va dure ni ru ruarua i yata na Momo Levu qa o kefa i na lea kaikai. ¹⁵ E tam kilatia no ni lem vi tikhi ni yago e vi tikhi ni yago na Karisito? Me qu mea na vi tkhi ni yago i Karisito me, lai nia e yago na dautaggwane? Me khua sara ni du! ¹⁶ E khilatia no ni o kwoya e i semati kwoya i vua na dau tagwane e ri sa yago e lia bau! Me wetai e i kwaya na i vola tabu “na rua na yago e i sa yac me lia bau.” ¹⁷ Ia o kwoya e i semati koya i vua na Momo Levu, e ri sa lia rata vakhayalo. ¹⁸ Tuba dei mai i na i toro dukhadukha ni gagadre ni yago na vimataqali kwa cakacaka e i cala kha na tamata e i yaco i te ba ni yago, ia o koya e i tara na gagadre cakhaca ni yago si tara kwa cakhaca e yago i buto. ¹⁹ E tam khilatia ni o ni tabataba ei tia were ni Yalo Tabu, o kwoya e i cola i va ikho i buto, ko o lei vagani mai vua na Kalou? Mo khilatia o iko e tam vakhatakhi niko. ²⁰ O sa voli oti i na i voli. Ko so kwe ni yago qa ni yalo ko i leya na Kalou me vakharo khorokhotakhi ni koyoa.