¹ A sa teklivu leqwa kho khoya me vivahavuli i matacawa qa sa tlia na i wiliwili levu kha ra sa torokhi yati i vua. A sa vodo i na tlia na waqa i waidui, qa laki gatule khe. A ra sa nokhoto mei matacawa na le wara gima. ² Sa vakhavulicia vuara khei wara na kwa i na tata vakhatautauvata, qa sa kwayo vuara kwe i na lea vivakhavuli, ³ “Varogo, sa la yati na daulaulau me ceburakhinia na lea matanilau. ⁴ I na lea cebuceburakhi no, kha so e qele kha lutu i claevu, kha ra la mai na manumanu vukha qa ra khania. ⁵ Khei so leqwa kha ra tutu i na vanua vivatu, khei tamu levu khe na qwele. Sa totolo na khea tubu baletia ni tamu vavakhu na khea qwele. ⁶ Ni sa dra na suga, a ra sa malai na i lau, iani se tikhai tu dra wakha, kha ra sa sama. ⁷ Sa so leqwa kha lutu i na vio kharokharo, na vio kharokharo kha ra tubu mai qa ra vakharugutia, a ra sa tamu vua. ⁸ Na khea vo kkha ra lutu i na qwele vina kha ra tubu waicakhe qa ra vuavuai, qa ra vuatakhinia, khei tolusagavulu, onosagavulu, qa yayadrau sara.” ⁹ Kha sa qei kwaya “O khoya ga khei vakhataliga, me varogocia sara!” ¹⁰ Ia ni sa nokhoto tatlia no kha Jisu, a ru sa qei tetei khoya kho khoru na dau vakhalekheti khoya qei khoru na tinikharua me baletia na tata vakhatautauvata. ¹¹ A sa kwaya vuara, “i vekhe mu, sa soli mo mu tu khilatia na kwa vuni ni matanitu ni Khalou, ia vuara mei tuba, matanitu ni hhalou, ia vuara mei tuba, na kwa khece i na tata vakhatautauvata. ¹² Kheri tola tu, io kheri tamu tolavia, kheri varogocia tu qa ra tamu khilatia, ma khei lala qa ra vukhi, khei na vosoti khora na khalou. ¹³ A sa tetei khora, “Mutu si tamu qulumia no ga, na tata vakhatautauvata kwe? Mutu na qei khilatia rewa vakhacava na vo ni tata makhatautauvata? ¹⁴ Na dau laulau kwa cabo no na mata ni i lau gima, sa ni khoya khei cabo no no tata. ¹⁵ O khora kwe na lutu i na boti ni caleru, na vanua khei cabo khe na tata, ni ra sa varogocia, sa qei la mai kho Setani qa khau dei na tata sa lau tu i dra yaloga. ¹⁶ A kwe kwa khei lau i na vanua vivatu, o khora kheri varogacia na tata, qa ra sa sovia totolo du i na marau. ¹⁷ Kha si tamu ti dra wakha si lekhelekhe du boto na ledra vasotia no, qa sa yaco mai na vivakhararawatakhi qa na vivakhatotogitakhi i na vukhu ni tata, a sa totolo na ledra oba. ¹⁸ Khei so kha ra lau i dra macaqwa na vio kharokharo Kha ra sa varogocia na tata, ¹⁹ Ia na lomaocaoca ni kwa ni vuravura na i yau khei dau vivakhacalai, qa na dau garovia na vikwa leqwa khei so, khei rusu mai qa vakharugutia na tata, qa tamu vua sara. ²⁰ Ia kho khora kheri lau i na qwelelvina, sa ni khora na varogocia na tata, qa ra vakhabautia, qa ra sa vuatakhinia na vua khei tolusagavulu qa vuavua i drau na kwa khei lau.” ²¹ A sa kwaya vuara kho Jisu, “Qania mutu sa khau mai khi buto ni sue na cina mutu na mei taunia no i rukhu ni sova se i na rukhu ni vata? Khi na khau ga mai qo na mei nakhia ga i na khea i nakhinakhi. ²² Do khei tikhai tlia na kwa tara vakhailo me na tamu laikhilati, qa tikhai tlia na kwa m=vuni me na tamu laitolavi cece. ²³ Kwa khei tlia khei vakhataliga, me varogocia!” ²⁴ A sa kwaya vuara, “mutu numia vina na kwa mutu sa varogocia, do na i vakharau mutu vakharautakhinia e na vakharautakhi qa vakhaikhuritakhi vekhemutou. ²⁵ Kho khora khei sa tau no i vuara khei na vakhaikhuritakhi leqwa yati, ia kho khora khei tikhai vuara, khei na khau teni leqwa mai na kwa vicavica i sa bau tau no i vuara.” ²⁶ A sa kwaya muni, “Na matanitu ni Khalou khei odakhi na lea cabo i na qwele no matanilau khei tlia na tamata. ²⁷ Kha moce i na bbogi, qa mata i na siga, sa cibote qa tubu na i lau, kha tamu khilatia se kha tara vakhacava? ²⁸ Sa vua vakhai khoya ga na qwele, khei matai e rau, qa e se, qei tubu mei khe e vua. ²⁹ Ni sa dreu e vua sa lei vakhatalatakhi vakhatotolo na i sele takhelo, baletia ni sa te gauna ni tatamusukhi. ³⁰ A sa kwaya leqwa, “na cava e di rewa ni vakhatautauvatania qaya na matanitu ni Khalou, se na tata vakhatautauvata cava khei rewa ni vakhamacalatakhinia? ³¹ E i okakhi na qele ni masita, ni sa lau, khei sewasewa tatlia vuara na mata ni i lau i vuravura. ³² Ia ni sa lau, khei tubu me la’ki siviti khora na vivunikhai i na i laulau, khei lakhi yalevu e tulatula, qa ra vakhasova i e rukhu kho khora na manumanu vukha. ³³ Sa wara na tata vakhatautauvata odakhitakhi kwe sa kwaya vuara, ni rewarewa na ledra khilatia, ³⁴ Kha sa tata no ga i vuara i na tata vakhatautauvata. Ni sa nokhoto tatlia no, sa qei vakhomacalatakhinia khece vuara na lea tisaiveli. ³⁵ I na siga gima ni sa yaviyavi mai, a sa kwaya i vuara, “Me du sa la ro khi tiliva.” ³⁶ A ru sa deini khora no mai na le wara, qa ru mei Jisu yati me odakhi sa no rewa tu i na waqa. Kha so muni na waqa kheri sa la vata qaya no ³⁷ A qei tubu vakhasauri mai khei tlia na cagi qwaqwa qa sa vodo sara na ua i na buto ni waqa me vakhalekhe du ni sinai na waqa i na wai. ³⁸ Ia kho Jisu kha sa moce qa vakhali no i dreke. A ru sa vogonia qa ru vecei khoya, “Vakhavuvuli, mu tamu bau khauwai ni du sa vakhalekhe ni mate?” ³⁹ Kha dure qa vakharatia na cagi qa kwaya khi na wasawasa, “Mo tu vakha tlia, qo maravu mai!” Kha sa ruru na cagi, qa sa maravu vakhalevu du. ⁴⁰ A sa qei kwaya vuara, “Na cava na vuni lemutu matakhu Khei si tikhai ga vekhemutou na vakhabautia? ⁴¹ A ru sa vatakhu vakhalevu, qa ra sa kwaya vokhaikhora, “O cei ro kwe, ni sa bau talairewarewa muni I vua na cagi qa na wasawasa?”