¹ Ni rusu leqwa yati khi sue ni lotu kho khoya, sa no khoto no mai, khei tlia sa malumalumu e lima. ² A so vuara na no khoto I khegi, kha ra sa vakhatolavi khoya vakhavina no, ni ra vinatia me ra tavuiti khoya, ma khei vivakhacola kho khoya I na Siga ni Vakhacecegu. ³ A sa kwaya I vua sa malumalumu e lima kho Jisu, “Dure I dra macaqwa na tamata.” ⁴ Sa qei tetei khora na tamata, “Khei dodonu me tara na kwa vina I na siga ni Vakhacecegu se na kwa cakha ca, na vivakhacoln se na vivakhamate?” A ra sa tamu tata. ⁵ Kha sa vitolayakhi I na yalo ca, ni sa bekhe rarawatakhinia na ledra yaloqwaqwa, sa qei kwaya I vua na tamata gi, “donia mai mu lima.” A qei dodonia mai e lima, qa sa lei vakhacola. ⁶ A ra sa vagugu yati na farisi vuara na lea tamata li Eroti, me ra lawacia vata se me ra na vakhamateni khoya vakhacava. ⁷ A ra sa la yati khi matacawa kho Jisu qei khora na lea tisaiveli, qa ra sa takhuci Khoru yati na lewe ni vanua kha ra la mei Khaleli, qei khora mei Jutia. ⁸ Kho khora mei Jerusalemi, mei Itumea, na vanua sivi Joritani, na vanua vakhalekheti Taia qa Saitoni. lNi ra sa varogocia na vikwa khei sa tara, sa wara kheri sa la mei vua. ⁹ Sa terevi khoru na lea tisaiveli me ru vakharautakhinia khei tlia na waqa sewa me vodocia, me rewa ni gwalala vica vo mei vuara na tamata ni ra sa bekhe wara du. ¹⁰ Do khei sa vakhacolani khora khei wara, me rewa muni vudra na mavoa dra yalo me ra toso vakhalekheti khoya yati me ra derei khoya. ¹¹ I na vigauna khece ga kheri tolavi Jisu khe na yalo teni, kheri sa kharuva I vua, qa ra kwaya, “Sa ni mu ga na luve ni Khalou.” ¹² A sa vecei khora vakhabiri me ra khua sara ni vakhatakhei khoya. ¹³ A sa cavatia e dela, qa sa covi khoru mai khei sa vinatia, qa ru sa la mei vua. ¹⁴ Kha sa lesi khoru na tinikhoua “Sa vakhayacani khoru me I aositola) me ma rewa ni ru no qei khoya qa na qei vakhatalai khour yati me ru vunautakhi na I tukhutukhu, ¹⁵ Me tau muni vuaru na qwaqwa me ru kharavi khora na nitu. ¹⁶ Sa qei lesi khoru na tinikharua: Samoni, o khoya sa vakhoyacania me kho Pita; ¹⁷ Jemesa, na luvi Sevete qei Joni na taci Jemese kha vokhayaconi khoru I na yaca Poanaji, a gi, na lulve ni khurukhuru: ¹⁸ Qei Adriu, kho filipi, Pacolomiu, Maciu, Tomasi qai Jemesa na luni Alivio, kKho Cateo, kho Saimomni na gumatua, ¹⁹ Qei Jiutasa Ioikharioti, kwa qei lawakhiti khoya. ²⁰ Ni sa lesu yati khi sue, kha ra sa torokhi vata leqwa mai na tamata, qa ra sa tamu rewa boto ro ni khana madrai. ²¹ Ni ru sa varogocia na kwa kwe kho khoru na lea vunisue, a ru sa mei mea vaqwoqwa ni ru sa kwaya, “Sa gavui no kho khoya.” ²² Ia, kho khora na vunivola kha ra a mei Jerusalemi, a ru sa kwaya, “Sa curumi khoya no kho Pealisipupi” I na lea qwaqwa na ledra turaga na nitu, sa kharavi khora khe na nitu.” ²³ A sa covi khora yati khi vua kho Jisu kha kwaya vuara I na tata vakhatautauvata, khei rewa vakhacava I va Setani me kharavi Setani? ²⁴ Ma khei tlia na matanitu khei sa tawase tu, khei na tamu dure rewa na matanitu gima. ²⁵ Ma khei sa tawase tu khei tlia na vunisue khei na tamu dure rewa. ²⁶ Ma khei sa vivala vakha I khoya kho Setani qa sa tawase, sa na tamu rewa ni qai dure, ia khei sa na devu I vua. ²⁷ Khei tamu rewa me lairusuvi na sue ni tlia na tamata qwaqwa qa laivenakho na lea I yaya, vakhavo me laisobeti na tamata qwaqwa qa qei rewa ni laiqarati na lea I yaya. ²⁸ Qi sa kwaya na du ve khemutou, sa rewa ni lai vasoti na ledra I valavala co na luve ni tamata khece qa na tata vakhacaca khece kheri cavutia, ²⁹ Ia kho khoya khei tata vakhacacania na Yalo Tabu sa na tamu lai vosoti, qa sa na tau tu ga na lea i valavala ca me tawamudu.” ³⁰ A sa kwaya gima kho Jisu baletia kheri sa kwaya no, “Khei tau no I vua khei tlia na yalo teni ³¹ A ru sa qei la mai kho tinaya qei khoru na taciya qa ru mei dure tu i tuba. A ru sa vivakhatala me la’khi la mai ³² Kha sa wara kha ru sa volitia tu qa ru kwaya i vua, “Kheri sa no tu i tuba kho tinamu qei khoru na tacimu me ru mei vakhacevati ikho. ³³ A sa saumia vuara, “Kho cei kho tina yau se kho cei kho khoru na taciyau?” ³⁴ A sa vakhatolavi khora no gatule voliti khoya tu qa kwaya, Tolavia kho khora kwe na tinayau qa na taciyau! ³⁵ O khoya ga khei tara no lewa ni Khalou na tamata gi, sa ni taciyau, qa ni gwane au, qa ni tinayau.