¹ Ia sa cava kho Jisu khi e dela ni ulu ni vanua ni violive. ² Ia na qwataqwata sa la leqwa mai kho khoya i sue ni lotu, kha ra sa la mai vua kho khora khece na tamata: sa gatule kho khoya qa vivakhavuli vuara. ³ Ia Kho Khora na Farisi kha ra mea mai vua kha tlia na vibulou sa lei dani ni dautawane, kha ra sa vakhadure nia i na kedra vi mama. ⁴ A kwaya vua, vakhavuvuli sa lei dani na vibulou kwe ni dautagwane, ni sa dau tara no. ⁵ Sa tata vekhe da kho Mosese i na i vunau, Khe iri odakhi kwe, Ia na cava khi kwaya kho ikho? ⁶ Kha ra sa dakhi tata kwe me ra veretakhinia, me rewa qa ya muni ni ra tavuitia. ⁷ Ia kha ra sa tetei khoya no ma ga, sa dure kho khoya qa kwaya vakhe khora, kho khoya khei tikhai tlia na le ai valavala ca me tetei mata qa virikhia i na vatu. ⁸ Sa qei khoruva leqwa qa volavola no i na qwele. ⁹ Ia ni ra sa varogocia na lea tata, kha ra rusurusu ya tlia khi tuba, sa teitei mata kho khora na tuqwaqwa ni lotu qa teitakhu kho khora khece na tamata, sa qei vo tatlia kho Jisu qei khoya na vibulou i e mata. ¹⁰ Sa dure Kho Jisu qa tamu tolavia Khei tlia na vibulou ta tlia ga gima, sa kwaya vua yalewa i vai ni khora kwe? Khei tikhai ni khua khei wakharakharati ikho? ¹¹ Sa kwaya kho khoya, khei tikhai tlia turaga. Sa kwaya vua Jisu, qi tamu lewai ikho muni mo lei vakhakhara, mo la qa khua leqwa ni valavala leqwa. ¹² Sa tata leqwa vekhe khora kho Jisu qa kwaya, kho yau na rarama khi vuravura,, kho khoya khei takhu ci yau khei na tamu la khi na gigilo khei na nakhi no ga vua na cece ni cola. ¹³ Kho ra na Farisi kha ra sa qei kwaya vua, tlia sa kwa i kho: Ia Khei tamu du na lemu i tukhutukhu. ¹⁴ Sa tata kho Jisu qa kwaya vekhe khora ma qi kwa i yau sa du na lequ i tukhutukhu: qi khilatia na vanua qu la mai khe qa na vanua qi na la keqwa Khe. Ia miti tamu Khilatia kho mutou na vanua qu la mai vai qa na vanua qi la khe. ¹⁵ Mutu sa lewa me odakhi na kwa kwe lei dani qi tamu lewa Khei tlia na tamata. ¹⁶ Ia ma qi sa lewa, sa du na lequ lewa, ni qu tamu tokhoto ta tlia. Kho maru qei tamayau kho khoya kha vakhatalai yau mai. ¹⁷ Sa volai muni i na lemutu i vunau, ni sa du na ledra i tukhutukhu na tamata Khei rua. ¹⁸ Khei tlia kho yau qi sa kwa i yau, sa kwa i yau kho tamatau kho khoya kha vakhatalaimuni. ¹⁹ Kha ra sa qei kwaya vua, I vai ni tamamu sa kwaya kho Jisu mutu sa tamu se kho tamayau: ma miti khilatiya miti khilati tamayau muni. ²⁰ Sa cavutia na tata kwe kho Jisu ina sue bola i na lea vivakhavuli no i sue ni lotu, kha tikhai tlia kha derei khoya ni si bere ni yaco na lea gauna. ²¹ Sa qei kwaya leqwa vekhe khora, qi sa la yati mi tina vakhatolavi yau, ia miti na mate i na lemutu i valavala ca. Ia na vanua qi sa lacia miti na lacia rewa. ²² Kha ra sa qei kwaya na Khoi Jutia, Khei na vakhamate ni khoya ga vakhaikhoya? Kha kwaya, na vanua qi la khe miti tamu la rewa khe. ²³ Sa kwaya vekhe khora, Mutu la mai ira kho yau qu la mai yata, mutu sa vakhavuravura: Kho yau qi tamu vakhavuravura. ²⁴ O Khoya Kwe, qu kwaya vekhemutou, miti na mate i na vukhu ni lemutu i valavala ca. Ma miti tamu vakhadudutakhi nia ni sa ni yau, miti na mate i na lemutu i valavala ca. ²⁵ Kha ra sa qei kwaya vua, Kho cei kho ikho? Sa kwaya vuara kho Jisu, Sa nia ga qu kwaya vekhemutou mei nai vakhatekhivu. ²⁶ Khei levu na kwa qi tata-takhi mequ lewai mutou khe, ia sa du kho khoya kha vakhatalai: Ia qu sa kwaya vuara na khoi vuravura na vi kwa qu vakharogocia mei vua. ²⁷ Kheiri tamu Khilatia ni sa kwa i tamaya no vekhe khora. ²⁸ Sa qei kwaya vekhe-khora kho Jisu ni mutu sa lavetia devu Khi yata na luve ni tamata, miti na qei Khilatia sa ni yau, qi tamu dau tara vakhai yau muni khei tlia na kwa, ia na kwa ga sa vakhavulici yau khe kho tamayau sa nia qi kwaya. ²⁹ Ia sa tok khoto qai yau kho khoya kha vakhatalai yau mai: Ia Khei tamu de ini yau kho Tama yau mequ to khoto ta tlia ni qu sa tara no ga na kwa khei vi natia kho khoya. ³⁰ Kha sa cavutia na tata kwe kho khoya kha ra sa wara sa vakhabauti khoya. ³¹ Sa qei kwaya kho Jisu vuara no khoi Jiutia Kha ra sa vakhabauti Khoya. Ma miti na takhucia no ga na lequ tata. Miti sa na qei lequ tisaipeli du. ³² Ia miti na Khilatia na kwa du, i ya na kwa du khei na serekhi mutou. ³³ Kha ra sa kwaya bua, Kho mamu kwe na Khawa I Eparama, Kha tikhai tlia Kha bobula Khei ra tlia na gauna, Khi sa kwaya vakhacava, mutu na Serekhi. ³⁴ Sa kwaya buara, khei du khei du qi sa kwaya vekhemutou, kho khoya ya tlia khei valavala ca, Khei bobula i na i valavala ca. ³⁵ Khei tamu tokhoto vakha-tlia i sue na bobula Kho luvea Khei tokhoto vakha-tlia. ³⁶ Ia ma khei serekhi mutou kho luvea mutu na qei serekhi vakhadu khe. ³⁷ Qu sa Khilatia miti Khawa i Eparama: ia mutu sa mata vakhamate ni yau, ni tamu nakhi no mutu yaloga na lequ tata. ³⁸ Qi sa tata-takhi na kwa qu tolavia mei va tamayau, Ia mutu sa tara na kwa mutu varogocia mei va tamamutou. ³⁹ Kha ra sa tata qa ra kwaya i vua, kho tamai mamu kho Eparama, Sa Kwaya vuara Kho Jisu ma miti luvi Eparama, mutu na tara na lei valavala li Eparama? ⁴⁰ Ia mutu sa qei mata: vakhamate ni yau na tamata sa kwaya vekhemutou na du, O khoya qu varocia me i vua ra Khalau, Khei tamu da khi tara kho Eparama Kwe. ⁴¹ Mutu sa tara na lea cakhacakha li tamamutou, Kha ra sa qei kwaa vua, kho mamu tamu ina dau yalewa: Khei tlia ga kho tamai mamu na Khalou. ⁴² Sa qei kwaya i vuara Kho Kisu, ma Khei ni tamamutou na Khalou miti na lomani yau: qu sa tubu mai vua na Khalou qa qu lamai khe, kho yau qu tamu la boto mai vakhai-au, ia sa ni Khoya Kha vakhatalai yau mai. ⁴³ Na cava mutu sa tamu Khilatia Khe na lequ tata? Ni mutu sa tamu vakhabautia rewa na lequ tata. ⁴⁴ Kho tamamutou na nitu, ia miti vinatia mo mutu tara na lea i valavala li tamamutou. Kho Khoya na dau vi vakhamate mei nai vakha tekhivu. Khei tamu vakhabautia na kwa du, ni tikhai vua na du. Ni dau rekwarekwa Kho Khoya, Khei tata-takhi ga na Khei nakhi tu vua, ni dau rekwarekwa kho khoya qa vuni kwa kwe. ⁴⁵ Ia Kho yau i na vukhu ni lequ sa kwaya rewa vekhemutou na kwa du, mutu tamu vakhadudutakhi yau. ⁴⁶ Kho cei vekhemutou sa vakhadudutakhi nia ni qu cola? Ia ma qi sa tata du no vekhemutou. Na cava mutu sa tamu vakhadudutakhi ni yau khe? ⁴⁷ O Khoya Khei lea na Khalou, Khei varogocia na lea tata na Khalou: a kwe mutu sa tamu varogocia ni mutu sa tamu lea na Khalou. ⁴⁸ Kha ra sa qei tata na Khoi Jutia, qa ra kwaya vua, Mamu tamu kwaya vakha-du, ni khoi Samaria qa sa curumi ikho no Khei tlia na nitu. ⁴⁹ Sa kwaya Kho Jisu, Khei tamu curumi yau khei tlia na nitu, ia qi sa vakharokhorokhotakhi ni tamayau ni mutu sa vakhalialiani yau no boto. ⁵⁰ Ia qi tolavia mequ vakharokhorokhotakhi: Khei tlia khei vakhatoavia qa lewa. ⁵¹ Khei d Khei du qu sa kwaya vekhemutou, ma Khei tlia Khei vakhabautia no ga na leq u tata khei na tamu mate rewa. ⁵² Kha ra sa qei kwaya i vua na Khoi Jutia. Mamu sa qei Khilatia sa curumi kho khei tlia na nitu. Sa mate Kho Eparama qei khora mni na parofita, ia khi kwaya ma khei tlia khei vakhabautia no ga na lequ tata khe na tamu mate. ⁵³ Khi sa levu wei cakhe ni khua qa sewasewa civo kho Eparama kho Tama=da kho khoya kha sa mate? Khara sa mate muni na parofita. Kho buli ikho me ni cei? ⁵⁴ Sa kwaya kho Jisu, ma qi sa vakharokhorokha takhi ni yau, Khei tamu yaga na lequ vidokhai, kho tamayau ga khei vakharokhorokho takhi ni yau. Sa nia mutu kwaya me lemutu Khalou. ⁵⁵ Ia miti tamu Khilati Khoya, ia qu sa Khilati Khoya Kho yau, Ia ma qi sa kwaya qi tamu Khilati Khoya, qi sa rekwarekwa boto me odakhi kho mutou. Ia qi sa Khilati Khoya no ga qa vakhabautia no maga na lea tata. ⁵⁶ Sa vinatia du vakhalevu kho Eparama Kho tamamutou me tolavia na lequ gauna, Kha sa tolavia na lequ gauna, kha sa tolavia qa marau. ⁵⁷ Kha ra sa qei kwaya vua na Khoi Jutia. Khei tamu lima-sagavulu no lemu yabakhi? Ia kho sa tolavi Eparama mai vai. ⁵⁸ Sa kwaya vuara Kho Jisu, Khei du Khei du qu sa kwaya vekhemutou, Ni si bere ni suou Kho Eparama, qu sa cola kho yau. ⁵⁹ Kha ra sa qei tomia Kha so na vatu me ra vakhaviri Khoya Khe: Ia sa qei cu kho Jisu qa la teni mei sue ni lotu iria kedra vimama qa la sara yati.