¹ La na lea la yati kho khoya kha tolavia khei tlia na tamata kha matakhabulu. ² Khara tetei khoya na lea tisaipeli, vakhanivuli kho cei khei valavala ca kho tamaya, se kho tinaya khei ma sucu qa matakhabulu khe kho khoya. ³ Sa kwaya kho Jisu, Khei tamu valavala ca kho khoya kwe se kho tamaya se kho tinaiya me lei vakhattakhei boto khe na cakhacakha ni khalou i vua. ⁴ Khei dodonu me qu tara na lea cakhacakha li khoya kha vakhatalai au mai : ni si cece no sa vakhalekhe mai na bogi, khei sa qei cakhacakha rewa khe khei tlia na tamata. ⁵ Niqu tokhoto no i vuravura qi sa cece vuravura. ⁶ Kha sa tata no Khoya sa qei Khosivicia no qwele qa ulia vata na qwele qa na lea khatasivi qa borotia khe e mata na matakhabulu. ⁷ Sa kwaya vua, Lai verau ina i viaviasili mei Sailoama, na khei balebale Lei vakhata kha sa la yati qa lei verau qa lesu leqwa mai ni sa qei tola e mata. ⁸ Khara sa qei kwaya khe na lewe ni khoro qei khora khara dau tolavia ni dau Kherekhere no i mata, khei tamu ni khaya kwe kha dau tokhoto qa dau Kherekhere no? ⁹ Sa kwaya khei so, sani khoya kwe: qa so leqwa, khei odakhi kho khoya la khei tamu ni khoya yati, sa kwaya kho khaya sa ni yau ga kwe. ¹⁰ Kho ra sa qei kwaya, sa qei tola rewa vakhacava mu mata? ¹¹ Sa kwaya kho khoya, Na tamata e yaca kho Jisu, kha ulia na dada qa borotia khe qu mata qa kwaya i vekhe yau, la khi Sailoama mo lei verau khe, Ia qu sa lai verau sa qei tola qu mata. ¹² Khara sa qei kwaya vua, I vai ni khoya kha kwaya kho khoya, Qi tamu khilatia. ¹³ Kha ra sa qei mei khoya na matakhabulu i mata vuara na Farisi. ¹⁴ Ia na siga no vakhacecegu kha ulia khe na doda kho Jisu qa cebario khe e mata. ¹⁵ Kha ra sa qei tetei khoya leqwa na Farisi kha rewa vakhacava. Kha sa swaya i vuara kho khoya, khaborotia ‘qu mata kho khoya i na doda, qa qu verau qu sa qei tola vewa. ¹⁶ Khei so vuara na Farisi kha sa qei kwaya, Na tamata kwe khei tamu te tamata ni khalou ni tamu vakhatabunia na siga ni vakhacecegu, kha so legwa kha ra kwaya, khei tara rewa vakhacava na cakhacakha mana kwe khei tlia na tamata i valavala ca kha ra tamu lomavata khe. ¹⁷ Kha ra sa kwaya leqwa vua na tamata kha matakhabulu, Na cava khi kwaya me baleti khoya kha cebaria mu mata, kha sa kwaya kho khoya, O khoya na Parofita. ¹⁸ Ia kho khora na khoi Jutia khara tamu vakhadudukhinia o khoya kha matakhabulu i mata. Sa tola rewa kha ra sa qei covi khori kho tamaya qa tinaya na matakhabulu i mata. ¹⁹ Khara sa tetei khoru kho luvemuru kwe munu kwaya kha suou qa matakhabulu? Sa qei tola rewa vakhacava tu kwe. ²⁰ Kharu sa qei tata qa kwaya kho Tamaya qei tinaya, Mari Khilatia ni kho luvemaw kwe, kha suai qa mata khabulu. ²¹ Ia mari sa tamu khilatia se Kha tolo rewa vakhacava: se kho cei kha cebaria e mata, mari tamu, khilatia, khei sa tamata levu kho khoya mutu tetei khei na tukhuni khaya. ²² Kharu sa dakhi tata kwe kho tamaya qei tinaya ni ru sa matakhuci khora na khoi Jutia, kha ra sa qei lomavata na khoi Jutia me vakhatabui me i sue ni lotu kho khoya, ya tlia khei tusanakhinia ni sa Khasirito kho khoya kwe. ²³ Na kwa kwe khani so kwaya khe kho Tamaya qei Tinaya, khei sa tamata lew kho khoya: tarogi khoya. ²⁴ Kha ra sa qei covia leqwa tamata kha matakhobulu qa ra kwaya, vakharokho-vokhotakhinia na khalou, mati khilatia na tamata i valavala kho khoya kwakhi. ²⁵ Sa tata kho khoya qa kwaya, Qi tamu khilatia se khei tamata i valavala kho khoya se tikhai khei tlia na kwa qi khilatia, qu matakhabulu i mata qu sa qei tola rewa. ²⁶ Khara sa qei kwaya leqwa vua, Na cava kha tara vekhe ikho kho khoya sa ceboria vakhacava mu mata? ²⁷ Sa kwaya i vuara qu sa kwaya boto kwe vekhemutou, Ia miti tami mata varogocia, miti mato varogocia leqwa ina vukhu ni cava? Mutu ea vinatia muni mo mutu lea i tisaipeli? ²⁸ Khara sa qei vakhalialiania qa kwaya kho ikho i sa lea i tisapeli ia kho mamu mami lea i tisaipeli li Mosese. ²⁹ Kho mamu mami khilatia kha tata i va Mosese na khalou, ia na tamata kwe mami tami khilatia se kho la mai vai kho khoya. ³⁰ Sa tato na tamata qa kwaya i vuara sa qei tlia na kwa viva khurabuitakhi kwe, mutu tamu khilatia na vanua khei la mei khe kho khoya ia sa cebaria qu mata mequ tola rewa. ³¹ Dei sa khilatia khei tamu varagoci khora na tamata i valavala ca na khalou, la ma khei dau lotu wa khwi khila qa tara na lea lewo na khalou khei varogoci khaya na khalou. ³² Kha tamu rogo tu mei nai vakhatekhivu ni vuravura na khea lai cebara khi e mata kha tlia kha sucu matakhabulu tu mia. ³³ Ma khei tamu la mai vua na khalou kho khoya kwe khei tamu rewatia khei tlia na kwa. ³⁴ Khara sa qei tata qa kwaya vua, kho ikho boto kwe kho sucu mai ina i valavala ca. Ia khi sa vakhavulici mamu khara sa vakhatabu ni khoya. ³⁵ Sa vakharogocia kho Jisu kha ra sa vakhataabu ni khoya, ia khani qei mei sota qa kwaya vua khi sa vakhabautia no na luve ni khalou. ³⁶ Sa tata kho khoya qa kwaya, kho cei kho khoya turaga me qu vakhabautia. ³⁷ Sa kwaya vua kho Jisu kho sa tolavio devu, ia sa ni miri sa vitatakhi qa ya tu kwe. ³⁸ Sa qei kwaya kho khoya, Lequ turago qi sa vakhdoauti mu, qa khoruva vuo. ³⁹ Sa kwaya vua kho Jisu, Qu sa lamai khi vuravura kwe, mequ lewa, me ra tola rewa kho khora kheiri tamu tola rewa tu, ia me ra matakhabulu kho khora kheiri tdo tu. ⁴⁰ Kho Khora na Farisi kha ra to Khoto no muni qei khoya kha ra sa varogocia vi kwa kwe kha sa kwaya vua, Mati sa matakhabulu mu ni kho matau kwe? ⁴¹ Sa kwaya i vuara kho Jisu ma mutu sa matakhabulu, khei tikhai na lemutu cola; ia mutu sa qei kwaya, matu sa tola; A kwe sa nakhi tu ga khei na lemutu cala.