¹ Ia sa devu no vikwa kwe, sa, la voli kho Jisu mei Kalili: Kho khoya kha tamu mata la no I Jiutia ni Khoya no na Khoi Jutia ² Sa vakhalekhe no na ledra visorakhi levu na khoi Jutia, na solevu ni sue cevaceva. ³ Sa qei kwaya vua kho khora na taciya, La reva khei; qa mo lai Jutia me ra dania muni na lemu tisaipeli na lemu cakhacakha kho sa tara. ⁴ Ni tikhai tlia khei vinatia me lei khilati ni tara vunivuni no na kwa. Ma khe sa tara na vikwa kwe, vakha takhei ikho vuara na khoi vuravura. ⁵ Ni kho koru muni na tacia kharu sa tamu vakhabauti khoya. ⁶ Sa qei kwaya vekhe khora kho Jisu, khei si tamu yaco mai na lequ gauna khecega. ⁷ Kho vuravura khei tamu gagaci ikho rewa na, ia khei gagaci yau, qu sa kwaya wara baletia na leiga cakhacakha khei gigilo. ⁸ Mutu la cakhe khina Solwvu kwe; qi si bere ni la cakhe ina so levu kwe, ni sibere ni yaco mai na lequ gauma. ⁹ Ni sa kwaya rewa na kwa kwe vekhe khoru kha to khoto no ga mei kalili kho khaya. ¹⁰ Ni ru sa la cakhe na tacia, sa qaei la tumuni kho kho khoya khi na so levu. ¹¹ Kha ra sa qei vakhacevati khoya na kho Jutia i na solevu qa kwaya khei to kho to no i vai kho khoya. ¹² Kha ra vi kwairukhutakhi ni khoya vakhai lo. Kha vakhalevu du na tamata , khei sokhora kwaya, khei tamata vina kho khoya. Khei teni khei kwaya, khei tikhai, Khei lawakhitakhi ni khora no na tamata. ¹³ Kha tikhai tlia me kwa i koya i dra mata ni ra sa matakhuci khora na khoi Jiutia. ¹⁴ Ja,i na vimama ni gauna ni solevu; sa la cakhe kho Jisu Khina sue ni lotu qa vakhavuli. ¹⁵ Kha ra sa khurabui du na Khoi Jiutia qa ra Kwaya. Khei Khilatia vakacava na tamata kwe, ni si tamu lei vakhauvuli rokhei? ¹⁶ Sa tata vuara Kho Jisu qa kwaya? Khei tamu leqi au na lequ i vakhavuvuli na leya Khoya ga kha vakhatalai yau mai. ¹⁷ Ma Khei tlia na tamata Khei mata tara Khei dodonu me Khilatia rewa na i vakhabubuli kwe se Khei la vua na Khalou se qi kwaya no boto vakha i au. ¹⁸ Kho Khoya Khei tata no boto vakha i Khoya Khei vinatia no me dokhai, la kho khoya khei vinatia me lei dokhai kho khoya kha vakhavivakhatala mai, sa du khei tikhai vua na cala. ¹⁹ Kha tamu solia vekhemutou nai vunau kho Mosese, qa tikhai tlia du vekhemutou me takhucia nai vunau? ²⁰ Kha ra sa tata na lewe levu qa ra kwaya khe i sa curumi ikho tu khei tlia na nitu: Kho cei Khei mata vakhamate ni Kho? ²¹ Sa kwaya kho Jisu i vuara, khei tlia ga na cakhacakha qi tara, miti sa Khurabuitakhinia Khece du. ²² Sa solia vekhemutou na visilimi kho Mosese (Ia Kha tamu vu mei i va Mosese, Kha vu ga mai vuara na tuqwaqwa) Ia Kheiri sa vivakha silimi no i na siga ni vakhacecegu. ²³ Ma khei sa lili na tamata i na siga ni vakhacecegu, mutu Khua ni vakhacakhacakha nia na i vumau i Mosese; Mutu sa gagoci au ni khua ni qu sa vakhacolania taucokho Khei tlia na tamata ina siga ni vakhacecegu. ²⁴ Mutu Khua ni vakhalewa me Odakhi na Khea i rairai, mutu lewa ga vakhadodonu. ²⁵ Sa qei kway kha so vekhe Khora mei Jerusalemi, tamu ni khoya kwe kha ra mata vakha mate nia? ²⁶ Ia mutu tolavia Khei sa tata doudou, Ia Kheri tamu tata rewa se meru kwaya khei tlia na kwa, khara khilatia no ni sa nia gavakha du kwe na Kharisita se tikhai? ²⁷ Ia na tmata kwe dei sa Khilatia na vanua kha la mai Khe, Ia na Kharisito ni sa la mai Khei tkhai tlia Khei Khilatia na vanua khe lamai khe kho khoya. ²⁸ Sa qei coco Kho Jisu ina lea vakhavuvuli no i seu ni lotu qa kwaya, Miti Khilati yau, miti sa khilatia mu ni na vanua qu la mai Khe; Ia qu tamu la vakhai yau ga mai, Ia kha du Kho Khoya Kha vakhatalaiyau mai, Ia mutu sa tamu Khilati Khoya ²⁹ Ia qi Khilati Khoa Kho yau, ni qu la mai vua, Kha vakha talai yau mai kho khoya. ³⁰ Kha ra sa qei qulimi khoya: Ia kho takhai kha derei khoya, ni si tamu yacona lea gauna. ³¹ Ia sa wara na tamata kha ra sa vakhabauti khoya qa kwaya, khei na la ma i na Kharisito Kheri na tara rewa ni khua na cakhacakha mana levu kwe mai na vi kwa sa tara kho khoya? ³² Kho Khora na Farisi kha ra sa vakharogocia ni ra sa levu du sa vikwaivukhutakhi ru Khoya. Ia Kho Khora na Farisi qai Khora na bete levu kha ra vakhatalai khora kha so na ovisa mera sobeti Khoya. ³³ Sa qei kwaya vuara kho Jisu, Khei tamu wasa na leq mei to kho to qai mutou, Qi sa na qei la leqwa khi vuara kha ra vakhatalai yau mai. ³⁴ Mutu na vakha cevati yau, miti tamu cevalaunia. Ia na vanua qi na lacia miti tamu lacia rewa kho mutou. ³⁵ Sa qei vitalanoa vakha i Khora na khoi Jiutia, Khei na la ni khua khi vai kho khoya me du na tamu tolavi khoya? Kei na tamu la vuara na dauviseyakhi vuara na khoi Kirisi kha ra vakhavulici khora na khoi Kirisi. ³⁶ Na tata cava ni kwa kwe sa kwaya, kho Khoya miti na cakhacevati yau miti na tamu dania. Ia na vanua qi sa to khoto khe, miti tamu la rewa khe. ³⁷ Devudevu ni siga ru soleyua, sa dure Kho Jisu qa coco qa kwaya, ma khei tlia khei mata somu, me lama i vekhe yau qa somu. ³⁸ O Khoya sa vakhavauti yau me odakhitakhi sa kwaya nai Vola Tabu “Khei na drodro mei e yalo ga na vitaba ni wai ni cola. ³⁹ Ia na Kwa Kha kwaya kho Khoya sa nia na yalo Tabu Kho Khoya Khei na yaco i vuara na vakhabauti khoya, ni si bere ni soli na yalo Tabu: ni si bere ni vakharokhorokhotakhiKhi Jisu. ⁴⁰ Kha levu vekhe khora na tamata ni ra sa varogo cia na tata kwe Khara Kwaya, sa du sa nia kwe na parofito gima. ⁴¹ Sa kway khei so leqwa Khara Kwaya, A kwe na Kharisito. So leqwa kha ra kwaya, Khei na la rewa mai Kalili na Karisito? ⁴² Kha si tamu tukhunia na i Vola Tabu ni na lamai na Kharisito mei na Kawa Tevita, mai Peceliema na Khora li Tevita. ⁴³ Khara viletitakhi ni Khoya na lewe levu. ⁴⁴ Kha so khara mata sovetia ia Kha tikhai tlia Kha deri Khoya. ⁴⁵ Kha ra sa qei lama i na Ovisa qai Khora ra bete levu qa i khora na Farasi; qa ra kwaya vekhe Khora mutu sa tamu mei Khoya mai ina vukhu ni cava? ⁴⁶ Sa kwaya na Ivisa: Khei tikhai tlia me tata me Odakhi na tamata kwe. ⁴⁷ Kha ra sa qei kwaya na Farisi vuara, mutu sa lei vakhacalai muni Kho mutou? ⁴⁸ Sa vakhabauti Khoya Khei tlia na turaga se vekhe Khora na Farisi se tikai? ⁴⁹ Ia Kheiri sa rusa na tamata kwe ni ru tamu Khilatia nai vunau. ⁵⁰ Sa kwaya vekhe-khora Kho Nikotimo Kho Khoya Kha la ma mata i vua kha muni vekhe-khora. ⁵¹ Sa lei lewai Khei tlia i na i vunau ma khei si tamu lei varogo me lei khilati na lwa kha tara. ⁵² Kha ra sa kwaa vua, Kho ikho na khoi Kailii? Mo vakha dania qa Khilatia Khei tamu tubu mei Kaleli Khei tlia na parofita? ⁵³ Kha ra sa dukhu lala khece i ledra dukhu visuesue.