¹ Sa devu na vikwa kwe, sa qei la khko Jisu Khi na tiliva ni toba i kalili dau lei khi lati na toba kho Taiperia. ² Sa le wara a khara sa takhucia, ni ra sa tolavia, na vikwa mana sa tara kho khoya i vuara na tauvi mate. ³ Sacavatia e dela kho Jisu qa sa lai to Khoto khe qei khora na lea tisaipeli. ⁴ Sa vakhalekhe na khana vata ni Lasivitia Kha ra dau tara na khoi Jutia. ⁵ Sa dani wei cakhe kho Jisu sa dania na khedra wara kha ra sa la mai vua, sa kwaya kho Filipi, D i na volia mai vai na madrai me ra khana khe kho khora kwe? ⁶ Sa kwaya na wa kwe vakhatovele i Filipi ni sa Khilatia rewa tu na kwa me na tara. ⁷ Sa kwaya vua kho Filipi khei na tamu rauti khora na madrai khei voli ina tlia na pene, khei rua na drau me ra ya tlia qa vakhasewasewa boto. ⁸ Kha tlia vekhe khora na tisaipeli kho Adriu e tacini i’va Saimoni Pita sa kwaya vua; ⁹ Khei no khoto no kwe khei tlia na saravou khei nakhi no vua khei lima nai buli madrai parile qa rua na ika: Ia khei yaga vakhacava vuara na le wara khein to khato tu kwe? ¹⁰ Sa kwaya kho Jisu, Tata vekhe khora na tamata me ra gatule civo sa tlia na levu ni O i e sakhesakhe gima Qa ra sa gatule na tamata kha rairai lima na udolu na khedra wara. ¹¹ Sa qaratia na vibuli madrai kho Jisu qa vakhavinavinatakhinia qa vota i vuara na lea tisaipeli, khora na tisaipeli vuara na gatule tu me odakhi muni ni khe na ika me rauti khora. ¹² Ia na gauna kha ra sa vuse khe sa kwaya Kho Khoya i vekhe Khora na lea tisaipeli maroroya vata e tikhi yasewa khece khei vo me khua ni vo khei tlia na kwa. ¹³ Khara sa qei tomia vata qa vakhasinaitia kha tinikharua na tabe kho khoya kha vo mai na lima nai buli madrai parile khoya kha ra khania. ¹⁴ Khora na tamata ni ra sa tolavia na kwa mana sa tara kho Jisu kho ra sa kwaya, sa ni khoya vakha du kwe na paropita gima kha dadonu me lamoi vuravura. ¹⁵ Ni sa Khilatia Kho Jisu ni ra sa nakhitia me ra sa la mai qara sovetia vaqwaqwa me ra bulia me tui sa la takhia leqwa khi e dela. ¹⁶ Ia na gauna sa yaviyavi sa qei la civo vekhekhora na lea tisaipeli khi matacawa. ¹⁷ Qa vodo qa lacia atia na wasawasa khi Kepenaumi: Sa qei lutu na yaviyavi Kha si tamu yaco yati vuara kho Jisu. ¹⁸ Sa tlia na kwa na biau ina vuku ni cagi levu kha liwa no. ¹⁹ Khara sa voce yati ina tolu vakhacaca na maile, khara sa dani Jisu sa vilaykhi voli ina dela ni wai, kha sa yamatavia na waqa kha ra sa matakhu. ²⁰ Sa kwa ya vekhe khora, kho yau kwe: khua ni matakhu. ²¹ Khara sa qei vinatia me vodo khi waqa kho khoya Sa qei khele yati khi vovo Khina vanua kheiri la no khe. ²² Ia khea rowarowa, sa wara na tamata kha dure tu mai tiliva ni wai, Kha ra sa tolvia ni tikhai tliana velovelo sa nia ga sa vodocia no kho khora, na lea tisaipeli, kha tamu vodo qai Khora na lea tisaipeli Kho Jisu, Kho Khora na lea tisaipeli kha ra sokho ga yati vakha I khora. ²³ Ia kha so na velovelo kha la mai Taiperia sa vakhalekhe khina vanua kha ra kana madrai khe qa na ika ina lea vakhavinavinatakhinia rewa na turaga. ²⁴ Ni ra sa tolavia ni tamu tokhoto no muni khe gi kho Jisu qai Khora qa ya muni no lea tisaipeli, Khara sa vodo muni qa la Khi Kapenaumi me ra vakhacevati Jisu. ²⁵ Ia i na ledra sa dani Khoya mai tiliva gima Kha ra sa Khaya vua “Vakhavuvuli kho la mai ni gica? ²⁶ Sa tata vuara Kho Jisu qa kwaya, Khei du Khei du qi sa kwaya vekhemutou, mutu tamu vakhacevati au ina lemutu dania na vi Kwa mana, ina lemutu Khania ga na vibuli madrai qo mutu sa vuse khe. ²⁷ Mutu khua ni oca ina vukhu ni magiti sa devu, me Khemutou ga na magiti khe i sa nakhi tu ina cola tawamudu. ²⁸ Khara sa qei kwaya vua, Na cava me matu tara me tara Khe na cakhacakha Khei vina vua na Khalou. ²⁹ Sa tata Kho Jisu qa kwaya vekhe Khora, sa nia kwe na cakhacakha sa vina vua na Khalou, mo mutu vakhabauti Khoya Kha vakhatala mai Kho Khoya. ³⁰ Kha ra sa qei kwaya vua, Na cava me tei vakhadudu kho sa tara me matu tolavia qa vakhabauti ikho i na Kwa Kho sa tara. ³¹ Khora na tuqwaqwa Khara Khania na mana ma vikhaikhai me odakhi sa volai sa solia i vuara na madrai mei lomalagi me ra Khania. ³² Sa qei kwaya vekhe Khora Kho Jisu, Khei du Khei du qi sa kwaya vekhemutou na madrai gima me lomalagi, kho tamayau ga me lomalagi kha solia vekhmutou na madrai du mei lomalagi. ³³ Ni sa nia kwe na madrai mai vua na khalou, Kho Khoya Kha la civo mei lomalagi. Kha solia na cola vuara na khoi vuravura. ³⁴ Kha ra sa qei kwaya vua, Kho mu rikhi na turaga solia no go mai vekhemamu na madrai kwe. ³⁵ Sa kwaya vekhe Khora Kho Jisu, Kho yau na madrai ni cola, Kho Khoya Khei sa la mai vekhe au Khei mata Khana, Kho khoya sa vakhabauti au Khei na tamu mata somu leqwa. ³⁶ Ia qi sa kwaya vekhemutou, mutu tolavi yau, ia mutu tamu vakhabauti yau. ³⁷ Kho Khora Khece sa soli Khora mei vekhe yau Kho Tamayau, Kheiri na lamai vekhe-yau qi na tamu dei ni Khora du. ³⁸ Qu tamu la civo mai lomalagi me qu tara na lequ lewa me qu tara ga na lomai Khoya Kha vakhatalai yau mai. ³⁹ Ia sa nia kwe na lea lewa Kho Khoya Kha vakhatakalai yau mai, me qu Khua sara ni vakharevania Khei tlia sa solia mai vekhe au Kho Khoya, qa vakhadure ni Khora leqwa i na visaga mei takhu. ⁴⁰ Ia sa nia Kwe na lomai tamayau, me ra rewatia ya tlia na cola tawa mudu kho khora sa dani luvea qa vakhabauti Khaya. Ia qi na vakhadure ni Khoya ina visiga mei takhu. ⁴¹ Sa qei tata ghudrughudru takhi ni Khoya Kho Khora na Khoi Jiutia ni sa kwaya kho yau na madrai Kha la civo mei lomalagi ⁴² Kha ra sa kwaya, Khei tamu ni kho Jisu boto kwe kho luvi Josefa Kho tamaya qui vakha cava ni Kho Khoya, qu sa la civo mei lomalagi? ⁴³ Sa tata kho Jisu qa kwaya i vuara, mutu khua ni tata ghudrughudru. ⁴⁴ Khei tamu la rewa mei vekhe yau Khei tlia na tamata ma khei tamu vakhatavi khoya mai kho Tamayau Kha vivakhatala mai la qi na vakhadure ni Khoya leqwa i na visiga mai takhu. ⁴⁵ Khei so na parofita Kharu vola, Khei na vakhavulici Khora Khece na Khalou, Khara sa la mai Khe vekhe yau kho khoa ya-tila Kheiri sa varogoci tamayau kha ra sa lei vakhavuli. ⁴⁶ Ia khei na tamu tolvi tamaya khei tlia na tamata kho khoya ta tlia sa la mai vuana Khalou sa tolavi tamayau Kho Khoya. ⁴⁷ Khei du Khei du qu sa kwaya vakhemutou Kho Khoya sa vakhabauti au Khe sa rewatia na cola tawa mudu. ⁴⁸ Kho au na madrai ni cola. ⁴⁹ Khara Khania na mana mai vikhaikhai na lemutu tuqwaqwa, qara mate ga. ⁵⁰ Sa nia kwe na madrai kha la civo mai lomalagi me ra khania na tamata qa ra tamu mate. ⁵¹ Khoi au na madrai ni cola kha la civo mei lomalagi ma Khei tlia Khei Khania na madrai kwe khei na cola qha tawa mudu. Ia na madrai qi na solia sa ni a qu yago O Khoya qi sa solia me ra cola khe na khoi vuravura. ⁵² Kha ra sa qei veileti vakha i khora na khoi Jiutia kha ra kwaya, sa solia rewa vakhacava na tamata kwe e yago me da khania. ⁵³ Sa qei kwaya vuara Kho Jisu, Khei du khei du qi sa kwaya vekhemutou ma mutu tamu khania e yago na luve ni tamata qa somia e dra khei tikhai vekhemutou na cola. ⁵⁴ Kho khoya khei khania qu yago qa somia qu dra, sa rewatia na cola tawa mudu. Ia qa na vakhadure ni Khoya cakh ina siga mei takhu. ⁵⁵ Khei sa magiti du qu yago qa sa te wai ni somu dhu qu dra. ⁵⁶ Kho khoya khei khania qu yago qa somia qu dra kho khoya sa tokhoto qai yau, kho yau muni maru sa tokhoto qa ya. ⁵⁷ Me odakhi khei cola no Kho Tamayau Kho vakhatalai au mai, qu sa cola no muni kho yau ie vukhu ni tamayau. Khei odakhi muni khe kho khoya khei khani yau khei na cola ⁵⁸ Sa nia kwe na madrai kha la civo mei lomalagi khei amu tautauvata qa na mana kha ra khania na lemutu tuqwaqwa qa ra mate ga kho khora kheiri khania na madrai kwe, kheiri na cola qa tawa mudu. ⁵⁹ Sa ta takhi kho khoya na vi kwa kwe ina se ni lotu. I na lea vivakhavulici no mei Kapenaumi. ⁶⁰ Kha ra wara na tisaipeli kha ra vakharogocia kha ra sa kwaya: Na tata dredre kwe kho cei ina vakhabautia rewa? ⁶¹ Sa Khilatia kho Jisu, kha ra sa tata- ghugrughudru na lea tisaipeli: ina kwa kwe, sa kwaya vekhe khora: mutu sa lei vakhatarabetakhi muni kho mutou? ⁶² Khei na odakhitakhi ni khua khi vai ma miti dania na luve tamata me sa na la cakhe i na vanua kha to kho to no khe mei mata. ⁶³ Na yalo khei solia na cola, e yago khei tamu yaga na tata qi tatatakhi vakhemutou khei vakhayalo, qa sa vuni cola. ⁶⁴ Ia khei so vekhemutou khei tamu vakhabautia ni sa khilati khora mei na vakhatekhivu kho Jisu kho khora kheiri tamu vakhabauti khoya qai khoya khei na soli khoya yati. ⁶⁵ Sakwaya, sa nia kwe na kwa qu kwaya i vekemutou, khei tikhai tlia na tamata khei la rewa mei vekhe yau ma khei tamu soli khoya vua kho Tamayau. ⁶⁶ Na kwa kwe kha ra sa sukha reva khe kha lewara na lea tisaipeli, Kha ra sa tamu la vata qa ya. ⁶⁷ Sa qei Kwaya kho Jisu vuara na le tini- kharua. Mutu sa mata la teni kho mutou? ⁶⁸ Sa qei kwaya vua kho Saimoni, Pita, Kho mu na turago ma ti na la laqwa i va cei? ⁶⁹ Ia mati sa vakhabautia qa khilatia, ni sa ni m na kharisito na luve ni khalou cola. ⁷⁰ Sa kwaya vuara kho Jisu, Qu tamu digitakhi ni mutou na lewe tinikharua. Ia sa tlia vekhemutou sa lea i to na nitu. ⁷¹ Sa tukhuni Jutasa Isikarioti, kwo luvi Saimoni, ni sa nia kwe khei na soli khoya yati, kha tlia no muni vuara na le tinikharua kho khoya.