¹ Sa devu na vi kwa kwe sa tlia na ledra solevu na Khoi Jiutia; a sa la cakhe Khi Jerusalemi Kho Jisu ² Kha nakhi no mai Jerusalemi Kha tlia nai viaviasili qa vakhalekhe no khi na matamata ni sipi, e yaca e na tata vakha-Iperiu kho Peciseita qa lima no na khea sue ³ Sa tlia na kwa na levu ni tauvimate Khara vidharaci tu khe, na matakhabulu, na lokhilokni, qei Khora muni na malumalumu, Kha ra dau warakhi nia no me yavalati boto na wai. ⁴ Footnote: v:4 VOLA TABU MAKAWA E SEGA KINA NA (V4) ⁵ Kha tokhoto khe kha tlia na tamata qa tauvimate tu me yabakhi tolusaga vulu kha walu. ⁶ Ni sa dani Khoya Kho Jisu ina lea dara no sa Khilatia sara na yawa ni gauna kha dara no Khe gi sa kwaya vua kho Jisu “Imata cola se Tikhai”? ⁷ Sa kwaya na tauvimate Khei tikhai tlia tikhi vekhe Khora na lequ tamata me mei yau khi na I viaviasili i na khea dau lei yavati na wai, ia qi dausasaga no yati, khei tlia leqwa sa dau teiteimata ti au. ⁸ Sa kwaya vua kho Jisu. Dure qulumia na lemu I yaya ni moce, qo la. ⁹ Kha sa cola vina vakhasauti na tamata kwe qa qulumia na lea i yaya ni moce qa la, ia na siga ni vakhacecegu na siga gima. ¹⁰ I na kwa gima khara kwaya khe na khoi Jiutia vekhe Khora kha lei vakhacola, na siga ni vakhacecegu ni Khua Khei tamu vakhatarai mo dagi tu na lemu i yaya ni moce. ¹¹ Sa kwaya vekhe khora, kho khoya kha vakhacolani au Kha Kwaya, Dagi lemu i yaya ni moce qo la. ¹² Kha ra sa qei tetea, kho cei na tamata kwaki kha kwaya vekhe ikho mo qulumia cakhe na lemu i yaya mocemoce qo la? ¹³ Ia kho khoya kha lei vakhacola, kha tamu khilatia se Kho cei Kho Khoya, Kha sa la yati Kho Jisu ni ra wara kho Khora Khara tokho to i khe gi ¹⁴ Sa devu na vi kwa kwe. Sa qei dania Khoya leqwa kho Jisu mei sue ni lotu qa kwaya vua. Dania kho sa qei cola vina khua ni valavala ca leqwa, Khei lala me yacovi ikho khei tlia na khei cakha ca vakhalevu du. ¹⁵ Sa teni la na tamata gima qa kwaya vekhekhora na khoi Jiutia kho Jisu ga kha vakhacola ni Khoya. ¹⁶ Ina vukhu ni kwa kwe kha ra sa tata vakhacakhaca takhi ni Jisu na khoi Jiutua, ni vi kwa khece kwe kha tara no ina siga ni vakhacecegu. ¹⁷ Sa kwaya vekh Khora Kho Jisu; E i cakhacakha no ga kho Tamu-yau, kho yau muni qi cakhacakha no. ¹⁸ I na vukhu ni kwa kwe Khara sa vinatia vakhalevu du na Khoi Jiutia me ra vakhamate ni Khoya, tamu hia boto na lea vakhacacania na siga ni vakhacecegu, Ia khei sa kwaya no muni ni kho tamaya du na khalou qa sa kwaya ni ru tautauvata qa ya na Khalou. ¹⁹ Sa qei tata Kho Jisu qa kwaya vuara khei du khei duqi sa kwaya vekhemutou khei tamu rewatia vakhai khoya khei tlia na kwa kho luvea, na kwa ga khei tolavia ni tara kho tamaya, na vikwa khei tara kho tamaya khei tara muni kho luvea. ²⁰ Ni sa lomani luvea kho tamaya sa vakhatakheya vua na kwa khece khei tara kho Khoya. Ia sa vakhatakhea vua khei so na cakhacakha khei vina cakhe sara i na vi-kwa kwe Khua ni Khusari mutou khe. ²¹ Me odakhi ni sa vakhaduri khora mei na mate kho Tamaya, qa vakha cola nia sa odakhi muni khe kho luvea sa vakha cola ni khoru muni kheri vinatia. ²² Khei tamu lewa Khei tlia na tamata kho Tamaya, la sa qei lesia me lewa na kwa khece sara. ²³ Me ra vakhasaulagilagitakhi ni luvea na tamata Khecega, me odakhi takhi ga na ledra vakhasaulagilagitakhi ni Tamaya O Khoya Khei tamu vakhasaulagilagitakhi ni luvea Khei tamu vakhasaulagigilagitakhi ni Tamaya Kho Khoya Kha vivakhatala mai. ²⁴ Khei du Khei du qa sa Kwaya vekhemutou, Kho Khoya Khei varogocia na lequ tata qa vakhabauti khoya kho vakhatalai yau mai Khei sa rewatia na cola tawa mudu khei na tamu lei wakharakhara, khei sa la ma na mate Khina cola. ²⁵ Khei du Khei du qu sa kwaya vekhemutou, sala mai na gauna I a so vura mai ni khua me ra vakharogocia na nomo ni luve ni Khalou Khora na mate, kho kora kheri varogocia kheri na cola. ²⁶ Me odakhi khei cola ga vakhatakhi ni khoya kho Tamaya. Kha sa solia mu ni ga i va luvea me cola vakhatakini khoya. ²⁷ Kha sa lesi khoya muni ga me lea na lewa, I na vukhi ni Kho Khoya na luve ni tamata ²⁸ Me Khua ni khusari mutou na vikwa kwe sa la mai na gauna kheri na varogocia e domo kho khora khece mai na i bulubulu. ²⁹ Kha ra sa la mai Khe Kho Khora Khe ri, valavala vina me ra dure me ra cola, Ia kho khora nai valavala ca kheri na dure mera ei wakharakhara. ³⁰ Qi tamu tara rewa Khei tlia na kwa vakhaiau, qu sa lewa na kwa qu sa varogocia, sa dodonu na lequ “lewa, qi tamu takhucia na lequ vakhatulewa i na yalo ga ni tama – yau kho khoa kwa vivakhatala mai. ³¹ Ma Khei ni yau ga qi tukhuni ay, Khei tamu du na lequ i tukhutukhu. ³² Khei teni Khei tukhuni yau, Ia khei du na i tukhutukhu, Khei sa mai tukhuni yau no khe kho khoya. ³³ Mutu lei vakhatala iva Joni qa sa kwaya mai na kwa du Kho Khoya. ³⁴ Ia na kwa Khei tamu yagavekhe yau me ra tukhuni yau na tamata. Ia na kwa boto ga hi kwaya kwe me ra cola khe. ³⁵ Kho Joni na cina khei sa dure tu qa sa cece tu mai, ia mutu vinatia vakhasewasewa boto mo mutu ceqetakhinia na Khea cece. ³⁶ Ia na i tukhutukhu qu sa lei kwa i khe sewasewa kho Joni. Na cakhacakha kha solia mai vekhe au Kho Tamayau me qu vakhadevunia, na cakhacakha qi si tara no kwe sa kwa i yau kho Tamayau ni Kho Khoya Kha vakhatala i yau mai. ³⁷ Ia kho Tamayau kha vakhatala i yau mai sa kwai yau, Ia miti tamu vakharogocia e domo i na tlia na siga, se mutu dania na lea i tovo. ³⁸ Khei tamu nakhi tokho na lea tata i mutu yaloga ni mutu vakhabauti khoya khei vakhatalai yau mai. ³⁹ Mutu sa vakhadania i na vola tabu mo mutu numia miti sa rewatia khe na cola tawa-mudu na i vola kwe Khe i tukhu ni au. ⁴⁰ Ia miti tamu mata la mai vekhe yau mo mutu rewatia na cola. ⁴¹ Khei tamu yaga vekheyau me ra vakharokhorokhotakhi ni yau tamata. ⁴² Ia qi sa Khilati mutou ni tamu nakhi no i mutu yalaoga na loloma vua na Khalou. ⁴³ Qu sa la mai ie yaca ni Tama yau, Ia mutu tamu vakhabauti au, ma khei la mai khei teni tlia i e yaca boto miti na vakhabauti Khoya. ⁴⁴ Miti na vakhabautia rewa vakhacava miti sa dakhi vivakharokhorokhotakhi tu vakha- i mutou i qo mutu tamu vinatia na vakharokhorokho khei la tatlia ga mai vua na khalo. ⁴⁵ Mutu khua ni numia qi beitakhi ni mutou iva Tamayau: Khei tlia sa veitakhi ni mutou no kh Mosese mutu sa vakha raravi no khe. ⁴⁶ Ma mutu sa vakhabauti Mosese, mutu vakhabauti yau muni: Kho Khoya Kha sa volai yau. ⁴⁷ Ma mutu sa tamu vakhadudu takhi nia na lea i vola mutu na qei vakhadudu nia rewa vakha cava na lequ tata?