¹ Sa tatataki na tata kwe ko jisu, sa tadrake ki lomaloagi, qa kwaya, Tamayau, sa yaco rimi mai na gauna: vakarokorotaki ni luvemu me vakarokorokotaki ni me leqwa muni ma ga ko Luvemu. ² Me odaki mu sa solia ivua me lewai kora na tamata kece ma ga, me solia ko koya na cola tawa mudu, vuara ya klia mu sa solia vua. ³ Ia sa nia kwe na cola tawa mudu, me ra kilati mu na Kalou du taklia, qai Jisu Karisito okoya me vakatala mai. ⁴ Qu sa vakarokorotaki ni mu i vuravura ni qu sa vakadevunia na cakacaka mu solia mai veke au mequ tara. ⁵ Ia a kwe, Tamayau, mu vakaroka rokotaki ni au me daru tokoto vata, ina vakarokoroko sa naki tu ivekeau daru sa tokoto vata si bere ko tara ko vuravura. ⁶ Qu sa vakatakea mu yaca vuaru na tamata mu solia mai vekeau mai vuravura: eri sa lemu; la me soli kora mai vekeau, ka ra sa maloku ina lemu tata. ⁷ Ka na sa qei kilatia ni teki nq vu mai vekemu na kwa kece ma ga ko sa solia mai vekeau: ⁸ Ni sa soli vuara na tata mu solia mai vekeau; ka ra Sa vakabautia qa ra kilatia vakadu na lequ lamai vekemu, Ka ra sa vakadu nia ni ko mu, mu vakatalai au mai. ⁹ Qu sa masulaki ni kora: qu tamu masulaki ni vuravura, kora ga koya my solia mai vekeau o kora na lemu. ¹⁰ A sa lemu na vikwa kece, a sa leqi au muni na lemu; ia qu sa vakarokorokotaki i vuara. ¹¹ Ia qina tamu tokoto i vuravura, ia ko korq kwe, eri sa tokoto; vuravura, ia ko au, qu la yati vekemu Tamayau yalododonu, matotoi kora i mu yaca, kora kwe mu soli kora mai vekeau, me ra klia vata ga me odaki ko daru. ¹² Qu tokoto vata qai kora i vuravura, qu daumaroroi kora i mu yaca: kora kwe mu solia mai vekeeau qa qu sa maroroya, sa tamu reva kei klia vuara, ko koya ga sa dodonu me rusa; me lai vakatakuci ke nai Vola Tabu. ¹³ Qu sa qei la riki yati vekemu: ia na vikwa kwe mu sa tatataki vuravura, me levu sara na ledra marau i mu vu. ¹⁴ Qu sa solia ivuara na lemu tata, qa sa cakati kora ko vuravura, baletia kara sa tamu vakavuravura, me odaki qu sa tamu vakavuravura. ¹⁵ Qu sa tamu masi mo mu vakatikitikitaki ni kora i vuravura, mo mu maroroi kora ga mai na vu-ni-ca- ¹⁶ Ka ra sa tamu vakavuravura, me odaki qu sa tamu vakavuravura. ¹⁷ Vakatabu ni kora ina lemu vivakavuli du: sa du sara na lemu tata. ¹⁸ Me odaki mu vakatalai au i vuravura, qu sa vakatalai kora muni ga i vuravura. ¹⁹ Ia qu sa vakatabu ni au baletia dra vu, qa me ra vakatabui muni ina vakavuvuli du. ²⁰ Ia qu sa tamu masu me baleti kora kwe, ia me baleti kora boto muni eri sa vakabauti ua no ina vuku ni ledra tata. ²¹ Me ra klia vata kece; me odaki daru sa klia vata, Tamayau, me ra klia vata qai daru: me vakadudutaki nia ko vuravura ni mu vakatalai au mai. ²² Ia na vivaka rokorokotaki me solia mai vekeau, qa qu sa solia ivuara; me ra klia vata, me odaki daru sa klia vata: ²³ Me qu dure ki vuara, qa mo mu dure vekeau, qa me lai vakayaco me ra klia vata ga, ia me kilatia ke ko vuravura nu mu sa vakatalai au mai, qa me odaki mu sa lomanu kora kei na odaki ni mu sa lomanu au. ²⁴ I Tamayau, qi vinatia me ra tokoto kece qai au ina vanua qi sa tokoto no ke, ko kora mu solia i vekeau, me ra tolavia na lequi ukuuku mu solia mai vekeau: nu me lomani au ni sibere ni tauyavu ko vuravura. ²⁵ I Tamayau yalododonu, sa tamu kilati mu ko vuravura; ia qu sa kilati mu, ka ra sa kilatia o kona kwe ni mu vakatabi au mai. ²⁶ Ia qu sa vakatakea ivuara mu yaca, ia qina vakatakea no: me tau no vuara na loloma koya mu lomani au ke, me qu tokoto muni qai kora. Amen.