¹ Sa kwaya ivuara na lea tisaiveli ko Jisu ni ra vakacocani i e vu, a sa yalataki nia vua na dauninim vakacegu, 1-15. Sa vakatakei muni kei na mate, qa cola leqwa mai na mate, qa lawai cake va Tamaya, qa sa kwaya kei na vakacegi ni kora o kora keri sa vakacacani, 16-33. Qu sa tukunia vekemutou na vikwa kece kwe mo mutu kua ni vakatacaqetaki. ² Eri na vakatakuni mutou mai na vi Sue ni lotu : ia kei na yaco mai na gauna keri na numia ke o kora yaklia sa vakamate ni mutou ni na sa qwaravia no ke na Kalou. ³ Ia na vikwa en na tara vekemutou, keri sa tamu kilati Tamayau se ko au. ⁴ Ia na vikwa kece qi kwaya vekemutou, koya kei sa t=yaco mai na gauna, muut na numia ke ha lequ kwaya vekemutou. Na vikwa kwe qu tamu kwaya rewaimata vekemutou, ina vu ni lequ tokoto vata qai mutou. ⁵ Ia qu qei la ki vua ka vakatalai au mai, ka tamu tarogi au kei klia vekemutou, Ki la no i vai? ⁶ Ia ni qu sa kwaya vekemutou na vikwa kece, sa luvua mutu yalo ina rarawa. ⁷ Ia qu sa kwaya vekemutou na kwa du : Kei na yaya velcemutou me qu layati : blaletia kei na tamu layati vekemutou na daunivivakacegu, koya qi na tamu layati; ia koya qina laati, qina vakatalai koya vekemutou. ⁸ Ia ke sa lamai ko koya, kei na vakatakea vuara na koi vuravura nai valavala ca, qa na kwa dodonu, qa na lewa: ⁹ Nai valavala ca, baletia e n sa tamu vakabauti au. ¹⁰ Na kwa dodonu, qu sa la i va Tamayau, qu mutu sa tamu tolavi au leqwa. ¹¹ Qa n a lewa kei sa lewai na turaga ni vuravura kwe. ¹² Sa levu na kwa kei sa vo me qu kwaya i vekemutou ia mutu na tami rewa tia ni kua; ¹³ Ia kei sa lamai okoya na Yalo Tabu na vu ni kwa du, kei na tuberi mutou ina kwa kece kei du: kei na tamu tata vakaikoya ia na kwa kece ga kei vakarogocia ei na tatataki : kei na vakatakea vekemutou na vi kwa kece kei na yaco mei taku. ¹⁴ Kei na vakarokorokotaki ni au ko koya : kei na kau na leqi au qa vakatakea vekemutou. ¹⁵ Sa leqi auna kwa kece koya kei li Tamayau na kwa kwe qu sa kwaya ke ina lau mai ko koya na lequ ka, sa vakatakakea vekemutou. ¹⁶ Sa vo vakasewasewa, mutu na qei tamu tolavi au; sa vo leqwa vakasewasewa mutu na qei tolavi au; na lequ sa la i va Tamayau. ¹⁷ Ka so vuara na lea tisaipeli ka ra kwaya vakai kora, Na cava na kwa kwe sa kwaua ivakeda ko koya sa vo vakasewasewa leqwa mutu na qei tolavi au : qa na lequ lai va Tamayau? ¹⁸ Na kwa kwe ara sa kwaya ke, Na cava na kwa kwe sa kwaya ko koya, sa vo vakasewasewa? Ni da tamu kilatia na kwa ei kwaya o koya. ¹⁹ Ka sa kilatia ko Jisu nu ra sa mata tarogi koya, sa qei kwaya vuara ko koya, Mutu sa valkatarogia na kwa qu kwaya, sa vo vakasewasewa, mutu na tamu tolavi au: qa no leqwa vakasewasewa, mutu na qei tolavi au? ²⁰ Kei du kei du qu sa kwaya vekemuta mutu na tagi qa tagiyaso, ia ko vuravura kei reki : kei na rarawa mutu yalo, ia na rarawa ni mutu yalo kei na vuki me reki. ²¹ Kei sa kinikini na vibulou sa rarawa, e na vikuni kwa sa yaco ina lea siga : ia kei sa sucu na luve, sa tamu numia leqwa na rarawa, ina vuku ni marau ni sa suai mai kei klia na tamata ki vuravura. ²² Ia sa qei rarawa mutu yalo i ia qu sa tolavi mutou leqwa kei na qei reki mutu yalo, kei na litileai klia ei na kau Teni na lemutu marau. ²³ Ia na sigi gi mutu na tamu lai tarogi au ke ina klia na kwa. Kei du, kei du qu sa kwaya vekemutou na kwa kece ma ga mutu na kerevia va Tamayau ina vuku ni qu yaca, kei na solia ko koya vekemutou. ²⁴ Mutu tamu kerevia imata kei klia na kwa i na vuku ni qu yaca: mutu na kerekere, mutu na qei newatia, me mevu sara na lemutu marau. ²⁵ Qu sa vakatakea vekemutou na vi kwa kwe ina tata vakatautauvata: ia kei sa yaco mai na gauna qina tamu tata ke vekemutou ina tata vakatautauvata, qina vakatakea qu vakamacaoataki nia vekemutou na vikwa ka li Tamayau. ²⁶ Ina sigi gi mutu na kerekere i qu yaca; ia sa tamu yaga mequ vakatakea vekemutou, qi na masiti Tamayau me baleti mutou; ²⁷ Kei sa lomani mutou ko Tamayau, mutu sa lomani au, qa vakadudutaki nia na lequ sa lamai iva Tamayau. ²⁸ Qu sa lamai va Tamayau qa qu lamai vuravura; qu sa dei ni veravera leqwa ga qu laiva Tamayau. ²⁹ Sa kwaya vuara na lea tisaiveli, Tolavia, qo sa qei tata qo vakamacala, qo tamu tatataki na tata vakatautauvata. ³⁰ Mamutu sa qei kalatia ni mu kilatia na kwa kece, kei tamu yaga vua kei klia na tamata kei tarogiko: na kwa mamutu sa vakadu nia ni ko mu sa lamai vua na Kalou. ³¹ Sa kwaya ki vuara ko Jisu, Mutu sa vakabautia riki? ³² Tolvia sa yaco mai na gauna, io, sa qei yaco mai, mutu na qei vei seyaki ke, na tamata yaklia kina lea sue, mutu na qei dei ni qu me qu no taklia : ia, qi na tamu no taklia mari na tokoto vata ga qai Tamayau. ³³ Na vikwa kwe qu sa vakatakea vekemutou, mo mutu rewatia na vakacegu i vekeau. Mutu na tolavia i vuravura na rarawa; ia mutu vakacegu; ko au qusa vakamalumalemutaki ni vuravura.