¹ Sa soli Jisu yati ko Jutasa, a sa takia reva e taliga ni Maliko ko Vita, 1-11. Ka sa lai mei Ko Jisu qa lai tuberi yati va Anasa qa Kaiafa, a sa cakitaki ni Jisu ko Vita, 12-27. Sa lewai Jisu si Pailato, 28-40. Ka sa tatataki devu na vikwa kece kwe do Jisu, kara sa layati ko koya qai kora na lea tisaiveli ki na bati ni wai leqwa tigi ko Vitironi, ka sa klia muni na were, qa sa ucu muni ke ko koya, qai kora na lea tisaiveli. ² Ia ko Jutasa, ko koya ka soli koya yati, sa kilatia e tiki: ka ra dau lacia vakalevu Ko Jisu qai kora na lea tisaiveli. ³ Ia sa rewatic ko Jutasa na mata sotia qa na ovisa, mai vuara na bete levu qai kora na Farisi sa yaco ke, a ra kau no ka so na tabucagi qa na cina qa so na garag ni valu. ⁴ Ia sa kilatia ko Jisu na kwa kece kei na yaco la vua, sa layati, qa kwaya vuara, Mutu sa vakadani cei? ⁵ Ara sa kwaya ki vua, Ko Jisu, Ko au. A sa tokoto vata qai kora ko Jutasa, ko koya ka soli koya yati. ⁶ A sa qei kwaya vuara ko koya, Sa ni au, ara sa suka yalobo, qa ra bale civo ira ina qwele. ⁷ Ka sa tarogia leqwa ko koya, Mutu sa vakadani cei? Qa ra kwaya, Ko Jisu na kwoi Nasareci. ⁸ Sa kwaya ko Jisu, Qu sa kwaya devu vekemutou ni ko au = ia koya mutu sa vakadani au, deini kora kwe me na la reva ⁹ Me odaki ke na tata ka kwaya ko koya, Qu sa tamu vakareva nia e klia vuara ko ya mu solia mai vekeau. ¹⁰ Ka qei wacunia mai ko Saimoni Pita nai Seleiwou ka tau no vua, qa yavitia ke na tamata ni bete levu, qa tasia reva e taliga matau. E yaca na tamata kwe ko Maliko. ¹¹ Sa qei kwaya va Pita ko Jisu, Taqa na kmui seleiwau ki na kea taga: na bilo ka solia mai vekeau ko Tamayau, qina tamu rewa ni somia? ¹² Ko kora na matai valu, qai kora kea turaga, qai kora na ledra ovisa na kwa Jutia, ka ra sa qulum Jisu, qa vasukia. ¹³ Ka ra sa tuberia ro imata va Anasa, ka ni vugai Kaiafa, ko koya sa te bete levu ina yabalci gi. ¹⁴ Ia ko kaiafa kwe, sa ni koya ka vakavulici kora na kwoi Jutia, ni sa yaga me mate kei klia na tamata i dra vuna tamata. ¹⁵ A ru sa takua Jisu, ko Saimoni Pita qa klia leqwa na tisaiveli: a sa lai kilati ma tisolveli gi vua na bete levu, a ru sa ucu vata qa Jisu ki na sue ni bete levu. ¹⁶ A sa dure tu dure tu ki Tuba ko Pita ka voleke no ki na matani sue. Sa qei ucu yati na tisaiveli leqwa ka klia, ko koya sa lai Kilati no mai vua na bete levu, qa sa tata nia na vibulou ka vakatawania no na matani sue, ko iko boto muni na Tisaiveli ni tamata kwe? Sa kwaya ko koya, ko au kei tikai. ¹⁷ XXXXXXX ¹⁸ A ra sa tokoto mai ke ko kora na dauvigwaravi qai kora na ovisa, a na sa vakaudre quto; ni sa dnwadriwa: qara sa tatalai, sa tokoto vata qai kora ko Pita, ka tatala. ¹⁹ Sa qei tarogi Jisu no beto levu i dra vu na lea traiveli i na lea i vakavuvuli muni. ²⁰ Sa kwaya vua ko Jisu, ko au qu tata boto ki vuravura, qa vakavuvuli no boto ina visue ni loti qa na sue ni soro, e ni sa dau la no ke ko kora kece na kwoi Jutia; ia qu tamu vunitaki nia kei klia na kwa. ²¹ A kuca ki ma tarogi au ke? Tarogi kora e ri sa dau vakarogocia, se na cava qu dau kwaya. ²² Ia sa tata devu ko koya, ka klia vuara na ovisa sa dure voleke, ka sabicia Jisu i ei lima, qa kwaya, ki sa tata vakacava tu vua na bete levu? ²³ Sa kwaya vua ko Jisu, koya qi sa tata vakaca, vakatakea vekeau kea cakaca: ia koya kei vina, i sa sabiei au ni vu ni cava? ²⁴ Ia ko Anasa sa vakatalai koya, ni sa vasu tu, va Kaiafa na bete levu. ²⁵ Sa dure tu ko Saimoni Pita, E ri sa qei kwaya vua, ko iko boto muni sa klia vuara na lea tisaiveli? Sa cakitaki nia ko koya, qa kwaya ko au kei tikai. ²⁶ Kei klia vuara na tamata ni bete levui ka ni wekaya ka takia dei e taliga ko Pita, qa kwaya Qu tamu tolavi muni vata inai lalau? ²⁷ Sa qei cakitaki nia leqwa ko Pita, qa sa tagi sara na to. ²⁸ A ra sa qei mei Jisu dei mai va kaiafa lei na sue ni vilewai, qa sa vakiroaroa cako ca; ia ko kora ka na tamu ucu ki na sue ni vilewai, me ra kua ni vakadukadukataku, qa me ra ia no ma ga na kana vata ni la-sivia. ²⁹ A sa qei ucu tati vuara ko Pailato, qa kwaya, Na cava na kwa cakaca mutu sa beitaki nia wa na tamata kwe? ³⁰ Ara sa tata qa na kwaya vua, ko ya kei sa tamu te tamata cakaca ko koya kwe, mamutou sa tamu soli koya yati vekeiko. ³¹ Sa qei kwaya vuara ko. Pailato, Mutu mei koya, qa mutu lewai koya me odaki na lemutu lawa. O koya eri sa kwaya ke vua ko kora na kwoi Jutia, kei tamu tara vekemamu me lai vakamate kei klia na tamata: ³² Me lai vakayaco ke na tata ka kwaya ko Jisu, ni sa vakatakoa nai valavala ni mate kei na mate ke. ³³ Sa qei ucu leqwa i na sue ni vilewai ko Pailato, ka covi Jisu, qa kwaya vua ko ika na ledra Tui na kwoi Jutia se tikai? ³⁴ Sa qei kwaya vua ko Jisu, ki sa tatataki na kwa kwe vakataki niko, se sa kwai au veke iko ko kora na teni? ³⁵ Sa qei kwaya ko Pailato, ko au muni na kwoi Jutia? Ko kora na kwoi lemu qai kora na bete levu, e ri sa soli ko mai vakeau: na cva ko tara? ³⁶ Sa kwaya ko Jisu, sa tamu vakavuravura na lequ matanitu: koya kei sa vakavuravura na lequ matanti, eri na qei vala na lequ tamata, me qu kua ni soli yati vuara na kwoi Jutia: la qkwe, sa tamu vu kei na lequ lequ matanitu. ³⁷ Sa qei kwaya vua ko Pailato, ko iko na Tui? Sa kwaya ko Jisu, ko sa kwaya ni qu sa Tui. Na kwe qu sa suau mai ke, ia na kwa kwe qu sa la mai ko ki vuravura, me qu dau kwaya na kwa du. O koya ya klia sa vakabautia na kwa du, sa vakarogocia na lequ tata. ³⁸ Sa kwaya vua ko Pailato, Na cava na kwa du? Ia sa tata devu odaki kwe, sa usu leqwa yati vuara na kwoi, Jutia, qa kwaya vuara, Qu sa tamu dania vua kei klia nai valavala ca: ³⁹ Ia sa klia na lemutu i valavala, me qu serekia kei klia vekemutou ina kana ni la-sina: mutu so vinatia ke, se tikou, me qu serekia vekemutou na ledra Tui na kwoi Jutia? ⁴⁰ Era sa qei taevaki nia qa kwaya, Me kua ga ni tamata kwe, ko Parapa ga. Ia kna dauverako ko Parapa.