¹ Mo mutu vakha takhu takhu ci ana Khalou, me odaki kho khora na luve ni tokho. ² Mutu tara no ga nai vala vala ni loloma me odakhi sa lomani da na Kharisito, qa soli khoya ive khe da me te madrali khei buivina me tei soro i vu ana Khalou. ³ Ia na dauyalewa se me tlia na khwa khei dukha dukha se na dau kocokoco me khua ni lei kwai imutu macaqwa, akhwe khei tomu dodonu ivuara na tamata kheri sa lotu. ⁴ Me kuwa ni tlia na khwa vakhasisila, me khuwa na tata vakha gavui se na viwali, na khwa kece kwakhi thei tamu dodonu, me tara ga na vakhavinavina. ⁵ Mo mutu khilatia, na rusulo, na vikhwa dukha dukha qa na daukocokoco, na qwaravia na Khalou rekwarekwa, kho khora khwe sa tikhai na ledrai votavota i nai matanitu li Kharisito qa na Khalou. ⁶ Mo khuwa ni mutu rawai ina ledra tata i na vu ni khwa khwe sa yalo ca ni, Khalou khei na takhuci khora na luve ni talai dredre. ⁷ Mutu khuwa ni sema qei khora. ⁸ Mutu tokhoto mai mata ina gigilo, ia akhwe mutu sa cina ina vura vura. Mutu dau la tokho me odakhi na luve ni cece. ⁹ (na vua ni cece nai valavala vina, na dodonu qa na vunidu) ¹⁰ Qo mutu vakha tovole na khwa sa vina ivua na Turaga. ¹¹ Mutu khuwa ni tokhoto qei khora kheri vala vala gigilo, mutu vakha cece taki ni khora. ¹² Khei vakha madua me lei cavuti ra khwa khei no vakhai lo. ¹³ Makhi tlia sa vivkha cece takhi, sa qei lei tolavi mai. ¹⁴ Khei tlia ga na kwa khei lei tolavi khe ina cece sa te cina. Me odakhi sa lei khwai, “Mutou na moce, mutu mata, mutu mata mai na mate, ina vakha cece takhi ni ikho na Kharisito.” ¹⁵ Mutu tolavia vina na lemutu i yali yali me kuwa ni odakhi na lia lia, mo mutu odakhi na vukhu. ¹⁶ Mo mutu volia me lemutou na gauna baletia sa cakha ca na vi khwa khwe. ¹⁷ Mutu khuwa ni lialia qo mutu khilatia na cava na loloma ni Khalou. ¹⁸ Mutu khuwa ni mateni ina waini, khei na yaco khe nav ala vala khei vakha sisila, ia mutu sinai ga ina yalo tabu, ¹⁹ Mutu vitalanoa ga vakhai mutou ina qa na sere qara were vakha yalo, mutu lagasere ina sere khei vina ivua na Khalou ina vu ani mu yalo. ²⁰ Mutu vakha vina vina ina vu ni Turaga kho Jisu Kharisito ivua na Khalou na Tamada. ²¹ Mutu vakha malu malu muni mutou ina matakhu ivua na Kharisito. ²² Kho mutou na yalewa vakhawati, mutu vakhamalu malumuni mutou iva welei mutou me odakhi ivua na Turaga. ²³ Sa ulu ni yoXewa na Tagwane, me odakhi na Kharisito na ulu ni lotu, okhoya nai vakhacola muni ni yago kho khoya. ²⁴ Ia na lotu khei vakhamalumalumuni khoya khi vu a na Kharisito, na yalewa muni iva welea ina khwa khece. ²⁵ Mutou na tagwane, mom utu lomani welemu, me odakhi na Kharisito na lea lomania na lotu, qa soli khoya yati ivua. ²⁶ Me rewa ni vakhasavasava takhi khoya, me savasava ina waini sava sava qa na tata. ²⁷ Me rewa ni vakhatakhei ina lot unai serau, khei tamu dukha se khei sa sa lukhi lukhi se tlia na khwa sa odakhi me savasava me khuwa ni cakha ca e tlia e tikhi. ²⁸ Khei vina ivuara na tagwane ne lomani khora na dui weledra me odakhi dray ago. Okhoya khei lomani weledra sa laomani khoya. ²⁹ Khei tikha tlia khei rewa ni cakhatia e yao, ia khei na dau qaraunia qa marorotia qa qwaravia vakha vina, me odakhi na Kharisito na lea qarauania qa na lea qwaravia na lotu. ³⁰ Baletia kho da di tikhi ni e yago. ³¹ "Na vu ni khwa khwe sa deini tamaya qa tinaya khe na tagwane me lei tokhoto qa welea, khora na rua sa yaco meru tlia bau ga ina ya go." ³² Sa khwa levu na khwa vuni khwe, qu sa khwai khora no na Kharisito qa na lotu.