¹ Mutu talairewa rewa na yaluve ivuara na lemutou tuqwaqwa in vukhu ni Turaga, me odakhi khei dodonu. ² ”Dokhai khor ana Tamamu qa na TiXamu” (sa lei yala takhi devu mai na matai ni vunau). ³ “Me vina khe ivekhe ikho mo rewa ni cola balavu khe ina vura vura khwema.” ⁴ Mutou na Tama mutu khuwa ni vakha yalo coni khora na lemutu yaluve. Tuberi khora ina vakharau ni cola qa na vakha vuvuli ni leda Turaga. ⁵ Mutou na bobula, mutu talai rewa rewa vua na na lemutu Turaga me odakhi khei vakhayago ina vidokhai qa na vala vala malua ina yalo dodonu ni mu yalo. Mutu taliarewa rewa khi vua me odakhi na lemutu talai rewa rewa ivua na Kharisito. ⁶ Mutu khuwa ni talairewa rewa boto ga ina gauna khei tolavi mutou khe na lemutu Turaga, mo mata vakha loma vina takhi ni khoya khe. Ia mo tulai rewa rewa ga me odakhi mo bobula li Kharisito, okhoya sa tara na loma ni Kharisito mai ie yalo. ⁷ Viqwaravi imu yalo khece, me odakhi khei qwaravia no na Khalou tamu te tamata, ⁸ Baletia di sa khilatia na vikhwa vina khei tara kehi tlia ga na tamata, o khoya khei na gulumia na khea i sau mai vua na Turaga, se khei boblua se khei sereki. ⁹ Ivekhemutou sa Turaga, mutu tolavi khora vakha tautau vata na lemu tamata. Mutu khuwa ni vakha mata matakhu ci khoru. Mutu khilatia no kho khoya na lemuru Turaga rua rua khei tokhoto no ga mai lomalagi, sa takhai vua na talavi vakha ta tikhi. ¹⁰ Mo mutu qwaqwa ivuq na Turaga, ina lea vi vaka qwa qwa takhi. ¹¹ Mutu taqa nai yaragi khece ga ni Khalou, mo mutu veratia rewa na lea lawakhi khece na tevoro. ¹² Na leda I valu sa tamu vakha yago, di sa valu no qei khora sa teteimata, qie khora kheri sa qwaqwa, qei khora kheri tokhoto tu ina gigilo ni vura vura vakha lomalagi. ¹³ Mo mutu taqa nai yaragi khece vakhalou, mo mutu rewa ni voratia khe na siga cakha ca, ni mutu sa tara kece mo mutu dure dei. ¹⁴ Mutu dure dei me odakhi sa wati tu mutu gau ina lomadu, qa sa tokhoto imutu yaloga ni sasa bai ni vala vala dodonu. ¹⁵ Me vakhaX vava mutu la ina cakha ca ni tukhu tukhu vina ni vivinati. ¹⁶ Na khea i khuri mo mutu khau no na vukhabautia me tei sasabai mo mutu drelonia na gasau vidi khece ni teXoro. ¹⁷ Mutu taqa nai sala ni cola qa nai selei wau ni yalotabu sa nia na lea tata na Khalou. ¹⁸ Mutu masu no ina masu kece, qa na daukere kere ina yalo tabu, qo mutu yadravia no vakha guonatua kece qa na daukhere khere me baleti khora khece na tamata lotu. ¹⁹ Numi yau no ina masu, me soli ivekhe yau nai tukhu tukhu ina gauna qi dolavia khe qu gusu mequ wase vakha dodonu na khwa vuni ni tukhu tukhu vina. ²⁰ Qu sa lei vakhatala gequ vunautakhi nai tukhu tukhu vina, kho yau sa vesu Xti, mequ tata vakha dodonu, ina gauna qi mata tata khe. ²¹ Kho tikhi kho, na wekhaqu lomani sa tala takhi yalo du ni luraga, ina vakha takhea na khwa khece i vekhe mutou me baleti Xu na lequ tokhoto qa na lequi valavala. ²² Qu sa vakhatala yati ivekhe mutou me odakhi na khea i nakhi, mo mutu khilatia na lequ tokhoto me vakhacegu khe mutu yalo. ²³ Me ledra na viwekhani na vakhacegu, na loloma, qa na vakhabautia mai vua na Khalou, na Tama-da qa na Turaga kho Jisu Kharisito. ²⁴ Me ledra na loloma kho khora khece so lomania na ledra Turaga kho Jisu Kharisito ina loma-du.