¹ Sa nia kwe qu sa terevi mutou ina lequ vesu tu ina vukhu ni Turaga, mo mutu la no ga nai vala vala vina inai tutu mutu sai lei covi khe. ² Qi sa tervi mutou mom utu yalomalumalumu qa mutu yalomalua, mutu vosotia no qo mutu vivosoti vakhei mutou ina loloma. ³ Mutu vaqwaqwa sara mo mutu maroroya no na tlia vata ni yolotabu, mutu sa tlia vata ina loloma. ⁴ Sa tlia vata go nai soqosoqo lotu kece qa tila ga na yalo tabu, me odakhi mutu sa lei covi inai nuinui khei tlia ga nil emu lai covi. ⁵ Sa tlia ga na turaga, tlia ga na vakhabautia, sa tlia ga na vavitaiso. ⁶ Qa tlia ga na Khalou na Tama-da kece, okoya sa lewa na kwa kece, kha sa rusuvia na kwa kece qa tokhoto imutu yaloga kece. ⁷ Iveke da kece sa soli devu mai na loloma me odaki nai vakarqu ni soli soli li Kharisito. ⁸ Kha sa lei khwai devu me odaki sa volai, “Ira gauna sa la khe i yata, kho koya sa vakahbobula takhi ni khora na lewe wara mera bobula, kha sa solia nai soli soli khei so ivuara na tamata.“ ⁹ Na cava na khea i balebale na lea “lakhi yata”, kha sa la civo muni kho koya ina vivanua ina yasa ni vuravura ki ra? ¹⁰ Kho khoya sa la civo, sa ni Khoya no ga khei na la yati i yata me sivitia kece na lomalagi me vakhasiroXX ken a kwa kece. ¹¹ Sa solia na Karisito me so me te avositolo, so me Parofita, so me dau ni vinau qa so me vakhatawaqa vivikhavuli. ¹² Meru vaviatakhi vina kho khora sa lotu ina vukhu ni viqwaravi, me tarai tarai cakhe no goi khe na i yagoi Karisito. ¹³ Me yacovia na tliavata ina vakabautia qana kilatia me baletia na luve ni Khalou, me du tautau vata inai vakharau ni tamta du, khara sa sinai ina Kharisito. ¹⁴ Sa vakha tu ni da na Kharisito medu kuwa leqa ni vakha yaluve no ina ledu toso no i mata i tacku ina cagi ni vivakhavula qa na lawaki ca ni sona tamata ina ledra dauvivakacalai. ¹⁵ Ia medu ia no na tata du ina loloma, me du tubu khe ivua ina khwa kece, kho khoya da ulu, na Kharisito. ¹⁶ Sa tara qu vakha durenia na Kharisito na yago cokho, qa Semania vata qa na viseme kece, ia sa cakacakha vata ni vi tikini yago, sa na vakhavunia me tubu na yago ina loloma. ¹⁷ Qi sa terevia vakha biri ina vukhu ni Turaga, mi sa tamu cola me odaki na Khwai vimatonita teni, me odaki na ledra lialia. ¹⁸ Sa gigilo na ledra vakasama, sa tikhai na vivinatu qei khora na cola sa vu mai vua na Khalou, i na vukhu ni cola lialia sa nakhi tu i dra yalo. ¹⁹ Sa tikhai i vuara na madua qa ra sa dau tara na i valavala vakhasisila, na vicakhacalkha khei tamu sarasara kheri dau tara tu me odakhi kheri sa vinatia. ²⁰ Khei tamu te caleru gima, mo vulicia khe na vi kwa me baletia na Kharisito. ²¹ Qu sa khilatia ni mu sa vakharogocia na kwa baleti kwora, me odakhi mu sa lei tuberi devu i na du khei nakhi tu i va Jisu? ²² Mu sa lei tuberi devu, mo mu biutia dei na kwa khei nakhi tu i mu yaloga. ²³ Mu sa lei tuberi i na vivakhavoutakhi ni vakhasama, ²⁴ Qo mutu taqa na tamata rou i na vibuli me odakhi na Khalou – i na lea yalododoun q ana savasava. ²⁵ Mutu deinia reva na rekwarekwa, qo mutu dau tata du vakhaimutou baletia di sa vi tikhi vakhaida ga. ²⁶ Miti sa yalo ca ia mutu khua ni cala khe. Me khua ni dromu na siga qo mutu si yalo ca no ga. ²⁷ Khua ni vakharawatakhi ni mutou i vu ana tevoro. ²⁸ O khoya sa dau venakho, me khua ni qei venakho leqwa, ia me calchacakhataki na kwa vina mai i e lima, me rewa ni nakhi I vua e so na kwa me wase i vuara sa vinatia na vivukhe. ²⁹ Me khua na tlia na tata ni vicakhati me lutu mai i mu gusu Dau tata ga i na tata e i vina, o khoya e vilaveti, na lemu tata me khau mai na vina i vuara na vakharogocia. ³⁰ Mutu khua ni dau valchayaloca nia na yalotabu ni Khalou, ni sa vakharu nia kho khoya i na lemu dregati me baletia na siga ni cola. ³¹ Deinia reva i vekhamutou na vicakhati, na yaloca, na levaleva na viba, na tata ni vicakhati qa na vikwa khece sa cakhaca. ³² Mutu vilomani vakhai mutou, mutu dau loma vina vakhaimutou, mutu virosorosoti me odakhi sa rosoti mutou na Khalou i na vu i Kharisito.