¹ Na leqhu kwa talei, mu khua ni vakhabautia khei so na vimataqali yalo. Baletia khei so na yalo i di tolavia khei lamai e dau vi vakhatovolei ma khei lamai vua na khalou se tikhai, baleha khei so na Parofita vekwarekwa, khei sa no tu skw i vuravura. ² Ia a kwe mu na khilatia na yalo-vakhalou-na yalo kece khei tusanaki nia va Jisu Karisito, kha vu mai vua na khalou. ³ Khei so na yalo muni Khei tamu tusanaki nia va Jisu tamu vua muni vha khalou. A kwe na yalo tamu vakarisito, na kwa sa varogocia no mai kwe sa no devu tu kwe i vuravura. ⁴ Kho mu mei vua na khalou, mutou na luve au, kha larusuvia kece, baletia kha tlia kho khei no vekemu khei levu sara mai kho khoya i no tu i vuravura. ⁵ Kho khora mai vuravura, la kwe na kwa khei ra kwaya khei lamai vuravura, ia kho vuravura khei vakarorogo vekhora. ⁶ Khoda mai vua na khalou, tlia khei khilatia na khalou varogoci mamtou mai. Ia kho khoya khei tamu vakarogoci mamtou khei tamu la mai vua na khalou. Ia a kwe di qai khilatia na yalo du qa na yalo khei cala. ⁷ Na leqha kwa talei, me du vilomaru sara, baletia na lea loloma na khalou, qai khora dau loloma khei sucu mai vua na khalou qa khilatia na khalou. ⁸ Na tamata kehi tamu dau loloma, khei tamu khilatia na khalou, baletia na khalou khei dau loloma. ⁹ Baletia kwe na loloma; na khalou sa vakatakeaa vekeda na lea loloma qa soi luvea mai vuravura me rewa vekeda na cola. ¹⁰ A kwe na lea loloma, tamu nia na ledu loloma vua na khalou, na lea loloma vekeda, a gi na nuni lea soli luvea me mai mate me baletia na leda i valavalaca. ¹¹ Na leqhu kwa talei, ma khei lomani da no na khalou, me du vilomani sara vakalevu. ¹² Khe se i tikhai tlia khei tolavia na khalou, ma khei di vilomani no, na khalou khei no qei da, ia na lea loloma khei tetelagi du vekeda. ¹³ La me du khilatia no ni kho datou vekhe khoya, o khoya muni vekeda; baletia kha dheiula muni mai kho khoya khei so na yalo mai vua. ¹⁴ Qania muni na ledhu tolavia ni kho tamaya kha soli luvea mai me tei ledhu i vakacola i vuravura. ¹⁵ Kho cei ga khei kwaya ni kho Jisu na luve ni khalou, na khalou khei no vekhemu o khoya muni vekheda. ¹⁶ Qania muni di vakhabautia na lea loloma na khalou khei naki vekheda. Na khalou dau loloma, ma khei tlia khei naki no vekhe khoya na loloma khei no vua na khalou kho khoya; ia na khalou khei na ki no ga vekeda. ¹⁷ Baletia kwe, na lea loloma sa bau tetelagi du vekheda; qania muni me du tukata e na siga ni lewa, baletia kho khoya qei da muni ina vuravura kwe. ¹⁸ Khei tikhai tlia na matakhu i na loloma, ia na tetelagi ni loloma kwe ei khau dhei na matamatakhu, baletia ni matakua e na lei vakatotogi takhi. Kho khoya khei reva na tetelagi ni loloma. ¹⁹ Dhi dhau loloma baletia na khalou kha lolomani kha no mai. ²⁰ Ma khei tlia khei kwaya, “Kho Au Qi Lomani Khalou qha caki tacia, kho khoya sa rekwa. Ma khei tlia khei tamu lomani tacia, o khoya khei lei tolavia no, e i rewa vakhacava me lomania na khalou, o khoya khei tamu tolavia. ²¹ A kwe muni, na lea i vunau. Kho cei ga khei lomania na khalou, khei dodonu me lomani taea muni.