¹ Tolavia na mata qali loloma sa solia kho tamada vekhe da meda wili me da luve ni khalou, sa ni da kwe. Sa khea balebale, kho vuravura sa tamu khilati da baletia ni sa tamu khilatia na khalou. ² Mutou sa lomani, da sa luveni khalou, ni sa ei tamu lei vakatakhei kho da. Ni da sa khilatia na khario ito da na uail khoya qa da tolavi khoya. ³ Kho da khece da vakhanuinui vua qa vakhasavasavatakhi ni da me da khi kho khoya khei savasava. ⁴ Kho ra khece ri valavala ca ra sa vakatakhea no ni tamu yaga na lawa ⁵ Mo khilatlia no kho kharisito kha mai vakatakei khoya me khau dei nai valavala ca ni kho khoya kha tamu valavala ca. ⁶ Tamu tlia khei vo khi vua me valavala ca no ga. Tamu tlia khei valavala ca no ga me tolavi khoya se khilati khoya. ⁷ Yaluve khua ni vakhadere khei so me mei ikho khi na sese. Kho khoya khei yalododonu khei na dodonu, me dakhi na kharisito na lea yalododonu. ⁸ Kho khoya sa vakhadere nai valavala ca sa la mai vua na tevoro, ni sa valavala ca na tevoro mai na vakhatekhivu. Na vukhu ni kwa kwe sa vakatakhei khoya na luve ni khalou me vakharusa nia na cakhacakha ni tevoro. ⁹ Kho khoya ga sa sucu mai vua na khalou sa tamu valavala ca no ga, baletlia na vua ni khalou sa nakhi tu khi vua. Na tamu valavala ca no ga kho khoya sa sucu mai vua na khalou. ¹⁰ Na veikwa kwe na luveni khalou qhna na lure ni tevoro sa vakhatakhei mai. Kho khoya khei tamu tara na veikwa dodonu khei tamu luveni khalou se kho khoya sa tam lomani taciya. ¹¹ Ni sa nia kwe, na i tukhutukhu kho vakharogocia mai na i tekhitekhivu: me da vilomani vakhai da. ¹² Me da khua ni dakhi kho keni kho khoya mai vua na tevoro kha vakhamate ni taci ya. Na cava na vuni lea vakhamatenia? Baletia na lea cakhacakha kha tevoro kho taciya kha yalo dodonu. ¹³ Khua ni khusori ikho, taci au, ni cakhati ikho kho vuravura ¹⁴ Da khilatia ni da sa tausirivia mai na mate khi na cola, baletia ni da vilomani no vakha vitacini kho khoya yatlia khei tamu loloma khei mate tu ga. ¹⁵ Kho khoya khe cakhati taciya khei dau laba. Mo khilatia ni tamu khia na dau laba khei na rewatlia na cola tawa mudu. ¹⁶ Sa nia kwe da khilatia na loloma baletia kho kharisito kha ma solia na leya cola vekhe da. Me da solia muni na leda loloma va taci da. ¹⁷ Ia kho khoya khei vina khi na vuravura khei tolavia na gagadre li taciya. Qa sogotia e yalo ni loloma khi vua, me rewa vakha cava me nakhi vua na loloma ni khalou? ¹⁸ Mutou na luvei au me dha khua ni vilomani vakha tata se vakha gusu boto, ia me dha cakhacakhatakhi ledra du. ¹⁹ Ia na vukhu ni kwa kwe dha sa khilatia dha vu mai na dhu, qa dha vakhadeitakhinia dha yalo khi vua. ²⁰ Ma kei lala me vakhaleqa ni dha no dha yalo, na khalou khei levu mai dha yalo qa khilatia na kwa khecega. ²¹ Mutou sa lomani khoya khei lala me tamu lei vakhaleqai mu yalo, kha na yalodhei no ga vua na khalou. ²² Na kwa khecega dhi kherevia khei na solia kho khoya ve kheda, baletia dhi maroroya no na lea vunau qa dha tara no na kwa khei vina vua. ²³ Sa nia kwe na lea vunau me dha vakhabautia na yaca ni luvea kho Jisu Kharisito qa dha vilomani, me kho khakhi ga kha solia vekhe dha na lea vunau. ²⁴ Khoya khei maroroya na vunau ni khalou khei na nakhi no ga vua, na vukhu ni kwa kwe, dha khilatia ni nakhi tu vekheda kha vu mai vua na yalotabu khoya kha solia mai vekheda.