¹ O khoya ga e i vakhabautia ni ko Jisu Kharitiso, a sucu mei vua na Khalou. Qei khoya muni e i lomania tamaya, e i lomani luveya khoya kha sucu mai i vua. ² Di qei mei khilatia ni da lomani kwora na luve ni Khalou: na gauna di lomani khe na Khalou qa dei maroroya na leya i vunau. ³ A kwe na lomania na Khalou: na leda maroroya na leya i vunau. Qei qa muni na lea i vunau ei tamu vakha i dagidagi. ⁴ O kwora khece e ri sucu mai vua na Khalou e ri na rewatia na qwaqwa mei vua. Na qwa qwa kwe ei vakhacola ni da mei vuravura, sa nia na vakhabautia. ⁵ Kho cei e i qwaqwa me i vuravura? O khoya e i vakhabautiani kho Jisu na luve ni Khalou. ⁶ O khoya kha mei te wai qei na dra: kho Jisu Kharisito. O khoya a tamu la mai me mai te wai boto, ia me mai te wai, na dra. NA Yalo Tabu ei te vakhadinadina baletia na Yalo Tabu sa nia na du. ⁷ E nakhi no e ri tolu e ri te i vakhadinadina: ⁸ Na Yalo Tabu, na wai qei na dra. O kworu na tolu kwe e ri tliavata. ⁹ Ma dei sovia na i tukhutukhu vina ni tamata, na i tukhutukhu vina ni Khalou e i teiteilagi tawhia. Ni kha kwe na i tukhutukhu vina ni Khalou me baleti luvea. ¹⁰ O khoya ga e i vakhabautia na Luve ni Khalou e i nakhi no muni vua na i tukhutukhu vina, O khoya e i tamu vakhabautia na Khalou ei sa tusanakhinia no ni dau rekwa, baletia ei tamu vakhabautia na i tukhutukhu vina a sola na Khalou me baleti luvea. ¹¹ Qania qa muni kwe na i tukhutukhu mina: Na Khalou. E i solia mai na cola tawamudu, na cola kwe e i tokhoto i vua na Khalou. O khoya e i cola vata qei luvia, e i sa nakhi tu vua na cola. O khoya e i tamu cola vata qaya na luve ni Khalou ei tikhai vua na cola. ¹² XXX ¹³ Kho au qi sa vola na vi kwa kece kwe mo mutu khilatia ni tau no vekhe mutou na cola tawa mudu- vekhe i khoya i vakhabautia na yaca ni luve ni Khalou. ¹⁴ A kwe na vivakhadeitakhi vekhedatou i vua, ma di kherei ei tlia na kwa ina rukhu ni lea lewa, ei na vakharogoci datou. ¹⁵ Di na khilatia muni ni o khoya e i na vakharogocidatou- i na vi kwa khece di na terevia vua – di na khilatia ni du na taukhenia na vi kwa khece du terevia i vua. ¹⁶ Ma khei tlia e i tolavi taacia e i tara no nai valavalaca khoya e i tamu vakhavunia na mate, me masu, e i na qei sola vua na Khalou na cola. Qi vakhaibalebaletakhi nia no kwe i vuara kwora na ledra i valavala ca e i tamu vakhavu nia na mate: sqi tamu kwaya me na masulakhi nia gi. ¹⁷ Na i valavala tamu dodonu khece ei te valavala ca no, ia e i nakhi no na i valavala ca khoya e i tamu vakhavu nia na mate. ¹⁸ Di khilatia ni o khoya e i sucu mai vua na Khalou e i tamu valavala ca. Ia o khoya e sucu mai vua na Khalou e i na maroroi kwoya, qa na tamu rewa ni vakhacakhacakhani kwoya na vu ni ca. ¹⁹ Di khilatia ni da ru mai vua na Khalou, qa da khilafia muni ni kho vuravura e i nakhi tu i na rukhu ni lea qwaqwa na vu ni ca. ²⁰ Ia, di khilatia muni ni a la mai na luve ni Khalou me mai vi vakhilakwataki medu rewa ni khilati kwoya, ni kho kwoya ei du. Io, kho datou muni i vua kwoya e I du, i va luvea kho Jisu Kharisito. O kwoya kwe na Khalou du qa na cola tawa mudu. ²¹ I vekhe mutou na luvequ, mutu maroro i mutou mai vuara na matakau.