¹ Arogo are Iesu vei para apeperera soio te vararau, matsi eia goiro toioa mautue Kapenaum. ² Kiapteni tegitoue tauwaro ra vaikeuera ita eia oio poupou, matsi eia abia taro ita oiogoa aigogoru. Ataro eia abia ariobe atawara agavi eia ga peo. ³ Arogo are Kiapteni no vere Iesu oio pouo, eia sove gitoue muraruga ra tauwaro tere Juda iraga goio tagie Iesu, ire eia ga gomai veimauri ira airobe tea taro tetarao. ⁴ Arogo are gitou gari te Iesuo gitou vagotaroe gitou matsi tagie eia mae, “Kiapteni arei eia taro neineki, ⁵ eia masaga matomoa amautu temitou, eia mori tsi igoa arumara vaisarera temitouo.” ⁶ Veirou te Iesu goio tomie gitou. Arogo are Iesu gomai gavia aruma, Kiapteni sove tei tamira goio te Iesu vei areia vera, “Taro auru, umara tuavi matomo, eau gama neineki matomo oio taume terari eme ga gomai oioa ruma tegaku. ⁷ Matsi mae eau gama gomai ira taumeo. Eme ga pepere mori ataro ra aigogoru tegaku ga mauri rivu. ⁸ Eauvei maere, ira rova eau tai tsi pou oioa auruvare gitou araro ari abia aisa irari bomurie eau. Eau tai ataro ra vaikuera gitou pou tai oioa auru vagu, arogo are eau ga vei are ataro ra vaikuera vere eme goio eia ga goio. Arogo are eau vei are ataro ra vaikuera vere eme gomai, eia ga gomai. Arogo are eau vei are a taro ra aigogoru tegaku, igoa atsiboi, eia ga igoa.” ⁹ Argo are Iesu noa peperera arei, eia saki baba vau, matsi eia vuroa vei agitoue vararua ari tsitsiria vera, “Eau vei amutou, eau gama inoe ita tere Israel abia tautau rairo ari maere.” ¹⁰ Gitou aeri Kiapteni ari sove gitou ga goio inoe Iesu, gitou pirivu somai aruma ino vere ataro ra aigogoru eia gari neineki etsi. ¹¹ Vamuri bakisi Iesu goiroa taoni ita, aisara e Nain. Gitou e vaunini tetara tomie vararua komuko vau goio tomie ia. ¹² Arogo are eia gomai agavi toioa geitira banisi ari banisi mua taonio. Gitou atawaro borea arato ita peo tsi gomai gogara. Etsi rara ataro eratura tsi ita mori. Eurara tasemao eia peotsi. Vararua Komuko tsi pou toi tomia atasemao. ¹³ Taro auruinoa tasemao, matsi eia ugugo matomo mate eia vei area tasemao mae, “Eme umara teitari.” ¹⁴ Mate Iesu goio sautorea akesi are ataro peo taburi vorao, mate gitari borea taro peo magiri keke mori. Iesu vera, “Ataro asamura, eau vei aume, eme apiritsi.” ¹⁵ Ataro ari peo apuritsi matsi pepereto, mate Iesu abi eia soio tsi te tsirarao. ¹⁶ Gitoue vararua inoa rei gitou matau matomo, mate gitou vaisave ta aisare Pago, matsi vei mae, “Ataro ra vano para ra ita tawara gari Kabiri temitou.” Te gitou vei mai, “Pago tamusi neineki soio te vararua tetara.” ¹⁷ A geremurire Iesu goio gomai oioa ba kakara re Judia tomia aba Kerira Kakava. ¹⁸ Gitoue vaunini te Jon tera vurui vei areia ira tsibo kakara ari gario. ¹⁹ Verou Jon tore vaunini tetara irua, matsi sove gira soio tea taro kerira terari tagie eia mae, “Ataige eme moria taro ari Pago taua mata irari sovea somaio, o ariga ouka mitou ga pou tari its?” ²⁰ Arogo are vaunini te Jon gari te Iesu, gitou vera, “Jon ira vurui tsi sove mitou ga gomai taume ga tagie eme, “Eme mori ta taro ari Pago taua mata ira ri Sovea Somaio, o mitou ga pou tarie ita?” ²¹ Arogo are Iesu igo gougoru oio te vararua ari airobe komuko abie gitou. Mate eia vakumuria Karuru tabu ari baugu nauo oiro te vararua. Eia igo emie vararua ara mata gitou robo, gitou ino emi rou. ²² Iesu Koria peperera te vaunini te Jo mae, “Arige mutou ga pirivu, vei are Jon arova mutou inoa arova mutou no-oa. Mata bunu ino, va-a bunu tuga, vararua vovo vuvuri gari emi, gavusa tobo no-o, taro peo apuritsi rivu abia mau rira neineki egitou a aogora noa peperera te Iesu. Iesu vei agitou rou ma ere,” ²³ Pago ga taua rimara oata te gitoue vararua ari tautaurai to ire eau tomia ari gama poketaro eau. ²⁴ Arogo soioto ataro irua vagomaia peperera te Jon somai te Iesu. Veirou Iesu vei are vararua te Jon mae, “Mutou vera inoa arova oioa rogo are mutou ga goioa paga bunau nau are vararua oukao? Ouka mutou vera inoa aipu rere a amosa ita-a? ²⁵ Arimori mutou goio inoa rova sesere? Kua ataro ita tovoa atotsibo neineki matomo ia? No-o, gitoue vararua ari tovoa tokoromora ari neineki matomo ta tokoromo ra vovo, egitari maei tsi poupou oioa aruma te Kingo. ²⁶ Arimori mutou goio irari inoa rova sesere? Kua mutou goio irari inoa taro ra vano parara ita, ia? Eau vei amutou taro ra vano parara arere eia aisa tawara matomo oio te gitou ataro ra vano parara aro. ²⁷ Oio ta taro mori arere ta tava te Pago pepere irao, ‘no-o, eau ga sova taro ita ga muga taume. Eia gararagia garu-u mu. ²⁸ Eau vei amutou,Kabiri tamutoue tasema ga pigo, ita gama ga winimue Jon ouka. Arimori ataro ari pou keketu vau oio a mautu Kerira te Pago ei a winimue Jon. ²⁹ Gitou e vararua tomie taimare ari aiabia taxiso noa peperara arei matsi gitou vei para vere Pago tsi matoka sesereo. Egitari e Jon vui egitouo. ³⁰ Arimori gitoue Farisi tomie gitoua tauwaro ra mamaga tere Juda gitou gama abia vurui oio te Jon. Tsi mae gitou poketaroa masagara te Pago. ³¹ Iesu vei matomo are Jon ra vurui mae, “Eau rovie mutou e vararua ari pou igoei, mutou pou mavei? ³² Gitou tsi mae vaunini ari mararaga oio mautura sirova ra airari ari pou tatora arei ta vera, ‘ Mitou vai ta veivai, ari mori mutou gama tsiria. Mitou bau ugogo matomo ari mori mutou gama tari. ³³ Jon ra vurui gomai gama terari aria bereti tomia ari niua waeni, ari mori mutu vei vera, “Taro arei Karuro tabu ari bunu ge bomuria. ³⁴ Ratura taro auru eia ari tomia ri niu a waeni mae gitou atawaro aro ge ari mori mutou vei vera, “Ataro arei eia ari matomo niu matomo a waeni, eia tamira tauwaro ari aia bia taxisi tomia tauwaro ariioigoa tavovuro bunuo. ³⁵ Arimori gabutarara ari neineki tomia tavovuro ari matata oro te Pago goimai te gitou e vararua ari tsitsi riao. ³⁶ Farisi ita tore Iesu gomai ga ari tomie eia. Mate Iesu goio a arunia te Farisio tsi ari tomie eiao. ³⁷ Tasema ita eia pou oioa taoni arere eia tasema ra ioigo a airigo bunu. Arogo are tasema no-o vere Iesu oio a aruma te Farisi, eia abia botori ra aoeli manisini tatao tsi goio. ³⁸ Arogo are Iesu pou aiario, tasemai goio gavia vara matsi tario. Mata saisarira tasema paru oioa vare Iesu matsi eia savura masagea tomia aivura autorao. Matsi are gei garea vare IEsu matsi avia aoeli oelimuta ava arao ³⁹ Ataro Farisio tore Iesu gomai ari tomie eia tsi inoa arei, matsi agabutarara tetara mae, “Ariga taro arei ataro ra vano parara, eia ga rovia tasema ari saua i. Eia tavovurora bunu. ⁴⁰ Iesu rovia gabutarara tetara matsi vera, “Saima Eau a peperera ga vei raume, “Mate Saimon vera, “Tisa, emea peperera ri mavei ga vei ra gakuo eme veia.” ⁴¹ Mate Iesu vera, “Ataro ita abia re ataro irua adinau. Ataro ita dinau ra adefsi inimata ra siriva, ita dinau ra siriva agegera inimata mori. ⁴² Egira gama koramuria ari Koria adinau tegira, tsi maea ataro ari abia gira dinauotsi abi gareia tavovuro girao. Veirou, erei oio tegira ga masaga matomo eia?” ⁴³ Saimon Koris peperera mae, “Eau gabutara mae eari abia dinau tawarao, “Gabitaramu sesere matomo.” ⁴⁴ Iesu vuro matsi inoa tasemao matsi vei are Saimon, “Eme inoa tasemai. Arogo are eau gomai goiroa aruma taume. Eme gama abia gakua nanu ge eau vuia va-agu, arimori tasema arei tsi vuia va-agu tomia mata seisaria. Matsi eia savura masagea tomia aivura autora. ⁴⁵ Eme gama are geigare eau, arimor atasema arei tsi are geigarea ava-agu. ⁴⁶ Eme gama avia aoeli ga Savurea oioa autogu, arimori tasema arei tsi savurea ava-agu tomia aoeli ari mani sini tatao. ⁴⁷ Tsi mae eau vei aume, tasema arei masaga matomo eau. Eia igo matomoa tavovuro bunu arimori e Pago sabubu gareia tavovurora. Arimori ataro vera ira tavovurura Keketu mate Pago sabubu garei ra tavo vurorao, mate eia gama ga masaga matomo eau. ⁴⁸ Mate Iesu vei are tasemao vera, “Eau sabubu garei ta tavovuromu.” ⁴⁹ Egitou atawaro ari pou oioa rogo ari gitou ari toitomi ei ao pepere tsi Kabiri mori tegitou vera, “Ataro arei te rei, ei a sabubu garei reia tavovurore vararua?” ⁵⁰ Mate Iesu vei area tasemao, “Tautaurairora mori taume igo eme baoga, eme goio tomia tamusi maigira.”