1 Vamuri Iesu pagaga oioa mautu nau o tomia tauni, matsi pepere tsira peperera neineki tomia mautu Kerira te Pago. Gitou vaunini tetara savuru gotaro irua tsi Pagaga toitomi eia. 2 Tai egitou e tasema sari-i tsi pagaga toitomi eia gitoue tasema arei tsi Iesu igo gareia Karuru ari bunu oio tegitou tomia ri vei mauri egitou ria airobe tegitou. Ita oio tegitou te Maria, gitou veia vere Meri Makdala. Iesu abi gareia karuru bunu ini mata gotaro irua oio tea tasemare. 3 Ita te Joana, Susana tomie tasema Komuko. Joanae riture Kusa, eia taro tawara oioa aruma te Herot. Giroue tausema arei aiabia totsibo tegitou terari Suiurie Iesu tomie vaunini tetara. 4 Arogo are vararua Komuko gamai vaikapopo, gitou gomai oioa mautu ita ita. Mate Iesu vei agitou ira tsirovora peperera ita. 5 Ataro ari oiogoa wauma eia goio pigia ratura witi. Arogo are eia pigia rutara a witio, Sari-i paru oioa garu-u sari-I paru oioa pepera garu-u, eigtou e vararua toataru ira vagitou matsi sari-i gitou a mau maru gomai ari e rauratura witio. 6 Erau ratura witi sarii paru oata tabu ari awatsi Komuko tomia ananu ouka. Rau ratura witi aro gari mori matsi peo. 7 A witi sari-i paru Kabiri oio amota aria togora. Matsi amota ra togorao gari tomi matsi biri peo vauta eratura witio. 8 Ari mori sari-i paru oata atabu neineki matsi pigo te rau ratura witi Komuko.” Vamuri Iesu igoa peperera rei, eia tora soio tegitou mae, “Ataro ari aga vusara, eia ga no-o emi.” 9 Gitou e vaunini te Iesu tagie eia, “Avura peperera tsi rovora peperera rei tsi mavei?” 10 Iesu vei agitou mae, “Pago abita mutou a gabu tarara ari neineki soio tamu tou ire mutou ga rovia totsibo ari tau Ko. Vu oioa mautu Kerira te Pago. Ari mori gitou sari-i eau vei ta gitou ira tsirovora peperera, gitou ga inoa ari mori gitou gama mata gaga ira. Gitou ga no-o ari mori gitou gama rovia avura peperera. 11 Iesu vei agitou e vaunini tetara ira vura peperera tera tsi rovora peperera ari eia vei paraeao. E ratura awitio ta peperera te Pago. 12 E rau ratura witi paru oioa garuo atsi maea taro noa peperera te Pago ari mori tsi rimuria pase gomai abi gareia peperera oi tamusira. Apase gabutara vera, “ataro bunu ga tau tau rairo Pago ga abi rivu eia.” 13 Rau ratura witi paru oioa tab ara wai watsi, gitou tsi maea taro ari noa peperera te Pago abi tomia momogera. Ari mori gitou tsi maea witi ara motara ouka gotaro atabu. Gitou tautau raivo bakisi mori, ariga tsi rovo gomai te gitou, gitou ge boru toioa airigo bunu. 14 Rau tatura witi ari paru Kabiri oioa mota ra togova, gitou tsi mae a vararua ari noa peperara te Pago. Ari mori gitou gabu tara matomo oioa mauri gitou tai gitou ugogo matomo gabutara gitou voru matomo ira watsi a kago a momogera tera maurira arei. A totsibo arei tsi voru matomo oioa mauri gitou tsi abi gareia peperara te Pago oioa tamusi gitou. Tsi mae gitou gama gari vavaga oioa turuga tomie Pago. 15 16 17 18 19 20 21 22 23 24 Gitou e vaunini goio te IEsu inoa nau nauta, gitou igo Karu tua matsi vera, Auru! Auru! Agavi tatou ga peu peo tsi” IEsu apuritsi matsi Ka-a ra ipu tomia nanu. Matsi aipu makovu a nanu nauta keke to. 25 Mate eia tagiae vaunini tetara, “Tau tau rairora tamu tou pou ovei?” Gitou saki matsi matau to, ira rova Iesu igoa rei, gitou vai tagia baori oio tegitou, “Ataro arei te rei? Eia pepere vagari are aipu tomia nanu, gitou no muri vaua. 26 Vamuri vora Iesu tomie vaunini tetara goio gari oioe Gerasenes. A mautu arei pou vamuri oioa aromu ra nanu e Galili. 27 Aro are Iesu gogara boutuo, eia vapoga taro ita tera mautu tawara Kararu bunu monuria paga marau matonio. Eia gama tokororomo eia gama poupou oioa ruma ouka, eia poupou oioa mautu ra pireo. 28 Ataro arei ino Iesu matsi eia tora matsi paru oioa vare Iesu. Eia tora matomo matsi vera, “Iesu, eme vera igo eau mavei, Rature Pago tawara oata Sesere? Eme umara igo bunue eau!” 29 Ira rova Iesu pepere vagari ira Karuru bunuo ga ere oio tetara. Gitou e vararua Kikisi rimara tomia va-ara ira a seni gitou pou bomuimuria. Arogo ara Karuru bunu goiro tetarao, eia tagugutua aseni. Karuru bunu aiabie eia soio a mautu ari e varuru a ouka. 30 Mate Iesu tagie eia, “Aisamu erei?” mate eia vera, “Aisagu e tausen.” Eia vei maei, ira rova Karuru ari bunuo Komuko vau toiro tetarao. 31 A Karuru bunu nauo taga gie Iesu iraga umara sove gitou sotaroa aori ara vura ouka. 32 Agavi oioa bara arere eboboro sari-i pou oioa vaira mapaitsi gagona aiari. Matsi akaruru bunu nauo tagie e Iesu ira ga sove gitou soiro te gitoue boboro. Iesu vei matata a gitou a Karuru bunuo ga goiro te gitou e boboro. 33 Veirou ta karuru bunu nauo retaroa taro goiro te boboro matsi eboboro asi sotaroa aromu ra nanuo, matsi nuia nanu tsi peo. 34 Vararua ari bomui mure boboro ino arova gari, matsi gitou asi goio vei ta gitoue vararua ra mautu tawara tomia mautu gaganao. 35 Gitou e vararua noa peperera mate gitou goio irari ino. Gitou gari inoa taro ari a baruru bunu retaroao pou gavi oioa veare IEsu. Eia gari neineki etsi tsi taua tokoromo tsi pouo. Gitou e vararua ino arei gitou matau. 36 Gitou varavua inoe Iesu abi taroa karuru bunu oio tea taro, gitou geremuria re varavua avogo are gitou gari oioa ba raro. 37 Gitou e varavua re Gerasenes matau matsi vei are Iesu ga retaroe gitou ga goio. Vei rou te Iesu saea boutu teia pirivu tsi soio. 38 Ataro ari Iesu abi taroa Karuru bunu oio tetarao vei are Iesu, “Plis, eau vera goio tomie eme.” Ari mori Iesu ba ea soio . Matsi vei areia vera, 39 Emem pirivu soio amautu taume vei paraea totsibo Kakara are Pago igoa suri re eme re.” Vei rou ta taro pirivu soio vei para ta tsibo Kakara are Iesu igoa oio tetarao. Eia vei para ea atsibo Kakara oioa mautu tawara. 40 Vei rou Iesu pirivu soio a vaira romu ra nanuo, mate gitoue vararua Kakara momoge tsi rari abieiao, ira tova gitou tsi pou teitariao. 41 A taro ita aisara e Jairus, eia autora taro ra rumara Kiraka. Eia gomai toturu oioa vare Iesu matsi tagie eia ra ga goio aruma tetara. 42 Ira rova ratura tasema vera ga peo. Eia ratura tasema ita mori ravaira tetara savuru gotaro irua. Vai rou Iesu goio a ruma te Jairus, vararu a Komuko tsitsiri eia. 43 Atasema ita oio poupou. Atasema rei eia igo taroa Kasoso arogo marau matomo Kara ravaira Savuru gotaro irua. Eia abia wati so ei soei ira surira ari mori eia gama abia maurira ita neineki ouka. 44 Atasemai gomai vamuri te Iesu sautorea apura rarava tetara. Subui mori eia gari neineki. 45 Iesu tagia, “Erei tsi sau eauei?”Gitou Kakara vera ouka. Mate Pita vei areia vera, Auru, eme inoe vararua Komuko vau tsi tomie emere. 46 Ari mori Iesu vera, “Eau rovia vere ita tsi sau eauei, ira rova eau gabu muria vera vagaga rigu sari-i retaro te eau soio tsi.” 47 Tasema rei rovia vere eia gama ga tau Kovu. Tsi mae eia vovo panini, matsi eia gomai toturu taua nagura sotaroa gavi te Iesu. Oioa mata vararua eia vei para-a vura mavei teia sau ire Iesu. Arogo are eia Saue Iesu subui mori eia gari neineki. 48 Mate Iesu vei areia vera, “Ratuguatasema, tautau rairo mori taume tsi igo eme neineki, tsi mae eme gari neineki etsi. Eme goio tomia tamusi maigira. 49 Arogo are Iesu so pepere tomia tasemai, murugara taro ra tuma te Jairus gomai gari tsi vei areia vera, “Ratumu atasema eia peo tsi. Tsi mae eme gama igo roua masau Kara oio Iesu rou.” 50 Ari mori Iesu noa peperera rei, eia Koria peperara te Jairus mae, “Eme umara matau, eme ga tautau rairo mori, ire ratumu atasema eia ga gari neineki ira.” 51 Iesu gari oioa ruma te Jairus. Eia gama masage vararua ga goiro tomie eia ouka. Iesu abie Pita, Jon, Tomie Jems, Tamara Tomie Tsirara abibi morio ga goiro tomie eia oiroa aruma. 52 Gitou vararua ari poupou oioa rumao ugogo matomo tari oio poupou, ari mori Iesu vei agitou mae, “Mutou gama tai tari, eia gama peo eia oio nau nauta.” 53 Ari mori vararua rege ire eia, ira rova gitou roxia vere eia peo tsi. 54 Iesu sautorea ri mara bibi tasemaro matsi tora mae, “Ratugu, eme apuritsi!” 55 Karuru tea bibi arasemao gomai rivu subui mori eia apuritsi. Mate Iesu vei agitou vere gitou ga abia rei a airari. 56 Tamara tomie tsi rara abibio Karutu baba. Mate Iesu pepere vagari soio tegira vere gira gama vei vei are ita ira tsibo ari gariei.