¹ Oio a rogo ita tera togo to maira ra e Iesu tatuga kabiri oio a ra witi. Te gitou e vaunini tetara aiyabia witio giugiu garei a kurira witio tsi aiyari tao. ² Aramori e gitou e muraruga ra aigogoru ino e gitou tsi vei vei maei, “Tera arowa te mutou igo a tavovuro a ri maei oio a rogo ra maira ra i?” ³ Iesu koria pepere ra tegitou maei “Saige mutou gamma gi ia arowa a tsibo are e Devitsi igoa oio a rogo a re eia me aeri tetara paura o? ⁴ Eia goiro a ruma te Pago tsi abia beretsi are gitou tautaua oio a nagure Pago. Te eia aria te eia abia pirigira soia te aeri tetara te gitou aria o. Arei a beretsi ra vigumu ra are gitou e muraruga ra aigogoru mori ga aiya ga aiya ria o.” ⁵ Te Iesu vei totomua gitou maei, “Tature taro eia Kerira te eia mori tsi muga oio a rogo ra maura ra.” ⁶ Oio rou a rogo ra maira ra ita, e Iesu goiro a ruma ra rubu iobo ra te gitou e Juda tsi veimeimari te vararua o. a taro ita a rimara oio a gare ra e pirigata o ea pipeo oio poupou tai. ⁷ Gitou e tauaro ra vaimatata ra me muraruga ra aigogoru mata muri emi vau e Iesu, ira arowa e gitou masaga vera ga ino e eia ga igo emie taro ra airobe ita o tasema ita oio a rogo ra maura ra kua ouka. Ge aribe eia ga tio nenekie taro ita robe egitou ga taue eia oio a vaimatata ra. ⁸ Aramori e Iesu ge rovi ta gabutara ra tegitou, te eia vei a re taro ari a rimara oio a gare ra e pitigata peo to maei, “Eme apuritsi magiri kabiri oio te vararua kaka ra.” Maie taro a ro apuritsi tsi magiri o. ⁹ Iesu vei ta gitou maei, “Eau vera ga tagie mutou, vaimatata ra te Mosesi vei mavei oio a rogo ra maira ra. Tatou ga igoa tavovuro kokora soio te tauaro ari bisau o e tatou ga igo bunue gitou? ¹⁰ Mate Iesu ino rau e vararua kakara te eia veia re taro maei, “Tau matatea rima mu.” A taro igo a mae e Iesu vei a o ta rima ra gari emi o. ¹¹ Aramori e gitou e lau aro ra vaimatatara me muraruga ra aigogoru temasi vau te gitou vai pepere kabiri te gitou ra atsibo ari mavei ga e gitou igo a soio te Iesu. ¹² Oio a rogo ra ita e Iesu go ata mapaitsi tera ri ga kaka. Eia rubu tutavue Pago oio a rarogo go kara oio a paga mamaga. ¹³ Oio a aro goata to, eia tora tomi te vaunini tetara, te eia vuroboe gitou savuru gotaro irua (12) oio tegitou te eia teie gitou ire aposeli. ¹⁴ Aisare gitou e aposeli o te Samoni (eare Iesu abia reia aisa are Pita o) me Endru e ratamare re Saimon me Jeimsi, Jioni, Pilipu, Betalomiu, ¹⁵ Matsiu, Tomasi e Jeimsi are erature Alfeusu o, e Saimoni tera Maratatsira are Silotio, me ¹⁶ Judasi e rature Jeimsi me Jadas. Iskarioti, ari ga rove Iesu soio a rima re tau aro ari bunuo. ¹⁷ Mate Iesu me vaunini tetara sotaro ta mapatsi o te eia goio magiri to oio a ba ita neneki vau tomie vaunini tetara nau o. Te gitou e vararua nau kakara oio a mautue Judia me Jerusalemu tomi oio a ba ra mautu ari oio a mago e Taire Me Sidoni tsi gomai o. ¹⁸ Gitou gomai tera ri noa pepere ra te Iesu tai ge Iesu vei mauri e gitou ra airobe te gitou. Iesu igo nenekite vararua ari a karuru bunu oio re gitou o. ¹⁹ Te gitou e vararua kakara tovomuria ri sautore eia, ira a rova vagagari ra ita kerira tera ri ga igo neneki e gitou e vararua ari rove o oio te ta ra. Te erei ga sautore eia, o’ gari kokora. ²⁰ Te Iesu ino soio te vaunini teta ra, tsi vei maei “Gatou e vararua ari pou mae a ao gorao e gitou ga momoge, ira arova mautu kerira Neneki te Pago tsi te gitou o. ²¹ Gitou e vararua ari paura o, egitou ga momoge re Pago ga vaivoru e gitou. Gitou e vararua ari tariugogo, e gitou ga momoge re Pago ga igo emi e gitou ga e gitou ga voru ira momoge ra. ²² Eme ga momoge, oio a rogo are eme tsirimuimuria pepe re ra te Rature Taro ira tavovuro moria arere te vararuaigo bubunue eme gamma masasaga ice eme o. ²³ Oio a rogo a ro eme ga putusu ga momoge ira arova taume e Pago raragi tau me oio a mautu ra marokara. Eme ga rovi mae ravaira o e gitou e tutubu fitou igo ta tavovuro ari maere soio te gitou e tauaro ra vano para ra te Pago. ²⁴ Ara mori gogo ire tauaro ari atotsibo komuko, ra rava e mutou ge avi ta totsibo tera ri ga vei gari emia purou rou mutou. ²⁵ Gogo ire mutou ari aiyari eiyemi gio ei, vamuri e mutou ga paura. Gogo ire mutou ari rerege igoei, vamurie mutou ga ugogo ra tsirari. ²⁶ Gogo ire mutou oio a rogo are tau aro vei eiyemi a mutou a peperera o. Ira tavovuro moria arere te tutubu gitou ari pou ravairao pigi tai a peperara kokora ra sorote Taro ra vano para ra pepere ra ari kogono o. ²⁷ Ara mori eia ga vei a mutou e vararua ari pou nono igo ei maei, mutou ga masage gitari igo bunu e mutou ge tai mutou ga igo emie tau aro ari gamma masa sage mutou o. ²⁸ Mutou ga tagie Pago ga vaibara va e gitou e tau aro ari *gogiro a mutou o. Kaka tavue Pago ga eia ga gogo ire gitou e tau aro ari igo bubunu e mutou o. ²⁹ Arige eita ga sosarea gare ra garemu ita kokora ire eia ga sabara tai a gare a ri ita o. Arige eiata ga abia kosigirisi taume e kokora e me ga abia reia. ³⁰ Arige eita ga tagie mutou ira totsibo sari tera ri ga abia gitou, neneki ire mutou ga obia gitou. Arige eiata ga abia a tsibo ita tamutou neneki re e umara veivei a rei a ga abi rivua tsibo-0. Soio tamutu. ³¹ A tavovuro are eme masasage a oio te eari bisau ga igo a somai taume o, eme ga igo a mae are e gitou igo taiya o soio te gitou. ³² Arige eme masaga morie vararua ari masasaga e eme o, eme gabu vere Pago ga igo emie me? Gitou e aideni rovia ari masaga tai e tau aro ari masasag e gitou o. ³³ Arige eme igaa tavovuro kokora soiyo te vararua ari igo emia tavovuro ari kokora soiyo taume, eme gabu vere eme ga avia tsibo kokora oio a tavuvuro ari ma ere? Gitou tauaro ra tavovuro bunu aideni yoigo tai a tavovuro ari mae re. ³⁴ Arige eme abia kirori are vararua eme rovia vere gitou ga koria kirori taume. A tavovuro ari Mavei koko ra te eme igo a o? Gitou e tauaro ra tavovuro bunu rovia ri aiyabia are tau aro ra tavovuro bunu a kirori tai te ra iri ga abi rivua kirori te gitou. ³⁵ Aramori e mutou ga masagae gitari igo bubunue mutou o tai vaino a tavovuro ari kokora soio te gitou. Mutou ga rove a gitou a tsibo tomia tsia ari kokora ge mutou gamma gabutara ira ri ga abi rivua a tsibo are muto rova tao. Oio are mutou igo amae re Pago ga vei sare mutou. Ge mutou ga pou mae rature Pago oata sesere, ira arowa e Pago rovia ri gogo ire vararua ari gamma vei neneki tomia ri yoigoa tavovuro ari gamma kokora o. ³⁶ Mae tai e mutou ga gogo ire vararua tai, mae tama mutou oio a maut ra marokara rovia ri gogo ire gitou o. ³⁷ Mutou umara noino oio a tavovuro te vararua nau aro tai umara igo bubunue gitou. Souka e Pago ga noino tai oio a tavovuto mutou. ³⁸ Ie vei totomu mae, “Mutou ga rovea totsibo are vararua nau ari bisau, ire Pago ga rova ra mutou a totsibo tai. Eia ga abia mutou kerira rou oata oio are mutou rove a o. Atsibo iriva eme rove a o eme ga abia mae moria re eme rove a o.” ³⁹ Iesu veia re vaunini tetara a pepere ra mararanira ita maei, “Koramurie taro ita mata ra vunu ga vaino e tamira ari mata kesa o a garu? Arige eia ga igo a mae re, e gira ga boru tomi oio a ba ri bunu o. ⁴⁰ Abibi ita gama ga muga oio te taro ra vaimari ra te ta ra. Ara mori arige eia ga sikuru emi, era ga gari mae taro ra voumari ra teta ra o. ⁴¹ Tera arowa te eme ino a maro a bai ari oio a mata re tamimu, ge eme gamma ino a mautu ra palanga ari pou robo a matamu e re? ⁴² Arige eme gamma ino a mautu ra palanga aripou oio matamue re tera rova te eme vei vere, ‘ Tamigu, eau vera ga abi garei a maro a ari oio a matamu e re? Eme kogono, eme ga abi garei soko a mautu ra palanga ari oio a matamue re. Mago eme ra ino emi te ra ri abi garei ta maro a ri pou robo a mata re tamimu o. ⁴³ Ira arowa, aobu ari kokora gamma veigei garia karara ari bunu, me aobu ari bunu gamma veigeigaria karara ari kokora. ⁴⁴ Gitou e vararua ga ino a karara abou o e gitou rovi vera karara a obu ari kokora o karara aobuari bunu. Vararua gamma aiyabia fik o a vavua oio a aobu ari gagana bauni totogo a o ouka e gitou vapapogea ruratura waenio oio a mota ari totogoa o. ⁴⁵ A taro ari abia gabutara ra kokora oio a tsia ra, tsi rovia ari iyoigo a tavovuro kokora o. Ge taro ari abia gabutarara ari bunu oio a tsia ra, eia rovia ari iyoigo a tavovuro ari gamma kokora o. ⁴⁶ Tera rova te mutou veivei mori vere “Taro kerira, Taro Kerira oio mori legaku, mutou gamma tsitsiria pepere ra teaku? ⁴⁷ Tera ari gomai legaku noa pepere ra teaku tsitsiria, neneki, ire eau ga vei a arei a ira tavovura ro. ⁴⁸ Ea mae a taro ari vera ga vaimagiria arei a a ruma. Eia ga oir soko a pupa o oio a tabu gotaro vau o mago tau a weiwatsi verou tsigi ta a ruma oata vora. Ariga oio a rogo ra revara a re a nanu ga sogo, ga vera ga vore patsia ruma o, a ruma gamma ga patsi ira a rova, a ruma o magiri oio a weiwatsi. ⁴⁹ Aramori a taro ari noa pepere ra teaku gamma tsitsiria, eia mae a taro ari vaimagiria ruma tetara oata tabu morio ge eia gamma taua watsi. Arigea nanu sogo, ga vera ga bore a ruma o, a nanu ga bore vusui vau a ruma o ga roke mamuro a.”