¹ A rogo ita e Iesu gagiri oio a pepera nanu oio a romu e Genesareti, aisana ita e Galili o te eia vanono ta pepere ra o saiyo te vararua nau o. ² Mate Iesu ino ta boutu iru oiyo a pepe ra mago. Gitou e tauaro ra airapu ra raiya o tsi tau a boutu o oiyo te gitou goio vera vuvu a vauba ra raiya te gitou oiyo a mago. ³ Te Iesu goiyo sae soata boutu ita, a boutu ara te Saimoni. Te Iesu tagie eia ga e eia sogia boutu o sogara rou bai kabiri, te eia pou oio tsi veimei mari te vararua o. ⁴ Oio are eia karuvu to yo ari veimeimarie vararua o, eia veia re Saimoni vere, abia boutu ei suku bai a sogara romu ra o mago pigia vauba ra araiya taume sotaro ga e eme rapu ira raiya.” ⁵ The Saimoni koria pepere ra tetara maei, “Emasta e mitou tuaiyavi oiyo a rarogo e mitou gamma abia a raiya ita. Ara mori eau ga kumu a vauba te gaku sotaro mae are me veia re.” ⁶ Are gitou igoa mae are Iesu veia gitou o, e gitou rapua araiya kerarira vinu iomuko vau ge a vauba o ga a gavi masire. ⁷ Tsimoro te gitou tara te teitami gitou oio a boutu nau aro gomai ga surie gitou. Ta boutu irua tomi o voru vau ira araiya agavi a boutu irua o ga tsiromu. ⁸ Are Saimon Pita ino a o, eia paru muga oio a vare Iesu tsi vera, “Taro Kerira, eme iritaroe eau goiyo o eau gamma taro ita kokora.” ⁹ Ira rova, e gitou me teitamira saki vau ina arowa, eia igo a o gari sapo ro. ¹⁰ Ea tomi mori mae oio te teitamira irua ra aigogoru. E, Jeimsi me Jioni e gira e rurature Sebedi. Iesu veia re Saimo. Eme umara matutau, tgoei eme ga aiabi te vararua.” ¹¹ Gitou vore soio a pepe ra mago, te gitou tautaroa boutu mea totsibo kakara te gitou tsi tsirimuri te Iesu o. ¹² Are Iesu pou oiyoa mautu kerira ita o, a taro ita airobe ra vuvuri tubu gani oiyoa vovora oio goimai. Oiyo are eia inoe e Iesu o, eia toturu, taua nagura sotaro a Tabu tso tagi Iesu vere, “Taro kerira, ariga oiyoa masaga mu eme ga igo nenekie eau.” ¹³ Te Iesu taua rimara oata teta ra tsi vera, “Eau kora muria ari vei maurie eme oiyoa airobe taume re. Gae eme ga gari emi.” Subui vau mori airobe ra vuvurio tari pagere oiyo teta ra. ¹⁴ Iesu vei toutomua rei a vere, “Eme umara vei are taro ita ina atsibo ari gari oiyo taume re aramori eme ga goio vainoe eme oiyo te gitou e pristi. Ga e me ga igoa a opa maea vaimatata ra te Mosesi veia o. arere ga maea witnesi oiyo tegitou.” ¹⁵ Aramori, a pepere ra ge goio a ba kaka ra. Te vararua kamuko vau oiyo gaomai te Iesu te ra ri nono a pepere ra tetara, tai tera ri veimaurie gitou oio a airobe te gitou. ¹⁶ Aramori arogo sari e Iesu ga ere taro e gitou ga goio a ba bunau are vararua oio vora ouka o ga tuburorobo. ¹⁷ Oio a rogo ita e Iesu veimeimarie vararu, ao a rogo a aro gitou e muraruga ra aigogoru me tauaro ra veimari ra tera vaimatata ra oio a mautu nau oio e Galili o me tere Judia me tere Jerusalemu oio tai poupou. Ta vagagari ra te Pago voru oio te Iesu tera ri ga veimaurie vararua ari airobe oio te gitou o. ¹⁸ Gitou e tau aro sari bore taro ita robe, a vovora a gare ita oroata autoraigotaroa varai ge peo tsi. Te gitou papa ta garu tera ri vagoiyoe eia soiyo a gavi te Iesu. ¹⁹ Vararua Komuko vua a ba robo sesere. Te gitou bore eia veisae eia tomia papoga tetara o soata gama ra ruma. Te gitou tuvitsi bou a gama ra ruma o igo a pupa o tsi sugue eia sotoaro a airo ra ar uma o tomia mota oio a papoga teta ra o, kaloiri te vararua o agavi ao a vare Iesu. ²⁰ Oio are Iesu ino a tautau rairo ra te gitou, eia veimaei, “Aeri tegaku, eau vautara a airuru taume.” ²¹ Gitouemuraruga ra aigogoru me gitou e tau aro ra vaimatata ra soko tari gabutara pai rivu oio tegitou. Gitou e tauaro ari mavei tere te eia vakara suku ire Pago re? Erei vamuri te Pago ga kora muria ari sabubu garei a airuru te vararua? ²² Aramori e Iesu ge rovi ta gabutara gitou, te eia veia gitou maei, “Tera rova te mutou a gabuta ra ra paipaioiyoa tsia mutou? ²³ Arowa oio bunu te ru ri vei mae. Eau vautaro a aruru taume o ‘vei mae, apuritsi tuga?’ ²⁴ Aramori e mutou ga rovi mae. Rature Taro eia a mapa oio a tabu ei tera ri sabubu taro a airuru te vararua. Te eia vei ra re taro ari robeo vere, ‘Eme apuritsi, abia nau nautara taume goio a ruma taume.” ²⁵ Suvui vau mori a taro apuritsi, abia naunautara tetara vausarea aisare Taro Kerira tsi tatuga goio to. ²⁶ Varorua kakara saki ira atsibo aro te gitou veisarea aisare Pago. Gitou voru ira atsibo ita bisau te gitou vere, “Mitou ino a atsibo ita gari bisau vau oio a rogo ari igoei.” ²⁷ Vamuria arere, e Iesu ere taro e gitou tsi soio to. Eia goiyo te eia ino te taro ita ari aiabia watsi o aisara e Livai oio poupou oio a murira airabi ra watsi o. Iesu vei ta rei a vera, “Tsirimurie eau.” ²⁸ Livai iri taro a totsibo kakara te eia Tsirimuri te eia o. ²⁹ Livai igo a airari re Iesu ita kerira oio a ruma teta ra. Vara rua komuko tera airabi ra watsi me tau aro aribisau nau tai oio pou aiyari toitomie gitou. ³⁰ Aramori e gitou e muraruga ra aigogoru me tau aro ra vaimatat ra pepere gano ire vaunini te Iesu te gitou vei vere, “Tera arowa te mutou aiari, nuinui titomie tau aro ra airabi ra watsi me tau aro ra air uruei?” ³¹ Iesu koria pepere ra te gitou maei, Gitoue vararua ari gamma rubeo gamma ga rovia ri goio ino e dokta a, e gitou e vararu a moria ari rabe o.” ³² Mae morie, Eau gomma gomai tera ri abie vararua orineneki tera ri vei matatea airuru te gitou, eau gomai ire vara rua ra airuru ga vei para airuru te gitou gae gitou tai ga vuroa mauri gitou.” ³³ Te gitou e tau aro vei are Iesu maei, “Gitou e vaunini te Jioni ga vigumu mago rubu rorobo tsi, me vaunini te gitou e muraruga ra aigogoru tai. Aramori e e gitou e vaunini taume ge aiari niniu.” ³⁴ Mate Iesu kone gitou maei, “Arige a taro ita masaga ari taurai oio pou titomie titamira, e gitou e titamira o ga kora muria ari vigumu tai ya? ³⁵ Aramori ga oio a rogo ra ita ge a taro ra rauraira ga soio tsi ga e eia gamma ga pou tomi rou e gitou. Oio a rogo a to te gitou ga vigumu o.” ³⁶ Iesu vei a peperera mararanira itu soio te gitou maei, “Eita gamma rovia ri sirea matete ra airarava ari araba ga saia oata oio a matetera airarava ari mamuga ra o. Arige eia ga igoa maere, airarava ari araba o ga masire. Ge a matetera airarava ari arabao gamma ga tomimaea airarava aria mamugara o. ³⁷ Ge a taro ita gamma totovo a waeni ari araba soiro oio a kurira waeni ari nunio. Arige eia igo a mae re, ga waeni ari arabao ga rurua kurira waeni ari memeki o ga waeni ga sigitaro ge a kuri ra waeni ari mamuga o ga bunu. ³⁸ Ouka, a waeni ari araba o ga goiro matatea kurira memeki ari araba. ³⁹ Ge a taro ita gamma masag ea ari niniu a waeni ariaraba vamuria re eia niua ari soko o. eia vera, “Waeni ari soko eia neneki vau.”