¹ weni mini awafac yereremi wenic tauni kimi wemoni. Wenic disaipolici yeake wenamac wenoyo. ² Sabati yeronimi, weni Judauyic mam makimi undemi anasi wainta tiyimemoni. Amucna iniya waintan yinduc dureni, wen awayani indenoyo. Yeni macnin tenoyo, inkepatena indirac marenafino? Ne mirakoric wen ayam poni uwarenafino? ³ Amankac weni mac iyewac uwarewan wainta fino. Marian akac namac, wen ayofi Jemsi, Josi namac, Judasi wac Saimoni. Amankac wen ayofinami iyewaci ikeunamac namac beno tireni, Jisasi mi yindurumani ameno. ⁴ Icnayemi Jisasi anasi waintan macnin tiren tiyimemoni. Profetiuc yeni enafaten anon bic mareno. Yeni anon bic yenyic taunikin namac, yen yinkunkinke namac akac, yen yikandauc kinke iyen mareno. ⁵ Iyen weni anon yokan marantemi. Weni amankaci ayan yicnonkac demi, yic iniya waintauc yic kakipa yinkantemi. ⁶ Weni anon indiric memoni. Newarafi, yeni iyen indiman pukaic omi, icnayemi weni umacden makusinkaci oremi Gotin awayani anasi wanta tiyimemi. ⁷ Inayemi, wenic twelfi disaipoliuc yararemi, kantaric uremi, Gotin awaya tiyimeko wani tiyinkemoni. Afo, Jisasin manda spiritiuc yiwakako wani erani yimemoni ⁸ . Macnin tiren tiyimemoni, iyewakaci mana andandawac manarec boko. Monic kafi bretifi bekifi marako. Noyam manawac pakec boko. ⁹ Sendori manawac yikantin ufecdekac eyewakac kantaric urekac yuanam marako. ¹⁰ Jisasi manin tiren tiyimemoni, inken awafakac orekac mana makin bintekafe, mini kim manawac bakekaci yererec boko. ¹¹ Afo mana taunic kinke iyec yiwikanteyafo, wayac iye inditeyafo, mini makusinke yerere wintewe, yikantakena konkonac dunduyekekac yoyempac dami, mini tiyimeme, mikin yerani iyen indeyon tintemi. ¹² Yeni maro anasi wantan tiyimiya, yeni mandan uware weyouya yoyen ameko. ¹³ amucna manda spiriti yiwake, uweri yic iniya waintauc yic kipayinkeno. ¹⁴ Kin Heroti mini wayani indemi, Jisasi awici afotafiukam emoni maioyouni teni Joni nomayinke wani ukukeno pukin tinkewe. micni mukami weni erani dukem mini mirakori eminon tenoyo. ¹⁵ Manaic oyouni teni Ilaija weno tenoyofo, akac manaic oyouni teni, peyukan wanin profeti wen tenoyo. ¹⁶ Kin Heroti mini wayan indieken macnin temoni. Teni Joni noman yinkewan wainta akaci akecyakuna wantan ukukakenon temoni. ¹⁷ Heroti manaic oyo waintau tiyin kanini Joni nomayin kewanin wainta pakaman karafusic menoyo. Weni micno nimi Herodiasi mararani.Newarafi, wen afac anaci Piripi . ¹⁸ Joni, Heroti mi tamemi, en afac anac marantimi, iyen antekenon temoni . ¹⁹ Herodiasi Joni mi arac umani amiremi, aruman pukirani indemifo, iyen amankafic emoni . ²⁰ Heroti Jonin akani pekemoni . weni indinkami Joni antekanin wainta, umandac iye dukani wanimi Heroti awokuc dafisiric memoni.Heroti Joni awaya indire umani amemonifo,ben awayani amosinken maremoni. ²¹ Heroti wenano makanin yamuc yeranimi, anon yunami wenic ofisauc namac ami kepteniuc nama yinonic ukayoun waintauc Kariric ke. ²² Herodiasin aramumi weya mare danisic uyinkemoni . Heroti namac yewe yunanuc newayuni, yimoyu yinkemoni . Heroti wen tamemi, macnin temoni. Newara ayewan tenafi, tempac indainakac ameno. ²³ Heroti wen promasic uankemi, macnin temi. newarac inantintefono, amiric manan onteko. Pani tentic kindomi wandac bac indainonano. ²⁴ . Weni mapac kundemi wen anomi macnin tiren tamemi. Kindomi wani neware tirec indao nuno. Wenano temi, Joni nom manyin kenin wainta acnonac inanteno . ²⁵ Micni tenimi, kin banipac undemi macnin tire indaemi. Make Jonin acnon ya disikin timeno ware. ²⁶ Be siranim bayani awakuremi, benamac yunac newayou yukankaci promasic murukake mi. ²⁷ Kin mi wenic soldia mi oman tankemi temi. Jonin acnon mare ameno. Soldia Jonin acnon karafusi kinke akec yemi yemoni. ²⁸ Weni Joni acnon manan disikin yafen mare Herodiasi aramu amenimi, weni maro wen anon amemoni. ²⁹ Joni nic yokan waintauci mini wayani indireni, yeni ye Joni mare maro bamasipac masic enoyo. ³⁰ Afo yokan waintauc yeweke oreni, maro Jisasi mi macden bayani tamireni akac anasi wainta waci tiyimenoyo. ³¹ Micnoyomi,Jisasi macnin temoni, yic ikeunamac wanta wac iye weyopac oreka taumarano. Amucna iniya waintan ore yere maci iyewaci taum mareko. ³² micnoyoni yeni sipikin kumandeni wanta wac iye wayopaci wenoyo. ³³ Amucno yeni woyopaci, yonenoyo.Yeni yikantaci macden tauni kinkac oreni, Jisasi wewanipac o dafisenoyo. ³⁴ Non akoofac yewayomi, Jisasi maro yonanini amucno iniya waintan wakuntenoyo.Jisasi maro yonaremi anon akunanu yinkemoni. Newarafi, yemi yonaeken sipi sipiuci yenyic dafisin wainta wac iye wanin amankaci wayomi, weni amucna wayani tiyimemoni. ³⁵ Ikona kumpeke wanini, yokan waintauc maro Jisasi mi, macnin tire tamenoyo. Mana awafaci amucna iniya waintauc iye wankaci wami, acdekaci ayufun kantemino. ³⁶ Tiyinkanaya, acdekatauni kinafi, maku acdekac wananipac oreya yenafo yunan afakako. ³⁷ Jisasi yewekemi macnin tiren tiyimemi, ikeyac afakaekec yimiyac nako. Yeni macnin tireni wemi tameno, amankakac mayauni 2000ni kakena breti ayacuekec yimenayac nanteyafono. ³⁸ Jisasi yempac indaemi ikenni nacde bretic dukeka? orec onako. yeni o afakareni, mare tameni,mayauni 5pi breti namac 2fara kauya namaci dukeko. ³⁹ Weni anasi wantan tiyimenini,daindeni kumande wenoyo. ⁴⁰ Yeni daimeni 100 tika kumande wanim 50 ka kumande wayo meno. ⁴¹ Jisasi mini 5pi breti wac 2fara kauya wac mandemi, Inarumpac kakaemi awacbac emoni. Weni breti kidiremi yokam waintauc yimenini mandeke anasi wanta yimeno. ⁴² Macden iniya waintan amankac kukami nayomi yimuc kuremi. ⁴³ Yokan waintauc ara yunanuci 12fi basketin uwikaman deno. Kauya waci manaic menoyo. ⁴⁴ Yunan nayon iniya waintauci 5000ni wenoyo. ⁴⁵ Jisasi akaka ukami wenic disaiporiuc tiyinkanini sipi kin kumandeni ena taunifa Betsaida i be noyo. Inayemi macden iniya waintauc tiyinkayoni mana mana eno. ⁴⁶ Umacde yerere boyomi weni anufaci okam mukirani uremoni. ⁴⁷ Aiyufun kanini yeni sipi kimi non amukaci benoyo. Jisasi beyakaci anufac bemoni. ⁴⁸ Jisasi yonewanini, sipi yowekarani aniyoke wenoyo. Iyena tisowani yenyic sipi yo waec ekem dewanimi, yeni ani yoke wenoyo. Acdekac kukakara ewanimi, Jisasi non naropaci benaren yeyankem bemoni. ⁴⁹ Jisasin onayon non narompa yewanini, yeni indekeni mana wami yeminon tiremi baci reno. ⁵⁰ wemi onareni anom pekaric oyomi, Jisasi akakamem tiyimemi, yimoyirac dukako. Teni wec umpo iyewakac pekako. ⁵¹ Jisasi sipi kim yen namac un kumandonimi, tisowani kipemoni. Wenic disaiporiuc minin onareni anon yinduci deno. ⁵² Yokam waintauc breti nec wenafi iyen indiken noyo, micni mukani yen yinduni pakakarac mukemoni. ⁵³ Mini non kac kacde mecyan ofac oreni, mana makafaci Genesaretic non akofaci sipi marorenoyo. ⁵⁴ Sipi kinke acde kumoyoni, amucna iniya wainta yonenoyo. ⁵⁵ Yeni iyaye macdem makusin kaci oreni, yic dukan iniya wainta uc yiwikeni Jisasi wanipaci yenoyo. ⁵⁶ Inken awafa kac beyafoyo, taunikin nafi katri kinafoni, yic dukayon iniya wainta uc yiwikeni maketi makusa marereni Jisasi nic korosi oka oko tamenoyo.