² Yeni onani mayac oyon Jisasi nic disaiporouc i breti nevanoni panana yiyamponi, mini i macni mukemi, yeni yiyamac iyevac ukimi yeni nenoni. ³ ( Ye Farasisiuc namac masiden Jew namac i, yeni iyevac i yunan nare nenoni yen yiyan naremi tesec intenoni, yeni pakamani eranuru kenoni yenyinafu yikakau yivayayuke iyena waintauc yen yikaka unan kinkenave. ⁴ Macne ye Farasisiuc oveke maketi makusac yereni, yeni iyevac i yunanuc nanteno ye nonukan kacdaren niteno. Akac ena awakava kucbac i wemini yeni iyevac aruman ukareni avokuc fikukam mureni avakureno, macnem macnu in kenin waruke kapiva,Kurauc i tesec eyona,andadauc i yeni kopa kac namac kuman deyom takokasen uwareyone.) ⁵ Ye Farasisiuc namac lo uwareyon indin waintauc namac i yeni Jisasi kac i indaeni macnin tenoni, nevarec tireyac i enic disaiporouc i yeni iyevac avokufic ure avakure yafonove yinafu yikakava iyena waintauc yic awakava kukeve, nevarec tireyac i yeni yunan naman deyac i akac yeni yiyamac iyevac ukeya? ⁶ Weni yemi macnin tiren tiyimemi, Aisaia bani amani darem macnin tiren temi ikeye umataukeve,akac weni uwandemi temi, yeni mini iniya waintauc i yofenkaken waya senofo yeyic yindura indirase i nempac kukami tekimi wenoni. ⁷ Yeni payukami tenkac i lotuc eni, akac yeni wantaic lo awakavac i mandeke Gotin awayasemi duke marenoni. ⁸ Ikeni Goti nic lo mandekec makafinic murec i yeni wantan yinafu yikaka unami dayon lo awakavakuc ipakakara yaminive. ⁹ Akac weni temi, Ike inya waintave mandac ukam waruc mana uwarec bec i Goti nic lo avakurirani yifonkano micni mukami ikeni pakamani eranurukano yeni yinafu yikaka pani beyou yindave. ¹⁰ Mosesi temi, Ikeni iken yino yifon yivaya yirafinac i bekac i yen yivayayac i indeko, akac iyen waitac weni benano afomi mada waya tiyin kanteya foni yeni pukin tenoni. ¹¹ Akac eni semi, micnem mana wainta benafonafi o benanonan macni siren tem, ne andanda tasasirac i eni tenkac marefe Gotin ofa yimeninke, mini i beni macnin tikemi, Goti nac ameno. ¹² Micni mukemifo eni ec ananac i beni ena ena andanda benafon indafi benanon indafi uwrano. ¹³ Eni Goti nic lo vac uwandevac i akac yowac mandeke dano yinafu yikaka uyic awakava kuc i mandeke makafinac dano. Akac ena i anda baruc i eni uwaranami. ¹⁴ Weni yemwekem yemi amucna iniya waintan yararemi macnin tiren yemi tiyimemi, Avokufic urec indeko mana wayani teni tekunave, akac ikeni umacdenac mandekec iken yic indintinac i dako. ¹⁵ Iyevac i mana andanda vac wata Kim mapac wemi wem mandem panana uake mini minem wena wen arapin urene. Weni nenanec i anduntim bantena fini akac yaka kemi weni mandan uwaran temi. Awokuc awac awac awac i peyankenan yeremi yoman deken demini. ^{16 17} Micnurem akac Jisasi yere anasi wanta yinkaren namumpac undaini, wenic disaiporouc i yeni wenkac i indaenoni yen amam waya tiyimino ware. ¹⁸ Akac Jisasi temi, ikeye mi yeni wantan awokuc indini iyevac i dukenin amankac i banove? Amankac ikeni iyevac i macni onaric etemino nenec nec mana wainta kim wenac i akac anduntin undenac i wemi micnuranac i amankac weni iyewac mandac enafini, ¹⁹ Nevarafi mini manda iyevac i amankac ben anduntin urinteno, akac mini manda i wen arapimi undemi icnayemi arakenin asapatac i yakakan temini, Mini waya namac i Jisasi micnurem masiden davoyemi yunanuc kac i. ²⁰ Weni temi, weni macni mukemi andanda wanta aduntinke kudemi wemi pananamu ankemini. ²¹ Micni mukami mini wainta i, nenec nec wen anduntin benac i yakakan tenafini, weni madac ukan indini ampaminte mini, pamuku wanamac, umom wainta namac, watan yirumam pukeyon namac, ²² Ena wainta anac i mareyona o anasin ena iniyavafumi mareninase namac, enaic andanda wani duyin keyona, wayani iyen indeyona, umaci seyona enam mada indiric muankeyona, mada wayani seyona, yeyani yanikukam meyona, ocenic ukam waruc i uwareyon nase. ²³ Masiden mini waruc i micnurani, akac waintauc i mandac emotive. ²⁴ Weni yere mini amapac ec ecmi Taire namac Sidon ke sam makafac i bemini. Weni oremi mana makimi uremini weni iyevac ena waintavac indiren onaekem weni mecyani kimi umbemini tekovani. Akac weni iyen amankac ocmandin naninic emini. ²⁵ Akac akakamu kukami mana inini iyec wenic kipa akinta akac i weni manda spiriti dukanafi-mini inini indemini awokuc Jisasin awayani enusinkena indiremi senifo yeraemi akondonani remi Jisasin acnaka akantimini. ²⁶ Make mini inini weni Grik kikemi yemini, akac weni Fonisia nantin keno ini. Weni indamemini Jisasin kakeve mada spiriti uc i wenaramun kimi weninuc yomandan deken dana binovareve ²⁷ Jisasi macnin tiremi wemi tamemi, ''Ec anayac i ye aninta akakuc narewac i nakowe. Nevarafi weni iyevac i awokuc weminove yeni kipa inta akakuc yic breti mandeke iyanucwapac karuc dami wenine.'' ²⁸ Akac mini inini yewekemtemi macnin tiremi Jisasin tamemini, Eyo, Iyeno, akac yeni iyanuc i tevori nacmen kimi weni yeni nenono mandac ukan yunan arayuc kipac ira inta akakuc ye pafasiran tevori kake kumenin nukeve.'' ²⁹ Weni tamemi wemi,''Micni mukayami eni se onave,eni awokukac bono.Mini manda spiriti i ac i enaramun kinkena i yan kakemino.'' ³⁰ ''Weni yevekem namumpac ora emi akac benaramun onami senifo takokimi oni rukemi wamini,akac manda spiriti i iyevac i yevekem wena macbac wamini. ³¹ Jisasi yevekemi Taire makafac i oremiakac yemi senifo Sidon nic i Galili sorarac avafac i Decopolismakusac i yera eminive. ³² Yeni avikeni yenoni be wapac i mana waintami akan konkemi awam mantac kukan nimi akac yeni eranureni Jisasin kac i inda enoni wen ayana manan dekem mini wainta naropac danovare. ³³ Jisasi wen avic manaremi amucno iniya waintauc bayon akosapac ioreni yekanda manami ovanoni, akac weni wen ayami avekarami wen akankimi umpekemini, akac wen akanomi wen ayankac i kutemini, akac wen anafini oka emini. ³⁴ Jisasi inarumpac i maron kaka kemini ,''Efata, ''Weni macnin temi, ''Eni diyeno! ³⁵ Jisasi micnurami wen akami diyimi make weni amankac i indemi , akac manacyac kukami nenec nec iwen anafini pakakanafi uki kemini. Micni mukami make i weni awokufic muremi ani semini. ³⁶ Weni yemi tiyimemi iyevac ena waitauc bac tiyi mekovani semi,Micnuren Jisasi yenan temi iken yofenac i mantac kurekac i iye vakac i tecnokove,yeni iyevac i wemi indeni pani tenononi. ³⁷ Yeni mada mada ukukaric mueni seni, ''Weni amucna awokuc andandauc kukami uware mino. Weni micnu rani yeni yakkon keyo uni amankac indani akac yeni yofem mantac kukeyo uni amankac asenonive.