¹ Yeni ena non akofaci Gerasensic makusapaci orennoyo . ² Jisasi sipi kinke acdem mapac kundonimi , mana waintan manda spiriti dukam waintan we wanipaci yemoni. ³ Mini waintai bamasic kimpac mana nom waintai. Mana waintawac amankac iyen bemi pakenoyo, iyen eran nantoyac dumenoyo. ⁴ Amucna yaci wemi pakareni seni wa aini foni dumenoyo, senin maden dakac dakac uremi aini ukara wakara emoni. Mana waintawac benamac erani iyen dukenoyo. ⁵ Macden ayufun namac wayankon namaci bamasic anukimpate, weni wacduren ific dem wemoni. Awayewanin oncbam poni wen o akicyem wemoni. ⁶ Jisasi nempac yewanim onaremi, we wanipaci iyayen oremi, wen akantimi maro akondonandemi. ⁷ Anon wacduren ific daremi temi, teni nec emi uwarankantekafuno, Jisasi yan ayakenin Gotin akako? Teni Gotin awictimi indaeko, temi tinawisic iyewac timeno. ⁸ Micnonimi, Jisasi wemi tamemi semi, mini wainta kinke acde mapac kumono manda spiriti. ⁹ Jisasi wenkac indaemi, iyec en awic benafino timi, mini waintan wemi tamemi, ten tiwici ami beko. Newarafi, yenamac amucno beko. ¹⁰ Mini wainta Jisasi pac amucna yac indauremi tamemi, Jisasi o iyewakac mana makusinke tisinkano. ¹¹ Amucna poni kipac anukac beni yunanuc ne wenoyo. ¹² Mini manda spiritiuci Jisasinkac indaeni, yenamac tisinkaekewa porukin dewa, ecanaka yenkin owarare. ¹³ Micnonimi, weni amaminon tiremi, mini manda spiritiuci mini wainta kinken acdeni poruc kimi umpec oyomi , mini poruci iyayeni mana anun kundekeni mantan nompimi kumpekenoyo. Amankac 2000ni poni mantan nompim kum pukenoyo. ¹⁴ Poruc yunam yimewayom waintauc maro tauni kimpac namac makusinkac namaci mini bayani tiyimenoyo. Mini baya indireni, anasi wainta mini onarani mini makusapac mana weno. ¹⁵ Icnayemi Jisasi wenipac yereni, mini wainta manda spiriti wenkim wanim wainta ye onenoyo. Amiuc mini waintakac dafisiric ewayom waintan kumante moni. Weni oanan uremi, awokuc indin namac banini wenakani pekenoyo. ¹⁶ Iyeuyac yeni mini wainta manda spiriti wenkin dafisiric ukaniyac oneyafoyo, yeni wenkimi ampamonin andanda namac pontimi ampamonin andanda onenoyo. ¹⁷ Icnayemi yeni yenyic maku yererem binowani wemi indaeno. ¹⁸ Jisasi sipikin kumandewanimi mini wainta manda spiriti wenkac dafisewanim wainta, Jisasi namac yeakem birani yeremi indaemi. ¹⁹ Jisasin temi iyen tenamac binonanon tiremi tamemi. Yeweke enamapac orewac, en ankun nec Iyeno emi uwarankenafi, mini wac maro tiyimeno. Iyeno weyic awokuci emi uwarankenina mini maro tiyimenon temi. ²⁰ Afo mini waintan manda spiriti wenkac dafisewani oremi, kukandem macden awafaci orem, nec Jisasi wemi uwarankena foni mini bayani iyena tauni kimpac tiyimen bonini, yukami durucdeni yimoyintinken indenoyo, nec wenkim ampamenafoni. ²¹ Jisasin ena non akofaci sipikin oronini, amucna iniya waintan wemi yeukenoyo, pa we non akofac waniye. ²² Mana waintan Judaucyic sios lida,wen awic jairusin Jisasin ye onemi, wen akantimi mare yandemoni. ²³ Weni Jisasin pac indaemi mcnin temoni. Ten tiramumi aci pukiranewaci empaci indaeko. Yerewa maro en ayam wen naropac danana wen ac kipanana aum yewekem marano. ²⁴ Afo Jisasi wen namac yeakem bewanini, amucna iniya waintan ye awakure wenoyo. ²⁵ Afo mana inini weni anasiuc yic yici dukemi, weni 12fi orandekaci, weni anon naren kipemon. ²⁶ Anon anawisici maremi, amucna yotanuci yonewanimi, wenic andanda waci kipewanimi, weni tasasin dacbac iyen maremoni. ²⁷ mini inini Jisasin awayayuc indiremi, wen acnayem ananke yankin yeremi, Jisasi nic korosin okaemi. ²⁸ Mini inini mana indiric memoni, tena Jisasi nic korosi okauranane amankaci tentici kipantemino. ²⁹ Afo mini inini jisasi nic korosi okaurami nare kipanimi, afo weni wen ofac onanimi aci kakic memoni. ³⁰ Manacyaci Jisasin kinkena erani yankakanimi firin emoni. Weni anasi wainta kinken yowecemi macnin temoni. Iyec tentic korosi okaefono. ³¹ Wenic disaipoliuc wemi macnin tiren tameno, yonano amucna iniya waintan emi yeukukayan eni temi, iyec tokaenafino tanamino. ³² Jisasin wanta kimpaci wen okaoyou yani yifakemoni. ³³ Mini inini nec wen okac ampamenafi, wen nana onakemi wei anduci durem pekemoni.Weni Jisasin okankac yanduremi, umacdem bayani ampamonimi tamemoni. ³⁴ Jisasi wemi macnin tiren tamemoni. Akinta o, enic eran indin toni, eni amankafic onano. ³⁵ Jisasi mini tewanimi mayac oyouni mini siosi dafisin wainta kaci yereni macnin teno. En aramumi aci pukemifo eni newarac tisami uma ramewa. ³⁶ Afo yeni newarac teyafoyo,bani Jisasi indiremi, siosi dafisin waintauc tiyimemi, iyewac pekako, eran indin nana dukako. ³⁷ Weni ena iniya waintawac iyewac awakuroko wani temifo, Pita wac, Jemsi wac Joni Jemsin afac nama kananan temi. ³⁸ Yeni siosi dafisin wainta amakac oreni, yonayoni wantuc amucno kasayureni, wacdure ific dewenoyo. ³⁹ Namumpac undemi tiyimemi, newarakac ikeni yikunarec beka? Newarakac ikeni ific deka? Aninta iyen pukemino, pani oni wakemino. ⁴⁰ Yeni wenani imi tiankenoyo. Afo Jisasi umacden yere mapac demi , wen afo namac wen ano namac, akac iyeuyac benamac beyafoyo, yenamac mana umpekemoni. ⁴¹ Jisasi mini inta ayan banka pakaremi temi, talita koum. Kipac akinta o, enani seko, ukukano. ⁴² manacyaci mini akinta ukukemi wemoni. akakaukami anasi wainta yinducdureni, anon yimoyukameno. ⁴³ Jisasin eran bayani macnin tiren tiyimemi. Iyewakac enuyacbac manawani tiyimeko. Icnayemi manac enin yunam aninta amin nanowani, Jisasi tiyimemi moni.