¹ Afo Jisasi kukandemi solwara awafaci acmuna iniya waintan yakacim wayani tiyimemi. Mini acnayem paci mana kenu non amukac bami beni mikimi un kuman demi. ² Afo mini iniya wainta non akofac beni ben awayani indewano.Afo Jisasi amucna waekam bayani demi beni mini iniya wainta yiman yimin bayani tiyimemi. ³ Indeko,''wantan anayokim yunandum pafayirani wemi. ⁴ Afo weni mini yunandum pafa yewanimi manac onim yunandumi ayanakaci pafasenimi nunuci yereni yure neno. ⁵ Manac onim yunandumi pafayonimi onaropaci iyewac amucna makawac bankaci pafasem kumemi. Mini yunandumi akaka ukami ampamemi, newarafi, iyewaci maka nacmenkac kumbano. ⁶ Micni mukami akenin undemi, beni yemi yunkemi,nevarafini, ye mini yunan akukuc i iyevac i makafin kumpekemi, micni mukami umacdemi ayankemini. ⁷ Manac onin yunan ayunuc i pafasemi abanapac i amuc atayukimi kumemonini. Mini amuc atayuc i yen naropac i ampamemi mini yunan yunuc i aruman demini, akac mini yunan yumi iyevac i yunan anon iremi. ⁸ Manac onin yunan ayumi pafasemi avokuc makafimi kundemi amucna yunan akami iremi. Yenyic yunami macni iraric memini, 30 irami akac manac oninuc i 60 irami akac manac oninuc i 100 iremi. ⁹ Icnayemi weni macnin temi, iyec weni indeyon akan dukenafi, ec anac i weni indino! ¹⁰ Inayemi, Jisasin kaci indaenoni yena wen acnakac wayounamac ye 12disaiporouc namac i wenkac i indaenoni mini amam waya anda wani. ¹¹ Weni macnin tiren yemi tiyimemi, ikeni ac i marano ayofakan indire Gotinic Kindomivare, akac yeni iyeuyac mapac weyafo, toyaden anecnemi amam wayasimi wemi. ¹² Micni mukami macne yena oneye, yeni onan tenofo akac iyevac i yeni amankac onanteyo, akac macne yena indeye, yeni indin tenofo iyevac i indikarayinteno. Wakeya ye amandare indire ye yowaec e Goti wenimpac yerana yenyic mandauc yomanan yinkanan ninare. ¹³ Icnayemi weni macnin tiren tiyimemi, ikeni iyevakac amandarec wenic anda indeka mini amam wayaye? Micnonokeka ikeya iyevac amandarec indino ye ena amam wayayuc bake. ¹⁴ Anayokin yokewanim wainta iyec weni yunan ayum yokenafini, weni macni mukemi mini waintan Gotin awayani yokenin amankac i wemi. ¹⁵ Mini yunan ayunuc i pafasemi ayavafac i kumonimi, weni macni mukemini, wayani pani pafasemi kumeminive macne ye indemi, akaka ukami, wananomi yeraemi yomanan dantemi mini waya yenkim pafasem kuminanimi. ¹⁶ Mini yunan ayunuc i pafasemi onocwan untikakam makafimi kumenimi macni mukemi, yeni anasi wantan mini wayani indireni akakan yimoyin namac i mareno. ¹⁷ Yeni iyevac i makafin anuc dami kundaini sefo akac kipa yamukac i wanteno. Icnayem, macnen yem umara amam makaruc yenkim yintemi newayayac i yenkin iyewenafini, akaka ukami yeni mini umara amam makan timi yandin teno. ¹⁸ Yeni ena yunan ayunuc i yeni pafaseni amuc wankan atayuc awanapac i kumeno. Yeni Gotin awayani indenofo, ¹⁹ akac yeni mini makawani indeni, akac umac wani makakakena ondawani yiyikenina akac yirac i amucna andan daukimi ukukemi umpec emi Gotin awayani mandam payanic muremi iyevac i wenic akamac iremi. ²⁰ Icnayemi, ye mini yunan ayunuc i pafasemi awokuc makafimi kumenimi, yeni iyeuyac Gotin awayani indireyac i mini waya mareyafoni, micni mukami yeni yunan anomi ireno. manac onimi 30 ireno akac manac onimi 6o yac i iremi akac manac onimi 100yac namac aruremi ne nampa kakac i yeni yokeya foyoni. ²¹ Jisasi macnin tiremi yemi tiyimemi, ikeni lampi manarec i mare iken yimakimi basketi kinafi o takoc nacmen kimi ramini? Ikeni lampi manarec mare lampi yaki naropakac i dakove. ²² Nevara, iyevac i mana andanda ayofakenimi yeni amankac onantenoni, akac iyevac i mana andanda yeni ayofeyomi iyevac i amankac afotafic intemi. ²³ Afo mayac eyou indeyon yakan dukeni, yeni indirac indeki. ²⁴ Weni yemi macnin tiren tiyimemi, yakan deka indeko. ne makic i eni makin eva, mini makikac i yeni emi makin urami mendan khaki kukam intemi. ²⁵ Nevarafi, iyec dukan tenafi, wemi yeni amucna aminteno, akac iyec i iyevac dukan tenafi, wenkakenami yomandani danteno nenec neukac i weni dukan tenafi. ²⁶ Akac yemwekem weni macnin temi, Goti nic Kingdomi macni mukemi mana waintam wenic yunan ayumi makafimi yocdemi. ²⁷ Weni ayufumi oniwaru emi akac kukac imi ukukemi, akac yunan ayumi ampamemi uremi. Weni iyen indikemini inkec nic ukan asapatec ampamena fini. ²⁸ Makai wenafoni yunami ampamemini, acnan tapac ananaremi ampamemi akac icnayem yunan undemi akac icnayemi yunan anon indemi maro iyenac kukamin temi. ²⁹ Yunan afukananin nurami, anayokin yoke wananim wainta i mukutami danami orainani yunanuc akec yaekeni danteno, afukaem tesac ukananin yunane. ³⁰ Akac weni yemwekemi temi, ne andanda foyac i ikeunamac i Goti nic Kingdomi makin onuno. Ne amam makam waya soyac i ikeunamac makin urekac i Goti nic Kingdomi mandekec afotafic onunove? ³¹ Weni macni mukemi mana kipa yunan ayumi yokeyonic mukemi, weni kipa ukami memini umacden yunan ayumi makafimi wenin kine. ³² Akac micnure yodane, weni uriric uriric memi toyaden yaya ataya andandauc i yesankan urintemi. Akac weni iyena yay ayamaric inami akac nunuc i mare yeni mini kimi maci uwaranteno. ³³ Amucna amamakam wayayuc po namac i, weni Gotin awayani yemi tiyime wamini ye onakara ure indikara yokovareve, ³⁴ Akac weni toyadem wayani yempac i b.emini, amucna amam wayani wemini. Afo, Macnem wenafu beyakac benic disaiporouc namac wene, weni masiden mini amam waya yandami mandan afotac i amani daremi tiyimemini. ³⁵ Mini nurami ayinkafic onimi, weni yemi tiyimemi, ikeunamac soruwara mecyan ofac bonove. ³⁶ Micni mukani akac yeni amucno iniya waintami yere yinkareni akac avikeno Jisasi nama yenamac ini, nevarafini Jisasi bani boti kimi bamini. Manac onin boti ubac i yenamac wemini. ³⁷ Akac Icnayemin, mana iyena sisovanemi nomi micnurami boti kimi umpec emi adekac boti kin untikaric memini. ³⁸ Akac Jisasi weni weyac okac i boti acna yempac i oni rukem wamini. Yeni disaiporouc i bemi orureni teni, Tisao, onecbec indefono macnenineve mayauyeve adekac i pukon teko? ³⁹ Weni ukukemi sisova asiremi nonani semi macnin temi, Nanayuke wano! Iyevac ukukano! Micni simi sisova yakenin kamaimi nomi nanayukam meminive. ⁴⁰ Icnayemi weni tiyimemi yemi disaiporouc i manin tiremi, nevarec tirekac i ikeni pekeka? Ikeni iyevac i bilipi dukamino? ⁴¹ Disaiporouc yeni iyena pekarukami unti kakanini akac yeyani yeyirani macnin tire tevanoni, Weni iyec banac i sisova namac non namac i wen avaya indeya fono?