¹ Wanuram paci, hetpisiuc namac, yicnonic ukeyon waintauc nama, Judac kena lo indin waintacu namaci manakin yereni, Jisasin ye pakareni awike Pailati mi maro ameno. ² Afo Pailatin Jisasi mi, macnin tiren indaemi. Eni Judacu yic kin nac bewa? Afo Jisasin wen awayani yeweken tamemi. Aci enafoni tenano. ³ Hetpris uci Jisasi mi amucna bayayuci ti-ankareni teni, beye amucna mandan uwaram bemino teno. ⁴ Afo Pailatin Jisasi mi yewekem macnin tiren indaemi. Eni mini bayayuci yeweke yiyimin tefono, iyewakac fino? Indeno, nacde mandac emi uwaran keyafono. ⁵ Jisasi iyewaci Pailatin awayani yewekem tamemi. Mini anda foni Pailtati amucna indiric memi. ⁶ Afo iyena ynanuc neyon nurami, Pailati weni mana karafusi wainta iyenac anasi wainta yemi yiyenafi wemi firic uankemi. ⁷ Yicbana pate baya iyewac inde akac wainta karafusikim yireyouye, mana waintan bemi. Wen awici Barabasi bemi. ⁸ Amucna iniya waintan Pailatin kac yereni, weni peni uware wanin adandauc uwara nowan indaeno. ⁹ Afo Pailati, yen yiwayani yewekemi macnin tiren tiyimemi. Teya Judauc yic kin ukic danXn ikem pac binowarac ikemi yiyena? ¹⁰ Teni indinkeko, hetpris uc yic manda yinduni wenine. Newarafi, yeni Jisasi mi mandekeni wemi ameno. ¹¹ Afo hetprisuci micnurani, amucna iniya waintan eran baci deno. Barabasin ec-ana firic em bino wani. ¹² Afo Pailati yeweke mini bayani, macnin tiren tiyimemi. Afo Judauc yic kin mi, inkec nu-anka newarac ikemi yiyena tini? ¹³ Afo yeni yewekeni eran bacdureni teni, Jisasin kekac yasac iyeko. ¹⁴ Afo Pailati yen yiwayani yewekem macnintiren tiyimemi. Weni ne manda andac uwandukaka tini? Yeni yewekeni eran baci dureni teni, Jisasi kekac yasac iyeko. ¹⁵ Pailati anasi wainta yic yiyin amankafic uyinkarani, Barabasi mi ye wapaci ukicolami wemi. Afo weni wenic soldiauc dani Jisasin hotecnarami icnayemi, Jisasin kekac yasac iyeko wan mandeken yimemi. ¹⁶ Soldiauc Jisasin awikeni kamani nic kukusimi uroni, amucno soldia wemi awakureni ureno. ¹⁷ Yeni pepoli korosin Jisasin u-ankareni, akac amuc oyami mandeni, kin atac uwandeni, acnonkin ye-uku ankeno. ¹⁸ Jisasi mi amaruankeni teni, Judauc yic kin O. ¹⁹ Yeni wen acno inkandeni, akac wen akano kuti ankareni, wen akoruka rareni, wenkaci umac mami ti-ankeno. ²⁰ Jisasin kac amarureni, afo icnayemi wenic pepoli korosi ayucdeni, wenic peyan korosin yewekeni u-ankareni, awike kekac yasac iyiran weno. ²¹ Mana wainta weni Saimonin Sairin nicke bami wenafoi Aleksendra namac Rafasi Xamaci bami. Wemi mandeke dami kekac yani marem bemi. ²² Soldiauc Jisasin awikeni mana makufaci Kolkota ke tapaci weno, mini baya andai macnin tikemi. Wanta yicnon yiyampac wam makufake. ²³ Yeni waini namac eran non namac baec kami amemi iyewaci nemi. ²⁴ Icnayem bami Jisasin aruman kekac yasac dam pukina nini, wenic korosin dakac deni, mana mana ara mara rani, mini kaci satu iyara neno. ²⁵ 9 naini kirokin banurami yeni Jisasi mi, kekac yasac iyeno. ²⁶ Mana yayara saci, yeni Jisasin kaci bayoni macnin tireni tareno, Judauc yic kine. ²⁷ Jisasi namaci, kantan umon wainta kanda waci iyeno, mana bem papci fo ena patapaci. ²⁸ Undefined ²⁹ Iyeuyac yeni mini kac ore yere ewayafo, yeni wenani macnin tireni amare wano, ha-a-! Enanaci tec, mam maci ukarareci 3 fara nuram acnayempaci yewekec uwaran teko tewa. ³⁰ Enafoya eyan tasasirewa kekac yasac kewa kumono. ³¹ Mini amankac mana, hetprisiuc namac lo indin waintauc namaci, amaru ankare teni, enunanan tasase wamifo beyani iyewaci tasaseno. ³² Ecanani Jisasi Israeliu yic kin, kekac yasac ke kundana kaci, ma yan yabac onare kaci puka indiric ono. Kantan umon wainta kandan kekac yasaci ikeyon kanda waci wenani amareno. ³³ 12 kilokic onimi iyena ayufum kandakami maka kac dawac emi urekem 3 kilokin orami. ³⁴ Jisasi bacdure mi macnin temi, Eli Eli lama sabaktani? Mini baya anda macnin tikemi. Tentic Goti o tentic Goti o newarac temi yere ec-efono. ³⁵ Mayac ouni, iyeuyac yeni wenacnakac ukukaka yafo, yeni mini bayani indireni, macnin teno. Onako, weni amankac Elaisa mi aremisino. ³⁶ Mana waintan iyayem yeremi, yucpewam waini spansikin demi mana yacdin iyakic. Ukan kac demi Jisasi nano wani amiremi temi, yerakac ikeunamac onano, Elaisac yeren tasa sinte nafino. ³⁷ Icnayemi Jisasi eran bacduremi pukemi. ³⁸ Afo mam makin kena dawa rawe, acbanukami, yampate napac kundami daka kemi. ³⁹ Afo soldiauc yic dafisin wainta onanimi mini asapate Jisasi pukonimi, weni pacban uran temi, Pukau kane, mana Gotin akaci weno. ⁴⁰ Afo mini kaci, mayac ayon inina maci benoyo iyeuyac yeni nenka ukukake yone yafoyo, yicbanapate Meri Magdalini wac aka Meri wac Josesin naXXX Salome yifac yiwa yen yino namaci wenoyo. ⁴¹ We Galilic waninkaci, yeni wemi awokufic u-ankareni, wemi awkurenoyo. Ena ininamaci mayac ayouni wemi awkureneni Jerusalemic benoyo. ⁴² Ayinkafic onimi, akac Sabati kakena andandauc tesacin nurami yerami, ⁴³ Arimatia kena Josepi mini kac yeremi weni mana iyena waintan kansoli bemi aka Iyenonic Inarum, nara antikanim wainta bemoni, weni Pailati wankaci oremi Jisasin o-wani indaemi. ⁴⁴ Pailati anduci demoni, Jisasin pukeno teyomi. Afo weni soldiauc yic dafisin wainta kaci indaemi, pukac Jisasi pukenafi nowani. ⁴⁵ Jisasin pukeno baya Pailati soldiauc yic dafisin bainta kac indiremi, afo Jisasin omi mandekem Arimatiac kena Josepi mi amemi. ⁴⁶ Josepi dawarawec ayac uremi, Jisasi mi kekac yasac kena umandeken demi, mini dawarawe foni bemi yako ankaremi, mandekem, oyam bamasicpimi demi iyena oyakami mandemi mini bamsic osac dawacemi. ⁴⁷ Meri Mekalalini wac Meri Josesin ano yekandan Jisasin masic eyon awafac oneno.