¹ Kantan nnuram pasova inayom pavanini iyena bakuyini baku yenoni breti yisti vac iyevac banimini. Hetpris siuc namac ye indin waintauc namac i yeni wayani uyeno, Jisasin pakare aruman pukirani. ² Yeni macnin tenoni, ''Mini i iyevac i ampa minteno iyena bakuyini nec i yeni anasi wanta amankac iyevac yen yicwanapac yen yiran yirue yisie inayon yamuke.'' ³ Akac Jisasi Betani Saimoni iyec i weni leprosi ac i dukanafi wena makimi wamini.Weni amun demi tevorikac i wamini, akac mana inini yemini we wanimpac i wei sanda iyena monima kake mare wayon namac i manare mini. Akac weni mini botorimi diremi Jisasin acnonkimi aroran kemini. ⁴ Akac mayac oyom waintauc i yirami mandeni, yeni wayayuc i teno yen yirani macnin tireni, ''Ne andavarac i mini inini payukan arorenafi mini wel sanda i? ⁵ Mini wel sanda i weni amankac 300-silva sarinurem mandena, manda varic ukeyon iniya wainta yen yimiric ukaminove.'' Akac yeni mini inini asenonive. ⁶ Akac Jisasin yemi tiyimemi, ''Ikeni wemi ec akove, nekac evakac i ikeni mini iniyani tecweka? Weni awokuc avuc avac i temi uwantin keminove. ⁷ Masiden yamuc i ikeni manda waric ukeyon iniya waintauc dukani ikenamac i wenono. Ne yamukac ikeni yemi tasasekac i awokuc uwan yikan tekafono ikena uwaranakone,akac ikeni iyevac i tenamac wanakono masicden yamuke. ⁸ Mana inini uwarenimi ne andandac i weni amankac uwararic ukanafini. Weni uwerin ten tuwac i afenimi tesic pukini makin eminive. ⁹ Pukaukane teni ikemi tiyimeko, ne amampakac i mana makakac i yeni awokuc wayani tiyimin teyafoni yeni mana inini uwarenin warandac wakani tintenoni mini inini eninani yeni indin tenoni yeni. ¹⁰ Icnayemi Judas Iskariot weni mayac wamini 12fidisaiporouc kinken iyec i iyen Jisasin amirenac i reference hetpris shucks wenac orem we Jisasin pakamani deken yen yiyamponi dana mi binovare. ¹¹ Micne ye hetpris siuc Judas sin awaya yindireye, yeni yimonureni wem monima amirani senoi. Akac Judasi okami dem wamini ne awokuc yamukac i weni Jisasi mi paka eken yen yiyampin danac i bintenafi. ¹² Namba wani nuram breti iyevac yist tivac wenin indami, macne pasova nurami yeni kipac ira sipisipi akac i ofa ure yunke yomi, yeni disaiporouc i Jisasi mi tameno," Emi ayenimi mayauni inkecnifakac i orekac maku eninda tesac uranac i nantefono mini pasova yunane? ¹³ Jisas sin kantan disaiporou kanda tiyin karemi yemi tiyimemi, "Ikeni iyena tauni kin undenac i akac mana wainta mi iyena nom botori namac i manaremi ikemi yemam manakinic mintemifo. Ekeni wenac i awakurec boki. ¹⁴ Inkecni makinac i mini wainta umpekan tenafi, ikeyac wakac i wenac awakurec undekac i ayac i teki mini mac afonamakac i. Mayausic tisa semi, tesic rumu i inkem pakac benafinove tesic pasova yunami tesic disaiporouc namac i nanunave? ¹⁵ ni wainta ikemi yoc i yikan temi iyena rumu mi mac yenafac i wani tesac ukenimi. Ikeni mini kinac i ikeunamatic pasova tesac oki. ¹⁶ Yeni disaiporouc yerere iyena tauni kin oreni yeni masicden andandan onami Jisasin yemi tiyimeninic kukam memini, akac yeni pasova yunami tesac nenoni. ¹⁷ Macnen ac aman kumpe kanimi, Jisasi wenic 12fi disaiporouc namac i yemini. ¹⁸ Yeni tevorikac kuman teni yunan nami, akac Jisasin tiyimemi yemi macnin tikemi, Pukaukane seni ikemi tiyimen teko, mayan iken kinke iyec yunan tenamac nenafini semi paka ekemi namukouc yiyankimi danac i bontec umpec. ¹⁹ Masicdemi anon yikunani mareno, akac maya maya disaiporouc i wenani seni, Amankac seyau neve? ²⁰ sasieveken yen yivayani macnin tiremi tiyimemi, Weni mayan iken 12fi disaiporouc kinkeve, weni tenamac i bretin disi kimi danteminive. ²¹ Weni Wanta Akac i yimirami namukouc yiyankimi bintemini macnen Gotin awayani sirukenine. Mini mukac i akac seni anon sikunon tiankeo iyen waitac i paka ekem Wanta Akac ye namukouc yiyampin dante nafini. Avokuc kukami batino micnem mini wainta ma wenoni iye makanane. ²² Micne ye acnan nevayomi, jisasi mana breti mandemi, senifo weni okam munkuremi kiding kicdi uremi mandekemi ye disaiporouc i yimemini. Akac Jisasin yemi tiyimemi. "Mama marako mini ten tum wemifo." ²³ Wenic kapim mandemi Gotin pac i susun tiremi, weni mandeke mi disaiporouc yimini nenoni. ²⁴ Jisasin yemi macnin tiren tiyimemi, "Mana i weni tesic oyan kontraka naren wemini, mana naren wac yenimi masicden iniya wainta yindai." ²⁵ Pukaukane seni tiyimeko ikene macnin tirec i, seni iyen amankac nanteupe ikenemac ena nuramake amankac wec i seni oyam wainimi nantec umpe Goti nic Kingdomi kin ne. ²⁶ Micnureni yeacnam mana ic dare kipareni, yeni yerereni Olivia anufac i urenoni. ²⁷ Jisasin yemi tiyimemi. Ike masic demi yere sinkanakomino, nevarafi wayasimi wemino, seni dafisim waintami aruranani sipisipi uci mikimpac i yerereni iyayin teno. ²⁸ Akac icnayen se yevekec ukukeke, ikem manan deci senaremi Galili wonteko. ²⁹ Pitami Jisasi mi tamemi, "Micne enuni yeni emi yere akantenofo seni iyen amankac emi yere akantekove." ³⁰ sasin Pitami samemi. Pukaukane seni emi tameko, mini ayufum kokori kandayac wacdinaniyave, eni semi iyevac i emi onakekoven tiremi kandac wac manayac wac i sino namini. ³¹ Akac Pitami semi, Macnec enamac pukirare, seni iyevac i amankac tec i seni iyen emi onakeko. Akac masicdemi mana waya nanami senoni jisasi nare. ³² Yeni yerere yeni Getsameni ve sam makusac i yeraeno, akac Jisasin disaiporouc i tiyimemi, "Ikeni manakac kuman takac i seni orec i sukami munkonteko!" ³³ |isasi yivikemi Pita, Jems, na Jonin namac wenamac i, akac macne ye acnam minikac yera oyomi, weni iyena umarukami maremi. ³⁴ Jisasin yemi macnin tiren tiyimemi, Seni iyena umarukami marekove amankac seni puko nunaic menove. Ikeni manakakac i avokufic kac urekac i dafiseko. ³⁵ asi yen yere yinkaremi kipakac nenkac kekemi oraem yandemini makakac i. Akac weni Gotin pac i okami munkemi macnem we amankafic emi mini manda kukakani amankac i wemi yesankan temini. ³⁶ Jisasi macnin tiren okam munkemi, Setifo Goti, masicden andanda amankac i enic ayintac manami ampa memino. yomadan dano mini kapimi senkimi wenine, akac sentic tiyin takainove enic ayintac ino. ³⁷ Jisasi oveken yeremi yonani yeni disaiporouc yeni yeni rukeni wami, weni Pita nani semi, "Saimon! eni payac i ondukeva? Eni amankac ukukeva dafiseno mana auwa kake? ³⁸ lkeni dafitekac i yukanac munkoko, micnec i ikeni iyevac i amankac yandinakono amam makan tine. Spiriti weni ayem wemifo, iken yumi weni iyewac i ayeminive!" ³⁹ Enayac i Jisasi yeveken oremi okam munkemi, weni pa mana waya nanami yemi tiyimemini. ⁴⁰ Akac enayac wac i, Jisasi yonani disaiporouc yeni yuni rukeni wano. Yen yukami umani revani akac yeni iyevac i indi kenoni yeni ne wayayac i wemi samin teyefonive. ⁴¹ Kandac wac manayac wac i, Jisasi yeremi tiyimemi yemi macnin tiremi, "Ikeni payac i yum bakeka yuc yaum marec beka a? Aman kac i! Taimi ac i yeremi. Onako! Wainta Akac i yeni tanka ekeni rami ye sini waintauc yiyan kimi binteminio. ⁴² Ike acnanam ukukaka, ikeu namac bono. Onako! Wainta iyec i Jisasin madeken namukouc yiyampin yiminac i bintenafi weni ac i adekac i wemino!" ⁴³ Macnen Jisasi yenamac waya sem wanini, Judasi weni mayan 12fi disaiporouc kinkem wemi weni minikac i yeremi. Amucna waintami avakureni wemi yenoni, mini yeni hetprisiuc namac lo waintauc namac ye yicnom waintauc namac ini. Yeni bainativa yakiuc namac i paka manareni yeni Jisasi wenimpac i yenoni. ⁴⁴ Iyem waintac i weni Jisasin madeken namukouc yiyampin yiminanac i bintenafini, weni macnin tiremi wayani tiyimemini, "Tyem wainta nac i seni amoc nante kafuni, mini wainta nac i ikeni wemi pakarekac i dafisekac i wemi avikec boko." ⁴⁵ Micnem mini makusac yeremi, akaka ukami weni Jisasi wanikac i yeremi semi, "Tisa," akac weni wemi amoc nemini. ⁴⁶ Icnayemi yeni yen yiyami mandeke wen naropac i deni wemi yamidoyenoni. ⁴⁷ Akac mayan yenkin kemi yenamac ukukaka nimi wenic bainatimi mandemi mana hetpris yokam wainta akami akec yemini. ⁴⁸ Jisasin yemi tiyimemi, "Ikeni mana amankac i yenove ikeni mana umom wainta pakarani yeyon yiric mec i ikeni bainatiuc namac yakiuc namac i manarec i tem pakarani yenove? ⁴⁹ Macnec te masicden nuran ikenamac bec i akac awokuc wayani afotac i mandan dec i tevac umpe temporikine, Ikeni iyevac i semi yando yevako mino. Micni mukami mana i ampamemino Gotin awaya amankafic irani." ⁵⁰ Masicde iyuyac i Jisasin namac i wayafo yeni wemi yere ankareni iyanenoni. ⁵¹ Mana yampara waintami iyakama korosimi wen okac i uyacdemi weni Jisasi mi awakuremi wemini macne namukouc wen avike boyomi. ⁵² Weni wenic iyac korosi ayuc eken demi wayafomi iyayemini. ⁵³ Yeni Jisasin avikeni hetpris wenkac i weno. Masicden hetpris va ye lo indin wainta semi Juda kemi yeni wanoni. ⁵⁴ Akac Pitami wemi avakuremi kipakac nepatekemi bemi hetprisi ic banisikimi iremi. Akac weni soliauc namac i ikakac i kuman temi ikan kanem wamini. ⁵⁵ Yeni iyena prisiuc namac ye kansorouc namac i umac istoriuc afakare Jisasin koc amireya, akac ye wen arueke pukirani indeno. Amankac iyevac i yeni mana istorivac afakenoni. ⁵⁶ Yenkinken amuc nomi yeni umac istoriuc marewano Jisasin koti ankarani, akac iyevac i manavac mini istoriuc kinke i manaic bac ukamini Jisasi ni istori namac. ⁵⁷ Mayac oyouni ukukeni umac istorin uwareno wen koti ankarani, akac yeni seni, ⁵⁸ mayauni indunami weni macnin tiremi seno, "Seni yon kayon teko mini temporin yeni yiyamponi uwareyone, akac kandac wac manawac nuran acnayempac i seni uwaranteko temporive ye yiyampo iye uwan dukeyone." ⁵⁹ Micne yeni ena fanac waya yuc tevanofo, yenyic mini istoriuc i yeni iyevac i manaic ukanoni Jisasi nic avokuc istori keve. ⁶⁰ Akac hetprisi yen yicwanapac i ukukemi Jisasin kac i indaemi, "Eni iyevac i oveke mayauni sekuna wayayuc i bekin onamino? Inkec nikac enafino mini wayayuc i yeni emi tameyone?" ⁶¹ Akac weni avani mantac kurukemi iyevac i yen yivayani bekinimi. Enayac wac i hetprisi Jisasin kac i yeveken indaemi semi, "Amankac eni Krais Gotin akac i wana mino?" ⁶² Jisasin temi, "Mini senana mumpe, akac eni Wainta Akac i onanami kuman tantemi ayan akumpac Goti masicden eran dukenin akac inarumpac i ayontinkac i yintemi." ⁶³ Hetpris weni korosin dakacdemi, akac macnin temi, "Ikeunamac i nec ena wayayac wac i afakanuno?" ⁶⁴ Ikeni mini amam wayani ac i indeno, nec i ikeni uwaranteka? Ikeni masic demi wemi mandac tiankano mana wainta anon mandan uwan dani aruman pukeyon amirano. ⁶⁵ Mayac oyouni wemi yikanomi kuti ankareni, akac wen ontac uyacdeni yeni manda uwaran kareni macnin teno, "Profeti waya sireva, antecde seno eyec emi arena." Akac ye ofisasiuc i wemi avicdeni wemi areno. ⁶⁶ Akac Pita mini avafac hetprisiuc wayopac nacmem wanimi, mana hetpris yokar akintami we wanimpac i yemi. ⁶⁷ Weni onami Pita ika avafac i wemi ikan kanem wamini. Akac weni Pita mi onaremi macnin temi, "Eni Nasareti Jisasin namac i wakeonamino." ⁶⁸ Akac Pita umac i sirem macnin temi, "Nevarac seteno seni iyevac indikanavani sanano." Icnayemi weni yererem mapac onakac kundaimi kokorimi asemi. ⁶⁹ Hetprisi ic yokar akintan Pitami onaremi yemwekemi minikac ukukaka yon iniya waintami macnin tiren tiyimemi, "Mana wainta mini yenkin kemi mayam wemino." ⁷⁰ Akac Pita umaci sirem yewekem macnin temi, "Weni jisasi mi iyen onakamini." Kipakac wakeni icnayemi minikac ukukaka yon waintauc i yeni Pita nani macnin teno, "Pukaukane eni yenkin kemi mayam wananove, nevarafi eyandoc bac i Galili kenom wanano." ⁷¹ Akac Pita amucno wayayuc kukami siremi weyar arinaninic kukam muremi akac weni macnin tiremi promisic memi, "Seni iyevac i onakekove ikeni mini wainta wani sekone." ⁷² Akac akaka ukami kokori kandayakic uremi yevekem wademi. Icnayemi, Pita i omaremi indemini Jisasi ne wayayac i wemi samenafoni, "Icnayem kokori kandayac wacdinaniya i, eni se i iyevac i emi onakekoven tiremi kandac wac manayac wac sino namini, "Mikaken Pita i anon ific i remini nevarafi weni umac i siremi.