¹ O kemutou o wekaqu, me kua ni levu vuako mutou mei varuruli, ni mutu vo kilajiya edu na lai ocaji valeru ke. ² Nidu vo cala taucoko ga ina leru na kwa. Kodaki vo jikai ni cala ekiya ina kwakwa, vo ecolo uasivi sara okiya, e vo rewarewa rua me taroriya e yago taucoko. ³ Tolariya, kodaki e du ro ciqiniya na kedru tarori na ose veru gusu, me ru talai rewarewa vuako datou, e du vo qai saumakiniya eni yago taucoteo. ⁴ Tolariya talega na waqa, ni vo kwaleni vaidjira a vo saru kaliya ina vuku ni cagi kaikai, io vo saumaki ga ina iuli ni waqa lailai sara, ve yasa e okajiya okiya e qulumiya na iuli. ⁵ Vo kodaki talega ke du yame ni vo jiki lailai ga, a vo kwakwa va viaria leru. Tolariya, vo cadre niya na quto leru na buka waqa bilai! ⁶ Lo vo buka waqa du yame, na kwa. Taucoko ni bura: vo kodaki ke du yame ina vijiki ni lala taucoko, e vo vamudreniya na ivalavala taucoko ni yago; e vo vamudreniya iqoi o yeli. ⁷ Ni vo vamaroataki na manu manu taucoko eru yavai va, qeniya na manumanu vuka taucoko, qeniya na kwa eru vo qani, qeniyo na kwa ni waitaci, a vo vamaroa taki nidru tu na tamata. ⁸ io ro jikai na tamata vo vamaroatakiniya rewa na yame; na kwa taucoko vo jikai ni tarori rewa, vo vuqa ire kwa gaga vo da vivamatei ⁹ Edu vo vaokaoka ke vua na Turaga ledu Mom; edu ro rukaki taki nidru talega ke na tamata, eru ro buli me tautaurata qeniya ra kalau ¹⁰ vo vu vena gusu e kia bau ga, na vaokaoka qeniya na virukaki. O kemutou o weraqu, e jikai ni dodonu me kodaki ke na vikwa ikwe. ¹¹ E bara kiya na mata ni wai vo vadaveniya mai e mata e kiya ga na waidranu qeniya na wai yaga talega? ¹² Oi kemutou o wekaqu, vo bara kia na lolo vo vuatakiniya rewa na olive? Vo bara kiya na vaini, na lolo? Vo kodaki ke, vo jikai e kiya na mata ni wai vo tovure maike na waitaci qeniya na wai dronu talega. ¹³ O cei ro kemutou vo vuku qai yalomatua? Me varaitakiniye ina ivalavala oka na lea cakacaka ina vuku vo yalomalua. ¹⁴ to kodaki vo notu vuako mutou na daururu e gaga qeriya na dauvica, mutu kua ni valevulevui kemutou, se mutu giritakinia na iraruruli djina ¹⁵ Na vuku kodaki igi vo jikai ni la bale ma iyata, vo vavurarura ga, vo vayalo makawa, vo vanity. ¹⁶ to, kodaki vo no koto na vuvu qeniya na viva, vo nokoto ke na video qeniya na cakacaka taucoko ga e bura. ¹⁷ to na vuku mai yata vo sarasara, ibere vo dau la na vivacegui, vo yalomalua, vo vamasuji rewarewa, vo vuga ina loloma qeniya na vua oka, vo jikai ni djigitakinidni vavitaliya na tamata, se dau vivakaisini ¹⁸ Lo na vua ni valavala dodonu vo kaburaki vata geniya na vivacegui vo rau eni viracegui.