¹ O mutou na lequ icaba, kwa ni qulumiya rata na tamata qainiya na vabaujiya ni Jisu Karisito na ledu Turaga, qainidru na tamata daurarivarira. ² Ia kodaki e kiya e unu I were ni lotu, uku tu na mama carira qainiya na isulu saulevu, qai unu mai e kiya na tamata drarudrarua. ³ Kodaki o na daniya o kiya e vaisulu oka qai kwa “o iko tadra ikei na vanua oka,” ia o qai kwa vua e vaisulu valoloma, “Tucake keigi se “Tadra ve qu tutu ni la.” ⁴ Iko tasi rewa ni valewa iko rewa? O si bere re ni rakawa iko na rakasama bura? ⁵ Regociya, na lequ i caba, na kalou a tasi djigidru na drarudrarua I vurarura meru vutuniyau i na vabaujiyal meru tauke niya e kiya na matanitu a yalo takiniya vuadru eru lomaniya? ⁶ Ia ni mutu beciya nna tamata drarudrarua! A tasi vasaraurautaki niko mutou o rau na Vutuniyau? Tasi nidru aru ra meko na were ni Vilewai? ⁷ Eru dau tasi tata bura takiniya na yaca varokoroko mutu ro vayacani ke. ⁸ Ia kodaki, mutu na vatekuciya na vunau me kodaki na leya volai I na Vola-Tabu, “Lomaniya na lemu icaba kodaki na lemu dau loma niko,” mutu na qai vai vaoka.” ¹⁰ Ia o kiya ga e rogociya na vunau taucoko, la ni cala e kiya boto jiki, e na beitaki ni taleidredre I na vunau taucoko. ¹¹ Ni o kiya ga kwa, “Kuwa ni sioviya na kwa ni Qase,” a kwa talega, “Kuwa na laba” Kodaki o na tasi sioriya na kwa ni Qase, la o vilabaji, o na vawili na dau taleidredre ina vunau ¹² Mutu tata, cakacaka me kodaki o rau na lewai me tautaurata qainiya na vunau ni Visereki. ¹³ Ni na lewai me tasi lomani vuwadru eru tasi varaitaki niya na loloma. Ia na loloma e rewajiya na vilewai. ¹⁴ Ena yaga vacara, na lequ icaba, kodaki e kiya e kwa ni no vuwa na rabaujiya, kodaki e jikai vuwa na cakacaka? Ena rewa ni racola niya na rabaujiya se jikai? ¹⁵ Ia kodaki o tacimu na lewa se tacimu teigwane me vaisulu bura qai Jikai tu na keya e kiya na siga. ¹⁶ E dodonu me kiya vuwako mutou me kwa vuwadru, “mutu la na vacegu, me mutu vasiniaji.” Kodaki mutu tasi soliya e kiya na kwa Vuwadru balejiya eru yago, na cara e bete? ¹⁷ Io e na kodaki talega ke, ke jikai na vabaujiya me tu vata qainya na cakacaka, ena mate. ¹⁸ Ia ena kiya e na kwa, “na lemu vabaujiya, ia aqu na cakacaka.” Varaitakiniya ga mai na lemutu vabaujiya, aqu na varaitakiniya ga mai na lemutu vabaujiya, aqu na varaitakiniya vawako na lequ vabaujiya ni lequ cakacaka. ¹⁹ Ia mutu vabaujiya ni kiya na kabu, o vo vai oka. Ia o rau na nitu eruvabaujiya muni, niru satanini muni. ²⁰ O iko mata kilajiya muni, iko na tamata yalowai, ni no na rabaujiya qai Jikai na cakacaka e tasi yaga? ²¹ A tasi radoniya o Eparama ledu Momo I na vuku ni cakacaka, na leya vacaboniya o Aisake na leya I lure na ranua ni vacacabo I soro? ²² O daniya ni cakacaka na leya vabaujiya qainiya na leya cakacaka, ni leya cakacaka ni vabaujiya a ro rewa. ²³ A vo rayaconiya nai Vola Tabu o kiya a kwa, “na Kalou a vabaujiya o Eparama, a vo vawili vuwa me I varau dodonu, a ro vayacani me wekaya na kalou. ²⁴ Ia mutu ro daniya ni ro vadoniya na tamata e vuku ni cakacaka, e tasi ni ya e vuku na vabaujiya takiya ga. ²⁵ Me kodaki talega ke o Reapi na lewa e dau teigwane, ni tasi radonui e vuku ni cakacaka, ni ru vacegu o rau na I ratala, qai ratala tale e kiya tale na caleru? ²⁶ Me kodaki ni mate na yago ni ro larele na yalo, ena kodaki talega ke ni mate na vabaujiya ena larele na cakacaka.