¹ E djina e vo notu qeiniya na xi yalayalaji ni lotu, qeiniya na were-nii-lotu xa vurayura. ² A vai ga na were Tabuj o keya e simata, e no ke na I tokotoko ni sinna, qeiniya na teveli, qeiniya na madrai e dau lal danij e yaca me vanuwa Tabu. ³ Vo sivi nai karuwa ni, a vo qai lai no na were Tabu igi na loqi sara. ⁴ E nokoto ke na miqa koula, qeniya na kato ni vi yalayalaji e botani vetutu taycoko ga na koula e nokoto ke na bilo koula e tawa ina mana, qeiniya na leya I toko o Eroni. ⁵ A no iyata o rau na Jerupi vai ukuuku a va rurujiya na I cabo-cabo-ni bulubulu 10 na dredrei ni kwa me lai kawal vuwadru I kwe. ⁶ Ni vo varautaki devu tu na kwai kwe, aru vo unu o rau na Bete ina vi siga nai matai ni were tabu, me vai ke na lotu. ⁷ O rau ga na bete levu eru unu e va yakiya ga ina kiya na yabaki me kau na dra e va eabo niya vata na ledru va cala kwa na tamata. ⁸ A vo vatakeya na Yalo Tabu na kwai kwe, ni tasi vatakei mai na ealevu I na loqi Taby na vanuwa e no ke na were Tabu i mata. ⁹ Na keya i vata kilakila i qoi, me yacoviya na gauna i kwa a va cabo ke na i madrali qeiniya na I soro, o keya e tasi va savasavataki niya rewa e yaloga ni lamai lotu. ¹⁰ Can cawa qeiniya na somu mo vulu vulu va levu qeiniya nai varau va vuravura, e vo lesi me cava re na gauna ni vi va dodonutaki. ¹¹ A vo la mai na Karisito na bete levu na oka e qai tekuciya mai, na were tabu levu e oka cake sara na keya oka, e jikai ni vai ve na lima, a jikai ni kodaki ka ¹² E jikai ina dra ni me sena luve m bulumakau, ina leya dra ga e unu ke I na loqi tabu sara, ni vo rewajiya me Soliya na cola tawa mudu. ¹³ Kodaki e yaga na dra ni bulumakan qeiniya na me, qeiniya na ravu ni bulumakau lewa ni vo kaburaki vuwadru na dukaduka, me savasava ke eru lala” ¹⁴ E kodaki i val e dra na Karisito, o keya a va cabo niya vuwa na Kalou me balejiya na Yalo Tabu tawa mudu e jikai vuwa na bura, e rewarewa Sara me Savajiya ke na lemu lewaiya i yaloga ina cakacaka ni mate, me belejiya me mutu qwaraviya na Kalou colo? ¹⁵ Okeya I kwe e yaco ke me taro glya ke na vi yalayalasi vou, meru rewa Jiya o rau eru lai covi i nal votavota tawa mudu e yalataki, me balejiya na leya mate, nai soro ni varau Toura a vo val Levu ina vi yalayalaji i mata. ¹⁶ Kodaki e kiya na vi yalayalaji, e yaga me mate okeya a val ke navi yalayalaji: ¹⁷ Ni vo mate a qai va deitaki ke na vi yalayalaji e jikai ni yaga va lailai ni colo no o keya a va vuniya na vi yalayalaji. ¹⁸ O keya i kwe e jikai ni tabu ke na yalayala a vai I mata, a vai ga ina drai. ¹⁹ 10 ni kwa devu o Mosese na i va vuvuli taucoko ga ni vo vunau vuwadru taucoko na tamata, a qai kau o keya na kedru dra na luve ni bulumakau qeiniya na me, qeniya na wai, qeiniya e rauni vulu na Jivi a vo vadradrataki, qeiniya na isopa, a qai kuretaki niya i nai vola, vuwadru muni na tamata. ²⁰ A kwa, i kwe na dra ni vi yalayalaji a vaveya vuwako mutou na Kalou. ²¹ A kuretaki muni na dra ina were tabu, qeiniya na bilo taucokoni lotu. ²² E vica na kwa e tasi va sava savataki ina dra me kodaki na i vunau: 10 me kodaki ni vo tasi dave na dra, e jikai ni boko nai varau bura. ²³ 10 e vo dodonu ke me savasavataki nai va takarara e no mai lomalagi ina vi kwa i kwej na vi kwa djina e va lomalagi a vo va savasavataki na kwa e oka vuwadru. ²⁴ Ni vo jikai ni unu na Karisito i na loqi tabu a vai i na lima, i qoi na i vatakorakara ni kwa djinaj ni vo uu ina lomalagi djia ga, me lai talavi ni kuwa e mota na Kalou me balejiko datou: ²⁵ E vo jikai muni ni va cabo niya va levu, me Kodaki ni unu na bete ina loqi tabu ina vi yabaki, me kau na dra kani kiya: ²⁶ 10 kodaki kwe e dodonu me mate valevu mai nai va tekivu i vuravurai a qai vata keya va kiya o keya i nai devudevu ni gauna a vo kwa me la dai ke na i varau bura, ni vo va cabo niya. ²⁷ Kodaki ni vo lai kwai me mate va kiya o rau na tamata, me qai bere na lewa. ²⁸ Me lai va cabo vakiya me kodaki muni na Karisito me lai ocaji ke nai varau, bura ni tamata e wara; e na lai dani mai varuwa meru cola e jikai ni jiya i soro.