¹ Ia na i ulutaga du talanoa takiniya no: E nokoto e kiya na ledu Bete leru e tadra no e lima matau ni nono o kiya e levu mai Lomalagi. ² O kiya na i vukevuke ni Jiki tabu, na were tabu ni Turaga, e tasi vaveya na tamata, ia e vaveya ga na Turaga. ³ Ia vuadru taucoko na Bete leru aru waliciya meru vacaboniya ruarua na madrali qeiniya na keya I soro. E dodonu me vacabori e kiya na kwa. ⁴ Ia kodaki na Karisito ena no I vuravura, o kiya ena tasi rewa ni Bete, ni ru no na dau vacaboniya na imadrali me kodoki na ivunau. ⁵ Eru vaveya na keya varataki qeiniya na mawalo ni vikwa valomalagi. Me kodaki na leya Varaitakiniya o Jisu vo Mosese na gauna a varau ni vareya na were tabu: A qai kwa na kalou, “Tolaviya, mo vareya na kwa taucoko aqu varaitaki niko mai na ulu-ni-vanua.” ⁶ Ia na Karisito ero ciqomiya na vi tabara uasivi, me kodaki o kiya na vivataudeitaki ni tata yalayala e vasivi cake. ⁷ Kodaki e tasi kiya na kwa e cala mai ina matai ni kwa igi, ena tasi okaji me vadani e kiya tale. ⁸ Ia na gauna a daniya ke na kalou na cala vuadru na tamata, a qai kwa o kiya, “Tolaria, ena yaco mai na siga -e kwa na Turaga_ Na gauna aqu na vaveya na kwavou vuadru na Isireli qainidru na kwai Juta. ⁹ Ena tasi kodaki na vi yalayalaji aqu vaveya vuadru ledru Qase na siga aqu qulumiya ke eru lima Simatataki nidru dai mai na vanua o Ijipita. Niru tasi vatekuciya na lequ viyalayalaji, qai kwa na Truaga, mequ kuwa ni maroroi jidru. ¹⁰ Ikwe na iyalayala qu na vaveya vuadru na Isireli oji na siga igi kwa na Turaga Aqu na biujiya ve ledru vakasama na vunau, aqu na volaia talega ke ve ledru yalo, aqu na ledru kalou talega, eru na wili me lequ tamata. ¹¹ Niru na tasi vavulicidru yaiciya me leya lewe ni rara. Qainiya o wekaya, kwa, “Kilajiya na Turaga”. Niru na kilajiko yau taucoko, vua o kiya e lure takya yacoviya o kiya e qase. ¹² Niqu na yalo-oka vuadru eru tasi dodonu, ia aqu na numidai niya na ledru I varau bura”, ¹³ Ni vo coviya e kiya e “kwarov”, o kiya ena vaveya na keya imatai me I devudevu, ia na kwa e vo makawa ena voleka ni lavele mai.