¹ Ia o Melekiseteki ikwe, na tui i Selemi, na bete ni Kalou e kwa levu sara, a waciya o Eparaama ni vo devu mai na leya ravujidru mai na tui, a tata ni vakalougatataki niya. ² A soliya muni vuwa o Eparaama nai kajini ni kwa taucoko. Matai, na keya vadewataki e yaca me keya i balebale "tui ni cakacaka dodonu" o kiya muni na tui i Salemi, o keya igi na tui ni vivacegui." ³ E jikai ni lakwai o tamaya tamaya se o leya nene, se na leya mataqali, se na leya vatekivu ni leya gauna, se oji ke na cola, evo vai ke me kodaki jiya luve ni Kalou, evo dei no ga me jiya bete me tawa mudu. ⁴ Mutu vakasama takiniya re na leya uwasivi na tamata ikwe, a soliya ke vuwa o Eparaama na turaga qase na leya kajini ni tabuwa a toki takiniya mai nai valu. ⁵ A dau djina vuwadru na luve ni livai, a rau na bete, ni vo lai vasalataki vuwadru ina vunau, meru na soqoniya mai na sigana mai vuwadru na tamata, io vuwadru o wekadru, e djina ga niru lamai ina leya kawa o Eparaama. ⁶ Ia o Melekiseteki, a vasigani mai vuwa o Eparaama, e jikai ni wili vata na leya mataqali, a tata ni vakalougatataki niya ni vo tata taki devu tu ina tata ni yalayala. ⁷ Ia nw kwa ikwe e jikai ni vajijiqa taki, nivo tata ni yalayala takiniya devu o keya e uwasivi cake vuwadru. ⁸ Ia ikei eru qulumiya na sigani o rau na tamata eru dui mate, ia mai keigi e lai kwai ni kiya esi cola no. ⁹ Ia kodaki e qulumiya me qu kwa, o Livai muni, o keya e dau qulumiya nai sigani, eru a soliya vata nai sigana o Eparaama. ¹⁰ a sibere ni sucu o keya a tavaki niya rewa o Melekiseteki o tamaya. ¹¹ Ia kodaki eru rewa ni oka cake ina vuku ni cakacaka o rau na bete valivai, (nivo lai kwai devu tu ina vunau vuwadru na tamata), ena yaga va cava kodaki e tubu tale e kiya na bete me kodaki muni na leya i varau o Melekiseteki, me qai lai kwai ni jikai ni tautauvata na leya i varau o Eroni? ¹² Ia nivo vaisosomi taki na bete, evo dodonu muni ke me vaisosomi taki nai vunau. ¹³ Ia o keya evo lai kwai kodaki ikwe, e kanikiya na leya yavusa, e jikai muni ni kiya na tamata me qwaraviya na cabocabo ni soro. ¹⁴ Evo macala tu ni macavu mai vuwadru na Juta na ledu Turaga, na yavusa a jikai ni cavujiya o Mosese meru jiya bete. ¹⁵ Evo macala vasigalevu tu, nivo tubu e kanikiya tale na bete me kodaki o Melekiseteki. ¹⁶ O keya a lesi, e jikai ni kodaki na vunau vavuravura, o keya ga me kodaki na keya mana na cola tawa mudu. ¹⁷ Ni vo kwa o keya " O iko na bete tawa mudu, me kodaki na leya varau o Melekiseteki." ¹⁸ E djina a mudu mai vunau i mata, nivo malumalu e jikai ni yaga, ¹⁹ nivo jikai ni oka sara e kiya na kwa ina vuku ni vunau, ia na keya liuliu nai nuinui e oka cake sara, o keya ikwe edu toro voleka sara vuwa na Kalou. ²⁰ A vo bubului devu tu ina leya i lesilesi me bete; niru vo buli ga meru jiya bete o rau ikwe, ²¹ ia e jikai ni bubului taki, ia o kiya ikwe ina bubului, me balejiya o keya a kwa vuwa, " A bubului vuwa o Jiova, a jikai ni vivutuni: 'O iko na bete tawa mudu." ²² E uwasivi cake ke na viyalayalaji, o keya a vadjinadjina ke o Jisu. ²³ Ia o rau ikwe eru lesi meru jiya bete, eru lewe levu, niru vo taroviya na ledru nokoto no ina mate. ²⁴ Ia o keya ikwe, e jikai ni vaisosomi taki na leya cakacaka va bete, ni nokoto no ga vuwa na tawa mudu. ²⁵ O keya ikwe evo rewarewa ke vuwa me vacolanidru o rau na lamai vuwa na Kalou me balejiya, nivo cola no ga o keya me masulaki nidru. ²⁶ Ni vo dodonu me ledatou e kiya na bete me kodaki ikwe, e yalo savasava, e yalo oka, e jikai ni bura, e tawase dai mai vuwadru na tamata i varau bura, avo vai me uwasivi cake i lomalagi na leya lagilagi. ²⁷ O kiya ikwe e jikai ni yaga ke ina visiga, me vacaboniya nai re i mata nai soro ni leya i varau bura, e qai tetaku na ledru i varau bura na tamata, me kodaki o rau na bete levu. ni vo vaveya ga vakiya o keya na leya mai vacaboniya. ²⁸ Ia evo buli ina vunau na tamata eru vo malumalumu meru bete levu, ia na luve ni Kalou e vai me oka sara valevu me tawa mudu, ina bubului e taraviya na vunau.