¹ Kuwa ni vunauciya vakaikai na qase, ia mo vavojiya ga vamduw a me kodaki i tamamu, i vuwadru na suravon me kodak i muni Vawadra o rau o tacima ² Vuwadru na galewa qase, me kodaki muni vo lemu nene, i vuwadru lewa yalai, me kodaki muni o rau o gwanemu, ina yalo e savasava. ³ Vatolavidru o rau na yada eru tada djiina. ⁴ Ia kodaki e kiya na yada e valuveni se nokoto no leya Karuwani, meru lai vavulici ve meru vaveya nai valavala e dodonu i ledru were, meru Saumiya vaoka na ledru loloma na ledru qase ni oka ikwe vawa na Kalou. ⁵ Ia yada djina o kiya e jikai o wekaya, e varavaui no ga vuwa na Kalou, e dauvimasulaki qaneya na kerekere ina vibogi ina visiga. ⁶ Ia o keya e daugujiya na marau, evo mate ga ni cola no. ⁷ Ia mo dauvarojiya na vikwa ikwe, me ru kuna ni cala ke, ⁸ Ia kodaki e kiya e jikai ni vatolavidru na kwai leya, me valevu ga orau na leya lewe ni vuwere e vatawe yaga takiniya na leya vabaujiya e levu cake mai na bura, e toro bale o keya e jikai ni lotu, ⁹ Me kuwa djigitaki e kiya va yada esi bere ni ono sagavulu na leya yabaki, e vateigwane ga vakiya. ¹⁰ Me rogo ina vuku ni valavala e oka, kodaki e qwaravidru nai lure, kodai e dauvacegu nidru na vunilagi, kodaki e daudralia eru la o rau na lotu, kodaki e vukeidru o rau na vararawataki, kodaki e gumauwa na dauvaveya na cakacaka e oka. ¹¹ Ia orau ga na yada eru tamata colo meru na vasukai, mira na garogaro ga eru na Jikai ni numiya na Karisito, ru na okajiya meru na vawaji tale. ¹² Eru na lai ocaji niru o biujiya na kwa ara babaujiya i mata ¹³ Ena yaco muni meru na vucesa, eru na dau-unuXXvere wavoki, eru jikai ga ni vucesa, eru dautalanowe muni, eru na dauvavubura, eru na daukwa na kwa e jikai oka. ¹⁴ O keya ikwe aqu vo okajiya ke meru vateigwane na yada eru na tamata colo, meru vailuve, meru lewaia na were,meru kuwa ni vavea e kiya na kwa me kwakwa bura ke na meca. ¹⁵ Niru vo lesu tale eru yavalu meru tekuciya o setani. ¹⁶ Kodaki e kiya na lewa vabaujiya evo no qanedru no e yavalu na yada, me vukeidru, me kuwa ni vabibitaki niya nai soqosoqo lewe ni lotu, me vukeidru rewa ke o rau na vo yada jina. ¹⁷ O rau na qase eru lewaiya oka meru dokai valevu Sara o rau na dauvunautakiniya na kwakwa qaneya nai vavuvuli. ¹⁸ Ni kwa nai vola tabu, mo kiwa ni vesu kiya na gusu ni bulumakau, ni butu laki niya na sila. E dodnu me Soli vuwa na tamata daucakacakana Keua i Sau. ¹⁹ Mo kuwa ni vabaujiya e kiya e beitakiniya na qase, kodaki e jikai ni lewe ruwa se lewe tolu eru vadjiindjina. ²⁰ O rau na valavala ka, vunaucijidru eru mata na tamata taucoko, meru matakacidru o rau na tani. ²¹ Aqu vo varojidru ina mata ni Kalou qameya e mata o Jisu Karisito leru mata muni na agilosi djigitaki, mo tekuciya na ukwa ikwe, mo kuwa ni vaveya e kiya na vidjigidjigi wale. ²² Kuwa ni tabakiya vasauri e ikya mu lima, mo kiwa ni kawi ina ledru i varau bura na tamata vailoa, mavoroijiko mo Savasava no. ²³ Mo kuwa ni somu waidranu no ga, va mo somiya valailai na waini me balejiya mu kete, qaneya na malumalumu e dautaniko no. ²⁴ Na ledru varau bura yavalu na tamata a daulaidaui mai mata, eru vo teimata meru lai ocaji, ia na ledru bura na tamata eru bere no mai. ²⁵ E kodaki muni ga ke nai varau coka daulaidani mai mata, ia vo rau e jikai ena jikai ga alomaki rewa.