¹ Ia e vo vamacala takiniya na Yalo Tabu ni na vuko dai e yavalu mai na vabaujiya e na gauna ibere, ni ru vanogo e vica na yalo e dauvivacalai qainiya na ledrui vavuvuli na nitu; ² Ia na ledru dauvarivariva eru vo kwa na kwa e giri. Ia na ledru lewa iyaloga me kodaki na kokameya katakota; ³ Eru dau taroviya na vawaji, eru vo vatabuniya e vica na cawa, e vareya na Kalou me ru Kaniya qai vaokaoka ke o rau eru vabaujiya qai kilajiya nai vavuvuli djiina. ⁴ Ni vo oka taucoko na kwa e vaveya na kalou, ni jikai na kwa me beci, kodaki e du vaokaoka ke ni du kaniya; ⁵ Ni vo vasavasavataki i na tata ni lalou qainiya na masu ⁶ Ia kodaki o na vanumi nidru na viwekani i na vikwa ikwe, o na qai talatala oka ni Jisu Karisito, no o tubu cake e na vabaujiya qainiya na i vavuvuli oka ni o dauvatekuciya. ⁷ Ia mo biujiya re na tata tabu qainiya na tata vura ni lewa qase, ia mo dauvaoga niko i na lotu. ⁸ Ni vo yaga valailai ga na ogaoga vayaga ia na lotu e yaga i na kwa taucoko, ni vo yalataki ke i na kwa ni cola, qainiya na kwa ni cola talega e na bere mai. ⁹ Ia e vo diina na tata, e yaga me vabauji valevu. ¹⁰ Ni I keya ga ikwe ni madu daucakacaka ke ni vo varivarivaci, ni madu vo vararavi i na Kalou cala, nai vacola ni tamata taucoko ga, ni ledru djiina eru dau vabaujiya. ¹¹ Na vikwa ikwe me mutu kwa qai vatavuvulitak i ke. ¹² Me kuwa ni kiya me beciko ni o se saravou; ia mo yaco mo dedru ivarau eru vo vabauyija. E na tata, varau, loloma, yalodjiina, e na yalosavasava. ¹³ Mo gumatuwa e na wili vola, dauvivaroji, e nai vavuvuli, me yacoviya na lequ lesu tale mai. ¹⁴ Ia me mutu kuwa ni vawele takiniya nai solisoli e no vuwako mutou, o kiya a soli vuwako e nai Parofisai, qainiya na vitabaki veru lima na i talatala qase. ¹⁵ Ia mo dauvanumiya na vikwa ikwe; meru rewa jiko ke; me laidani ke ni o vo vuko cake mai i na kwa taucoko. ¹⁶ Ia mo daniko vaoka ni, qainiya na vavuvuli; mo tudei ke; ni o vo kitakiniya kodaki ikwe o na vacolai ke, qainidru taega eru vo rogaci ko.