¹ Ia orau na nokoto no eru domo na uata ni bobula meru varokoroko vuwadru na ledrui luliu niru danidru cake tu. Meru na vavea ikwe ena vu ku ni Kalou niru vivavulici meru kuwa ni giri. ² Na bo bula ni vabaujiya na leya liulu me kuwa ni vatakeya na leya vaqwa-ulu vuadru a leya vitacini. Mai vuwadru e dodonu meru varokoroko taki valevu tau coko. Vuwadru na ciqomiya na keya yaga na bauagjiya niru lomani. Vavuliciya vuwadru kwa tale ga yagi na kwa ikwe. ³ Kodaki e kiya wasekiya nai vamacala girigiri qai niya jikai ni vadoniya na djina ni kwakwa ni Kalou o Jisu Karisito vata nai vavuvuli va-kalou. ⁴ E marau taki niya ni jikai ni kilajiya tu e kiya nakwa. E jikai ni niya tumuni e yalo na vitalanoa vata vata na vibataki ni kwakwa vavuniya na yalovura, vavuleqwa, viba, na vakasama bura. ⁵ Qai niya e vatubu bura vuadru na tamata orau eru sqwasivota malumalumu. Vo lavele vuwadru na djina eru qai numiya nai vavuvuli vakalou meru rewa ilavo ke. ⁶ Nai vavuvuli-vakalou ekau mai na marau ejikai ni taqei rewa. ⁷ Edua jikai ni kaumai e kiya nakwa i vuravura ikwe, tasi kiya muni nakwa edu na kau lesu tale. ⁸ Mai navi kwa ikwe medu no vace ga no ni nokoto no na cawa qai niya nai sulu. ⁹ Io na gauna ikwe orau navo lai rewaji navi vatavolei, yaco na tavutu. Eru la tu sara ina caleva liyaliya qai niya na djigidjigi cala, qai niya navikwa e vacalai ke me cava sara me vaburabura taki. ¹⁰ Na lomaniya nai lavo e cale vu ni nitu. Yavalu na tamata eru numinumi ke eru vo ladai mai na ledru vabaujiya na ledru yatotato e tubu kena malumalumu levu. ¹¹ Iya ioko, na tamata ni Kalou, tu ba dai mai navi kwa ikwe. Tekuciya na calevu dodonu, tovo va kalou, ena vuwabale na vabaujiya, na loloma, na vosojiya, qai niya na yalomalua. ¹² Valu devu enai valu oka. Qulu qata na colo tawamudu, vatusa niya navi kwa oka me niya na vadjinadjina. ¹³ Quvo soliya vuwako na lwea maivuwa na Kalou, Okeya e soliya na colo vuwa nakwa taucoko, mai vua o Jisu Karisito, okeya kwa vua Ponitio Pailato na djina. ¹⁴ Me maroroi jiya na leya savasava me kwwa ni ca la, se vivacalai cavajiya ni lamai ka Kalou o Jisu KArisito. ¹⁵ Na Kalou ena qai vatakeya mai na keua gauna donu na Karisito na Kalou, okeya e djigitaki niya na Kalou e vayaco kwa. ¹⁶ Eno ga vuwa na colo tawa mudu qai niya ena vanuwa e kakarama jikai ni lai kabiji rewa. Jikai ni kia na tamata e tolaviya rewa se daniya rewa. Me leya na lagilagi qai niya na lewa taucoko. Emini. ¹⁷ Lai kwai vuwadru na vutuniyau meru kuwa ni marautaki niya navikwa ni vuravura ikwe qai niya meru kuwa ni vanuinui ena ledrui yau, ni jikai nina no vakia no. Iya meru nuidei ga vuwa na Kalou okeya ga soliyavuwako dayou na vutuniyau djina ena marau. ¹⁸ Kwa vuwadru meru vavea nakwa oka, meru vutuniyau ena cakacaka mana, qai niya e yalosavu ni dau marautaki niya na wasekiya. ¹⁹ Ina calevu igi eru na maroroi jiyake navi kwa me balejidru ena yavu nikwa oka mena qai bere mai, me rewa niru kila jiya ke na colo djina. ²⁰ Timoci, taqomaki niya navi kwa e soli vawako. Maroro i jiya, do kaiya, kwakwa vailoa sqai niya na vakasama bura se vakasama duka dau lainumi ni giri na vuku. ²¹ Valu vuwadru na tamata eru kwa nakwa ikwe niru lava-tutu mai na vabaujiya. Iya na loloma me qai no qaniko mutou no.