¹ Evo ga vuwako mutou na viwekani me madu na vamamasu jiko mutou, me maduna vivaroji no balejiya na Turaga o Jisu, mo mutu uwasivi cake ke valevu, me kodaki na lemutu a lai vavulici mai vuwako madou ina varau e kilikili i vuwako mutou, me mutu na vaveya no, mo mutu oka ke vuwa na Kalou. ² Mutu vo kilajiya no nai varo madu a kwa i vuwako mutou e vuku na ledu Turaga o Jisu. ³ Nivo loma ni Kalou ikwe, mo mutu yalo savasava, mo mutu kuwa ni dauyalewa, ⁴ Ia mo mutu kilajiya yakiya no, mutu maroroijiya mutu yago me vasavasavataki ia me kodaki muni, ⁵ me kuwa ni rewajiya ga re na dodomo bura, me kodaki o rau na matanitu eru jikai ni kilajiya na Kalou. ⁶ Me kuwa ni kiya e lai lawaki ca se vaburaburatakiniya na kwai leya ina vikwa ikwe, ni na ocatakiniya na kwa taucoko ikwe na Turaga me kodaki muni ni madu a vasalataki niko mutou ke i mata a madua dau kwa no. ⁸ Ia o keya ena beciya, e jikai ni beciya na tamata e beciya no na Kalou, o keya a soliya mai vuwako datou na leya Yalo Tabu. ⁹ Ia ina vuku ni vilomani vavitacini, e jikai ni yaga mequ volaiya yaji vuwako mutou ni mutu a vavulici devu mai vuwa na Kalou mo mutu vilomani no. ¹⁰ Evo djina ke ni mutu a vaveya devu mai vuwadru o wekadatou eru nokoto no mai Masitoniya taucoko, ia madu vo vamasu jiko mutou na viwekani, mo mutu uwasivi cake sara valevu. ¹¹ Mo mutu gumatuwa sara, mutu no vamaluwa, mutu vaveya no ga lemutu cakacaka, qaneya me cakacaka vakaikai no mutu lima me kodaki a madu a varojiya i vuwako mutou, ¹² mo mutu vaveya no ga nai varau e kilikili i vuwadru i taudaku, me mutu kuwa ni dravudravuwa ina kiya na kwa. ¹³ Ia aqu okajiya o mutou na viwekani, no mutukuwa ni numideiniya, ¹⁴ me balejidru o rau na moce no mutu kuwa ni rarawa, me kodaki o rau na jikaina ledru i nuinui. ¹⁵ Ia kodaki edu vadjinajiya nivo mate devu o Jisu eya tucake tale mai ena kodaki muni o rau na moce tu o datou na colo no me yacoviya na leya lesu mai na Turaga. ¹⁶ Ni na labale mai lomalagi e na rago levu, qainiya na domo ni Agilosi Turaga, qainiya na davui ni kalou. Ia eru na tucake simata o rau na mate eru na tu qainiya na karisito. ¹⁷ Ia ibere qainiko datau, edu si cola no, du na qai kau cake vata qanidru, medu sotarata qeniya na Turaga e na maliwa lala. Ia ena kodaki ke ni du na qai no qeniya na Turaga me tawamudu. ¹⁸ Ia na kwa ikwe me mutu ia na vivacegui vuwako mutou i na tata ikwe.