¹ Raetem ol toktok ia i go long enjel blong jej long sadis: 'Toktok blong wan we holem seven spirit blong God mo seven sta. "Mi save ol wok blong yufala. Yufala i kat ol nem we oli talem se yufala i laef,be yufala i ded nomo. ² Yufala wekap mo yufala i mekem ol gudfala fasin blong yufala we kolosap i lus, i kam strong bakeken, from mi faenem se ol work blong yufala i no stret long ae blong God. ³ Nao from samting ia,yufala i mas tingbaot, wanem we yufala i kasem mo wanem we yufala i harem. Obei long ol samting ia, mo ripen. Be spos yufala i no wekap, bambae mi kam olsem wan stilman, mo bambae yufala i no save wanem taem we bambae mi kam fesem yufala. ⁴ Be i kat fiu nem long Sadis we oli no stap mekem fasin nogud, mo bambae oli wokabaot wetem mi, wetem waet klos we oli werem, from ol gud wok blong olgeta. ⁵ Man we bae hemi win long faet, bambae hemi werem waet klos, mo neva bambae hemi tekemaot nem blong hem long buk blong laef. Mo mi bambae mi talemaot nem blong hem long papa blong mi wetem ol enjel blong hem. ⁶ Nao man we hem i gat sora, hem i mas harem wanem we Tabu spirit i stap talem long ol jej."' ⁷ Raetem ol toktok ia i go long enjel blong jej long Filadelfia: 'Ol toktok blong wan we hemi holi mo hemi tru- hemi holem ki blong Devid, hemi openem mo nokat man i save sarem, hemi sarem mo nokat man i save openem. ⁸ "Mi save ol wok blong yufala. Luk, mi putum foret long yufala wan doa we i open we nokat man i save sarem. Mi save se yufala i kat smol paoa nomo, be after yufala i obei ol toktok mo yufala i no dinaem hem blong mi. ⁹ Luk! Bambae mi mekem olgeta we oli stap insaed long haos blong setan, olgeta we oli talem se oli ol man Jiu be no, oli stap kiaman-Bambae me mekem oli kam mo baodaon long leg blong yufala, mo bambae oli save se mi lavem yufala. ¹⁰ From we yufala i stap holem taet koman blong mi blong fesem had taem wetem peisens, bambae mi stap wetem yufala long taem blong trabol we i bae i kam long wol ia. ¹¹ I no longtaem bambae mi mi kam tru. Yufala i holem gud wanem we yufala i kat i stap blong bae nara man i no mas tekem aot hat blong king blong yufala. ¹² Be man we bambae i win long faet, bae mi mekem hem i olsem bigfala bos blong haos blong God. Neva bambae hem i kamaot long haos ya bakeken, mo bae mi raetem nem blong God blong mi long hem, mo nem blong city blong God [niufala jerusalem, we i aot long God long heven i kam daon], mo niufala nem blong mi. ¹³ Letem man we i gat sora, hem i mas harem wanem we Tabu spirit i stap talem long ol jejs."' ¹⁴ Raetem ol toktok ia i go long enjel blong jej long Laodisia: 'Hemia ol toktok blong Amen, wan witnes we yumi save go long hem mo hemi tru, hemi rul ova criesen blong God. ¹⁵ "Mi save ol wok blong yufala mo yufala i no kolkol or hot. Mi wantem tumas spos yufala i kolkol or hot gud! ¹⁶ Be, from yufala i wom nomo-yufala i no hot o kolkol-mi redi blong traot long yufala aot long maot blong mi. ¹⁷ From yufala i talem se, 'mifala i rij, mifala i gat plante samting, mo mifala i no nidim wan samting'. Be yufala i save se yufala no klat, yufala i trabol, yufala i pua, yufala i blaen, mo yufala i neked. ¹⁸ Yufala i lesin long advaes blong mi: yufala i pemaot gol long mi we oli bonem long faea we hemi gud tumas blong bambae yufala i save kam rijman. Yufala i mas pem waet klos we oli saen gud, blong yufala i blokem bodi blong yufala long hem, blong bambae yufala i no sem blong lukluk se yufala i neked. ¹⁹ Be evri man we mi lavem olgeta, mi stap tok strong long olgeta mo mi stap tijim olgeta blong stretem olgeta. Nao from samting ya, yufala i mas traehad mo ripen from sin blong yufala. ²⁰ Yufala i luk, mi mi stap stanap long doa mo mi stap noknok. Spos wan man i harem voes blong mi mo i openem dao, bambae mi kam insaet long haos blong hem mo bae mi kakae wetem hem, mo bae hem i kakae wetem mi. ²¹ Man we hem i win long faet, bambae mi mi givim raet long hem blong i sidaon wetem mi long tron blong mi, olsem we mi bin win long faet nao mi sidaon wetem papa blong mi long tron blong hem. ²² Letem man we hem i gat sora, hemi mas harem wanem we tabu spirit i stap talem long ol jejs.""