¹ Bihaen long evri samting we mi luk, mo mi luk wan doa i open long Heven. Fes vois we mi harem i toktok long mi hemi olsem wan trampet i stap talm se, "yu kam antap long ples ya, bae mi soemaot long yu wanem we bae i hapen afta long ol samting ia". ² Taem spirit i kam long mi we paoa blong hem i holem mi, mo mi luk oli putum wan tron long heven, i gat wan man i sidaon long hem. ³ Man we i stap sidaon long hem i luk semak olsem tufala ston ya jaspa mo canelian. I gat wan renbo i ko raon long tron ia. Renbo ya hemi olsem wan ston ya emerol we i kala grin. ⁴ Raon long tron ia i gat twenti-fo narafala tron we oli stap, mo i gad twenti-fo elda oli sidaon long ol tron ia, oli werem waet klos. Mo oli putum ol spesel hat blong king, we oli mekem long gol, long hed blong olgeta. ⁵ Long tron ia i gat flas blong laetning i kamaot, i gat bigfala nois, mo i gat tanda i stap faerap. I gat seven bigfala laet we oli stap laet foret long tron ia, ol laet ia hemi ol seven spirit blong God. ⁶ Long foret blong tron ia, i gat wan samting olsem solwota we i olsem glass,we i saen we i saen. Long medel blong tron ia, mo i ko raon long tron ia, i gat fo krija we oli laef, oli gat fulap ae, long foret mo baksaed blong olgeta. ⁷ Fes krija ia we i laef hemi olsem wan laeon, namba tu krija ia hemi olsem wan bebe buluk, namba tri krija ia hemi gat wan fes olsem fes blong man, mo namba fo krija hemi olsem wan ikel we i stap flae. ⁸ Olgeta fo krija ia we oli laef, wanwan long olgeta i gat siks wing, mo fulap ae long bodi blong olgeta antap mo andanit. Long naet mo long dei oli no stop blong talem se, "Holi, holi, holi hae God ia we i gat paoa, hem we i stap fastaem, mo hem we bae stap naoia, mo hem we bae stap gogo i no save finis." ⁹ Taem ol krija we oli laef ia,oli stap leftemap nem blong God, oli givim ona long hem, mo oli stap talm tankyu long God we i stap sidaon long tron. Hemi God we i stap gogo nokat en, ¹⁰ ol twenti-fo elda ya oli foldaon long fored blong wan we i stap long tron blong hem mo wosipim hem we i stap gogo nokat en. Oli putum ol hat blong olgeta we i olsem hat blong king foret long tron, mo oli talem, ¹¹ "Yu yu gud mo stret, Masta mo God blong mifala, blong risivim glori mo hona mo paoa, from yu bin krietem evri samting, mo wil blong yu nao i mekem ol samting ia i kam tru mo i bin krietem olgeta".