¹ Nao mi luk wan niufala heven mo wan niufala wol, tufala i bin stap festaem oli lus finis, mo solwota i nomo gat. ² Mi luk holi taon ia, niu Jerusalem, we aot long God antap long heven i kam daon, olsem wan woman i redi blong mared long wan man blong hem. ³ Nao mi harem wan bigfala vois i kamaot long tron blong God i talem se, "Yu luk! God i mekem ples blong hem wetem ol man, mo hem bambae i stap wetem olgeta. Olgeta bambae oli kam man blong hem moGod hem wan bambae i God blong olgeta. ⁴ Bae hem i waepemaot evri wota blong ae long ae blong olgeta, mo bae i nomo gat man i ded, o oli harem nogud, o oli no save krae o filim bodi i so. Olgeta samting blong bifo i lus finis ⁵ Man ia we i sidaon long tron i talem se, "yu luk! Mi mi mekem evri samting oli kam niu." Hem i talem se, " Yu raetem daon ol toktok ia from oli ol tru toktok mo oli save biliv mo trastem." ⁶ Hem i talem long mi se, "olgeta samting i finis ia nao, mi mi alfa mo omeka, Mi mi stat mo en blong evri samting. Man we i tosta bambae mi mekem hem i dring fri long spring wota blong laef. ⁷ Man we i win long faet bambae hem i save kasem ol samting ia, mo bambae mi God blong hem mo hem bambae i pikinini blong mi. ⁸ Be olgeta we oli save stret samting blong mekem be oli stap fraet blong mekem, olgeta we oli no biliv, oli stap mekem ol nogud fasin, oli kilim ded man, oli slip wetem nara woman, oli kleva blong mekem posen, oli man blong wosipim nara God, mo oli ol man blong kiaman, ples blong olgeta insaed long bigfala pul blong faea we i fulap long faea mo salfa. Hemia i seken ded." ⁹ Nao wan long ol seven enjel ia i kam long mi, hemi wan long enjel ia we i tekem namba seven kap we i fulap long ol las trapol, mo hem i talem se, "Yu kam long ples. Bae mi soem long yu woman ia we i jes mared long smol sipsip blong God. ¹⁰ Nao spirit i karem mi go antap long wan bigfala hil we i hae we i hae mo i soem mi holi taon ia Jerusalem we i stap kamaot long God antap long heven i kam daon. ¹¹ Jerusalem i gat glori blong God, mo saen blong hem i olsem wan naes stone, mo i olsem gudfala ston ia jaspa we i gat ol naes kala blong hem. ¹² Ston wol blong hem I hae mo i bigwan gud, wetem twelf ket, mo twelf enjel blong ol ket ia. Long twelfala ket ia nem blong ol twelf laen blong ol pikinini blong Israel I stap long hem. ¹³ Long Is saet i gat tri ket, long not i gat tri ket, long saot i gat tri ket, mo long wes i gat tri ket. ¹⁴ Wol blong taon ia i gat twelf fandesen, mo nem blong ol twelf aposol blong smol sipsip i stap long olgeta. ¹⁵ Man we i toktok long mi i stap holem wan longfala rula we oli mekem long gol blong makem bigfala taon ia, ol ket, mo wol blong hem. ¹⁶ Bigfala taon ia i skwea; longfala blong hem I semak nomo long bigwan blong hem. Hem i yusum rula ia blong makem bigfala taon ia, tu taosen tu handred kilometa (long longfala blong hem, long bigwan blong hem, mo long hait blong hem oli semak nomo). ¹⁷ Nao hemi makem stone wol ia, 66 meta i tik olsem mesament blong man (i semak tu long mesament we enjel i usum blong mak long hem). ¹⁸ Wol ia oli bildim long kala ston mo taon ia oli mekem long kala we i klin, olsem klas we klia. ¹⁹ Mo ol fandesen blong wol ia i mekem i kala evri kaen naes ston. Fes wan hem i jaspa, namba tu hem i safaea, mo namba tri aket, namba fo hem i emerol. ²⁰ Namba faef hem i onix, namba siks hem i kanelin, namba seven hem i krisolit, namba eit hem i beril, namba naen hem i topas, mo namba twelf hem i ametist. ²¹ Ol twelf bigfala ket ia oli mekem long twelf pel, wan wan long twelf ket ia oli mekem long wan pel. Mo ol rod blong taon ia oli mekem long gol ia we i klin gud olsem klas. ²² Mi no luk tempol long bigfala taon ia, from we Masta Olmaeti God mo smol sipsip oli tempol blong hem ²³ Bigfala taon ia i no nidim san o mun blong i saenem from we glori blong God I stap saen long hem finis, mo laet ia hem i smol sipsip. ²⁴ Ol nesen bambae oli wokbaot long laet blong bigfala taon ia. Ol king blong wol bambae oli karem ol gudgudfala samting mo putum long hem. ²⁵ Ol ket blong taon ia oli stap open long dei mo bambae i no gat naet long ples ia ²⁶ Bambae oli karem ol glori mo ol ona blong olgeta i kam putum long hem. ²⁷ Be ol samting we oli doti long fes blong God, mo olgeta we i stap kiaman o mislidim naraman bae oli never go insaed long hem. Be olgeta nomo we nem blong olgeta i stap long buk blong laef blong smol sipsip i save go insaed long hem.