¹ Nao mi luk wan enjel we stap kamdaon long heven. Hem i karem ki blong bigala hol ia we i go daon mo i go daon tumas, mo hem i stap holem wan bigfala jen long han blong hem. ² Hem i holem dragon we, i olfala snek ia, hem i devel o setan, mo fasem hem long jen ia blong wan taosen yia. ³ Hem i sakem hem i godaon long bigfala hol ia mo sarem blokem gud hem i stap insaed. Hemi mekem olsem from bambae hem ino-mo kiaman long olgeta kaontri bakeken kasem taem wan taosen yia i pas. Afta long wan taosen yia,oli mas lego hem i fri bakeken blong smol taem. ⁴ Nao mi luk ol tron. Olgeta we oli sidaon long ol tron i ol man we oli bin kivim atoriri long olgeta blong jajem ol man. Mi luk spirit blong olgeta ia tu we oli bin katemaot hed blong olgeta testimoni blong olgeta abaot Jisas mo tok blong God. Olgeta oli no bin wosipim krija ia o pija blong hem. Mo oli nogat mak blong krija ia long fes o han blong olgeta. Olgeta ia oli laef bakeken, mo oli stap rul wetem hem blong wan taosen yia. ⁵ Be ol narafala ded man, oli no laef bakeken gogo wan taosen yia i finis. Hemia i fes taem we God i mekem olgeta we oli bin ded oli laef bakeken. ⁶ God i blesem olgeta we oli holi mo oli pat long fes grup we bin ded be oli laef bakeken long ded! Olgeta ia bambae oli no save ded seken taem bakeken. Bambae olgeta i kam ol pris blong God mo blong Jisas mo bambae oli stap wetem blong rul kasem wan taosen yia. ⁷ Nao long taem we wan taosen yia i en, bambae oli rilisimaot setan long presin blong hem. ⁸ Bambae hem i go aot blong kiaman long ol nesen long fo kona blong wol- Gog mo Magog-blong tekem olgeta oli kam wanples blong mekem faet. Bambae oli plante olsem sanbij blong solwota. ⁹ Oli kam tru we oli plante tumas mo oli kavremap bigfala ples long wol, mo oli hipraon long cam blong ol holi man blong God long taon ia we hem i blesem ol man long hem. Be faea i kamdaon long heven mo i bonem olgeta. ¹⁰ Devel ia, we i stap kiaman long olgeta, God i bin sakem hem i godaon long bigfala hol blong faea ia finis we i fulap long salfa, long ples ia we krija mo ol kiaman profet oli stap long hem finis. Bambae oli stap harem nogud tumas long dei mo long naet oltaem gogo i no save finis. ¹¹ Nao mi luk wan bigfala waet tron mo man we i stap sidaon long hem. Wol ia mo ol heven oli traem ronwe long presens blong hem blong haed, be i nogat ples blong oli go long hem. ¹² Mi luk olgeta we oli bin ded- olgeta we oli haeman mo olgeta we oli no impoten,oli stap -stanap long foret blong tron, mo ol buk ia oli open. Nao wan narafala buk tu i open we hem i -buk blong laef. Hem i jajem ol ded man ia folem wanem we oli bin mekem, we buk ia i rekotem. ¹³ Ol ded man we oli ded long solwota oli kamaot long hem. Ded mo ples blong ol ded man i no save holem taet olgeta, nao hem i jajem ol ded man ia folem wanem we oli bin mekem. ¹⁴ Hem i sakem ded mo ples blong ol ded tu i go long bigfala faea. Hemia seken ded, long bifala pul blong faea. ¹⁵ Spos eni man we nem blong hem i no stap long buk blong laef, oli sakem hem i go long bigfala pul blong faea.