1
Nao enjel i soem mi wan riva blong wota blong laef, we i klia gud olsem wan saen ston. Riva ia i stap ronaot long tron blong God mo smol sipsip
2
i go pas tru long medel blong bigfala taon ia. Long tufala saed blong riva ia i gat tri blong laef, we i stap karem ol twelf difren kaen frut long evri manis. Ol lif blong tri ia oli blong hilim evri man long evri nesen.
3
Bambae i nomo gat harem nogud.Tron blong God wetem smol sipsip bae i stap insaed long bigfala taon ia, mo ol wokman blong hem bae oli stap wok blong hem.
4
Bambae oli luk fes blong hem, mo bae nem blong hem i stap long fored blong olgeta.
5
Bambae i nomo gat naet; bambae oli nomo nidim wan laet o san blong givim laet long olgeta. From God bae i saen long olgeta mo bambae oli stap rul gogo i no save finis.
6
Nao enjel i talem long mi se, "Olgeta tok ia oli stret mo oli tru. Masta, we hem i God blong spirit blong ol profet, i sendem enjel blong hem blong soem long ol wokman blong hem wanem we bae i hapen i no long taem."
7
"Yu luk! I no long taem bambae mi kam! Olgeta we oli stap obei long tok blong profesi blong buk ia, bambae oli save harem gud."
8
Mi, Jon, mi nao mi bin harem mo luk ol samting ia. Taem mi bin harem mo lukim ol samting ia, mi mi foldaon blong wosip long leg blong enjel we i bin soem ol samting ia long mi.
9
Hemi talem long mi se, "No mekem olsem! Mi wan wokman semak olsem yu, wetem ol brata blong yu ol profet, mo wetem olgeta we oli stap obei long tok blong buk ia. Wosipim God!"
10
Hemi talem long mi se, "No haedem ol toktok blong profesi long buk ia, from klosap i taem nao.
11
Man blong mekem ol fasin nogud, lego hemi gohed blong mekem ol fasin nogud. Man we i stap mekem ol toti wok mo i ting se hemi gud nomo, letem hemi gohed blong mekem toti wok. Man we i stap mekem ol stret fasin, letem hemi gohed blong mekem stret fasin. Man we i tabu, letem hemi gohed blong i stap tabu."
12
"Yu luk! I no long taem bambae mi kam. Mi stap kambak wetem ol presen blong mi, blong pem bak wan wan long yufala from wanem we hem i bin mekem.
13
Mi mi Alfa mo Omega, mi mi feswan mo mi laswan, mo mi stat mo mi mi en.
14
Bae mi blessem olgeta ia we oli wasem ol klos blong olgeta from oli gat raet blong kakae long tri ia blong laef mo blong go insaed long get blong bigfala taon ia.
115
Aotsaed i gat ol dog, ol posen man, ol man we oli stap silip wetem ol narafala man mo woman, ol man blong kilim man i ded, ol man blong mekem wosip long ol aedol mo evriwan we oli lavem blong mekem ol giaman toktok oltaem.
16
Mi, Jisas, mi bin sentem enjel blong mi blong talemaot olgeta samting ia long yufala ol jej. Mi mi ruts mo mi kamaot long laen blong David, olsem wan moning sta.
17
Spirit mo woman ia tufala i talem se, "Yu kam!" Mo olgeta tu we oli harem tok ia oli talem se, "Yu kam!" Hu long yufala we i testi, letem hem i kam, mo hu ia long yufala we i wantem tumas, letem hem i fri blong tekem wota ia blong laef.
18
Mi stap talemaot long evriwan we oli harem ol toktok blong profesi long buk ia: Spos eni man i ademap wan samting, God bambae i ademap ol trabol ia we oli raetemaot long buk ia
19
Spos eni man i karemaot ol toktok blong buk ia blong profesi, God bambae i tekemaot ol samting we oli blong hem mo i stap long tri blong laef ia long bigfala taon ia we i tabu olsem we oli raetemaot long buk ia.
220
Man we i stap talemaot ol samting ia i se, "Yes! I no longtaem bambae mi kam. " Amen! Kam, Masta Jisas!
21
Gladhat blong Masta blong yumi Jisas Kraes bae i stap wetem evriwan. Amen.
3
1Insted blo,"God i blesem olgeta we oli wasem klos blong olgeta i klin," sam ol olfala kopi blong krik tex i talem olsem," God i blesem olgeta we oli stap obei mo folem ol loa blong hem."
2Sam long ol olfala kopi long krik langwij i olsem "God bambae i tekemaot wanem we i blong hem long buk blong laef mo long bigfala holi taon ia we oli bin raet abaot long buk ia."
3Samfala kopi long krik tex o long ol olfala krik tanslesen i putum olsem "i stap wetem yufala ol holi pipol" o "i stap wetem yufala evriwan holi pipol" o "i stap wetem olgeta holi pipol blong hem"