¹ Wan long ol seven enjel ya we i stap holem ol seven boul ia i kam talem long mi se, "Kam, bae mi soem yu ol panismen blong prostitut ia we i stap sidaon long fulap wota, ² wetem hem nao ol king blong wol ia oli stap mekem rabis fasin, mo wetem wine blong ol rabis fasin blong hem nao i mekem ol man long wol ia oli stap drong." ³ Taem enjel i karem mi tru long Spirit i ko long wildenes, nao mi luk wan woman i sidaon long wan bigfala red animol we i fulap long ol rabis toktok we i akensem God. Mo animol ia i gat seven head mo ten hon. ⁴ Woman ia i putum pepol mo red klos blong hem ia we oli wokem ol naesfala ston, mo pel ia we i olsem gol. Mo long han blong hem hemi olem wan gol kap we i fulap long ol toti fasin nogud blong hem. ⁵ Long foret blong hed blong woman ia oli raetem wan nem, wan mistry: "Bigfala Babylon, mama blong ol prostitiut woman mo mama blong evri rabis samting long wol ia." ⁶ Mi luk olsem se woman ia i drong gud long blad blong ol holi man blong God mo ol man blong God we oli bin kilim olgeta. Mi sapraes, taem mi luk woman ia. ⁷ Nao enjel i toktotk long mi, "from wanem hemi mekem sapraes long yu? hemi talem se. bambae mi explenem long yu abaot woman ia, mo long animol ia we hemi ron long hem. Animol ia we i gat seven hed mo ten hon. ⁸ Animol ia hemi bin stap bifo, be naoa hemi nomo stap, be bae hemi kamaot bakekem insaed long bigfala hol ia. Mo bae God bambae i kilim ded hem. Olgeta we oli stap long wol ia, mo olgeta we oli no bin raetem nem blong olgeta long buk blong laef bifo wol ia hemi stat - bambae oli sapraes taem oli luk animol ia, from hemi bin kamout wan taem nomo, be naoa hemi nomo stap, be bae hemi kam bak yet. ⁹ wan i mas kat waes tingting blong andastanem hemia. Seven head ia hemi ol seven hil we woman ia i stap sidaon long hem. ¹⁰ Olgeta oli ol seven king. Faef king ia oli foldaon, wan i stap, mo narawan ia i no kam iet, mo spos hemi kam, bambae hemi rul smol taem. ¹¹ Animol ia we i bin kamout bifo ia, be naia hemi nomo stap, hemi namba eigth king. Mo hemi wan long olgeta seven king ia mo bambae God i kilim ded hem. ¹² Olgeta ten hon we yu luk hemi olgeta ten king we oli no kat kingdom iet, be bambae olgeta evri wan wetem bigfala animol bae oli resevim paoa long wan haoa nomo olsem king. ¹³ Olgeta ten king ia oli kam up wetem wan tingting, mo oli han over paoa mo evri rul blong olgeta i ko long bigfala animol ia. ¹⁴ Bae oli kam blong faet wetem smol sipsip ia. Be bae sipsip ia bae hemi faet mo winim olgeta from hemi Masta blong evri masta, mo hemi King blong evri king-mo olgeta we hemi singaot olgeta, jusum olgeta, mo oli stap feitful oltaem nao oli stap wetem hem. ¹⁵ Nao enjel i talem long mi, "Ol wota we yu look woman blong rod i stap sidaon long olgeta, hem olgeta man, wetem bigfala namba, evri kaontri, mo lanwis. ¹⁶ Olgeta ten hon we yu luk-bambae olgeta wetem animol ia bae oli no laekem woman blong rod ia. Bae oli mekem i stap hem wan nomo mo nogat klos, bae oli distroem hem, mo bae oli lego faea i bonem hem. ¹⁷ From God nao i putum long hat blong olgeta folem plan blong hem we i mekem blong oli givim evri paowa blong olgeta blong rul i ko long bist ia kasem evri toktok blong God i kam tru. ¹⁸ Woman we yu luk hemi bigfala citi we ol lida blong hem oli gat paoa blong rulum evri king blong wol.