¹ Mi harem wan laot vois we i stap kamaot long haos blong prea mo i talem long seven enjel ya se, "Yufala i go kapsaedem sevenfala kap blong kros blong God long wol." ² Nao fes enjel i go aot mo i kapsaedem aot kap blong hem long wol,mo ol rabis samting mo ol so we oli so we oli so oli kam long ol man we oli gat ol mak blong bigfala animol,long olgeta we oli wosipim imeij blong hem. ³ Nao namba tu enjel i kapsaedem aot kap blong hem long solwota. Mo i kam blad,i olsem blad blong wan ded man,evri samting we oli laef insaed long solwota oli ded. ⁴ Nao namba tri enjel i kapsaedem aot kap blong hem long evri riva mo ol spring wota,nao evri samting ya oli kam blad. ⁵ Nao mi harem enjel blong wota i talem se, " yu we yu stret we stret olgeta mo yu we i stap naoia yu we yu holi,from we yu bin jajem ol samting ya. ⁶ from olgeta oli kapsaedem blad long ol man blong jej mo long ol profet, nao yu bin kivim blad long olgeta blong oli drink hemia hemi olgeta oli spos blong kasem." ⁷ Nao mi harem se alta i talem se, " yes masta,God yu we yu hae we yu hae. Ol jajmen blong yu oli tru mo oli stret gud olgeta." ⁸ Namba fo enjel i kapsaedem aot kap blong hem long san, nao God i kivim raet long san blong i bonem ol man wetem faea. ⁹ Nao hot san ia i bonem nogud olgeta mo oli harem i so tumas mo oli harem nogud from, mo oli tok rabisim nem blong God,we hemi gat olgeta paoa long trapol ia. Olgeta oli no ripen mo oli no givim glory igo long God. ¹⁰ Nao namba faef enjel i kapsaedem aot kap blong hem igo long ples blong ol bigbigfala animol,mo tudak i kavremap ples blong olgeta,nao oli kakae tang blong olgeta from oli harem nogud tumas. ¹¹ Oli stap tok nogud long God from oli harem nogud tumas,nao oli no wantem blong ripen long wanem we oli mekem. ¹² Nao namba siks enjel i kapsaedem aot kap blong hem igo long wan bigfala riva ya we oli sigaotem Euphrates. Nao riva ya i kam drae,blong priperem rod blong ol king we bae oli kam long is. ¹³ Nao mi luk tri rabis spirit we oli olsem frog,oli kamoat long maot blong dragon,long ol bigfala bigbigfala animol,mo long ol giaman profet ya. ¹⁴ Olgeta ya oli ol ifel spirit,oli stap mekem ol samting we i sapraesem man tumas. Nao oli stap go aot long olgeta king long wol blong oulum olgeta i kam tugeta blong oli faet long bigfala dei blong God we i hae we i hae. ¹⁵ (" Yufla i luk! mi bambae mi kam olsem wan stil man! blesing i stap long yu we yu stap lukaot,holem taet ol klos blong yu, blong mekem se bae hemi go aotsaed we i malmal mo bae ol man bae oli luk we bae i mekem hem i sem tumas.") ¹⁶ Olgeta oli karem evri wan i kam wan ples we nem blong hem Armageddomb long laen hebrew. ¹⁷ Nao namba seven enjel i kapsaedem aot kap blong hem igo long spes. Nao wan fois i kamaot long haos blong God mo jea blong king i talem se, " i finis ya nao!" ¹⁸ Igat laetning, garon i seksek,mo bigfala etkuwek ya i bigwan mo i strong tumas we naia wan i bin hapen olsem sin we i kam long wol. ¹⁹ Nao bigfal taon ya i brok igo long tri pat,mo i destroem ol bigfala taon insaed long ol kantri mo God mo God i no fogetem blong panisim bigfala taon ya Babylon,i olsem God igat wan rabis kap blong waen. nao hemi mekem blong taon ya i dring waen ya mo ol man oli mas risivim wanem we God i mekem long olgeta. ²⁰ Hemi mekem evri aelan oli nomo stap mo i nogat ol bigfala hill tu. ²¹ Nao ol bigfala ston blong aes i foldaon long skae i kamdaon long ol man. Wanwan long ol ston ya i gat fifti kilo long weit blem,ol ston ya i mekem bigfala trapol mo ol man oli talem ol rabis toktok agensem God from ol samting we hemi mekem long olgeta.