¹ Nao mi luk wan animol we i kamaot long solwota.Hemi gat ten hon mo seven hed. Mo long ol hon ya,i gat ten hat blong king i stap long olgeta wanwan,mo i gat ol nem i stap long ol hed blong animol ia,we ol nem ya oli tok nogud long God. ² Animol ya i olsem bigfala puskat,leg blong hem i olsem leg blong bea,mo maot blong hemi laeon.Nao drakon i givim paoa long hem,mekem hem i staon long bigfala jea blong hem,mo i givim paoa long hem blong mekem plante samting. ³ Nao mi luk animol ya i gat wan mak long hed blong hem wan samting we i stikim hem,be hemi oraet bakeken. Nao evri man long wol ya oli sapraes tumas long hem mo oli stap bihaen long hem. ⁴ Mo oli stap mekem wosip long drakon,from hemi givim paoa long animol ya.Oli stap mekem wosip long animol tu,mo oli stap wokem talem se, "Hu i semak long animol ia?" mo "Hu i save faet wetem animol ia?" ⁵ Animol ia i stap tok flas tumas mo i stap tok nogud long God.Nao God i letem hem i mekem wok blong hem kasem foti-tu manis. Hemi gat raet blong mekem olsem. ⁶ Nao animol ya i stap tok agens long God-hemi stap tok nogud long nem blong God,mo long tabu haos blong God,mo long olgeta we oli stap long heven. ⁷ Animol ia i kasem paoa blong mekem faet wetem ol man blong God mo kilim olgeta. Mo tu,hemi gat paoa ova long evri laen,evri man,evri lanwij, mo evri kantri. ⁸ Evri man we oli stap long wol ya bambae oli bodaon long hem blong mekem wosip long hem,hemia ol man we oli no raetem daon nem blong olgeta,long taem bifo,long buk blong laef,we hemi blong smol sipsip ia we oli kilim hem i ded. ⁹ Man we i gat sorae,hemi mas lesin gud. ¹⁰ Ol man we oli blong go long presin,bambae oli go long presin. Man we i blong kilim wetem naef blong faet,bambae oli kilim wetem naef blong faet. Yufala i mas stanap strong mo bilif strong long God from ufala ol tabu man blong hem. ¹¹ Nao mi luk wan nara krija bakeken i kamaot long graon i kam antap, hem i gat hon olsem hon blong sipsip, hemi toktok olsem wan dragon. ¹² Hemi kasem ful paoa blong fes animol ia,mo i stap usum long bihaf blong hem. Mo hemi mekem evri man long graon ya oli stap mekem wosip long hem,fes animol ya we i gat mak blong so long hem-be so ia hemi kam gud finis. ¹³ Animol ya i stap mekem plante mericol.Hemi mekem faea i aot long heven i kamdaon long wol long foret blong ol man. ¹⁴ Hemi giaman long ol man we oli stap long wol ya,i talem long olgeta se oli mas katem wan wud we i pija blong fes animal ya.Be hemia i stap trikim olgeta man long wol ya wetem ol bigfala saen we God i letem blong hemi mekem long fes blong fes animol ya. ¹⁵ Nao animol ya i blo long win blong i go insaet long wud ya we i pija blong fes animol ya,blong pija blong animol ya i save toktok. Nao ol man we oli no wantem mekem wosip long hem,bambae paoa blong tok blong hem i kilim olgeta i ded. ¹⁶ Mo hemi fosem evri man blong oli putum wan mak long raet han blong olketa ino long foret blong olketa. ¹⁷ Man we i nogat mak ya long hem,hemi no save pem mo salem wan samting. mak ya hemi nem blong animol ya,namba we i stanap blong talem nem blong hem. ¹⁸ From samting ia man i save gat waes blong save. Man i mas faenemaot mining blong namba blong animol ia,from namba ia i saen long wan man. Hemia namba ia 666.