¹ Nao mi luk wan bigfala saen long heven: i gat wan woman we i werem san i olsem klos blong hem,mun i stap andanit long leg blong hem,mo hem i gat hat we i gat tuelve sta long hed blong hem. ² woman ya hemi gat bel,mo hemi stap krae hemi harem nogud tumas from hemi wantem bonem pikinini. ³ Nao mi luk wan narafala saen long heven : luk! i gat wan bigfala red dragon,hemi gat seven hed mo ten hon,mo i gat seven hat long hed blong hem. ⁴ Tel blong hem i wipim tri haf blong sta long heven,mo oli foldaon i go long graon. Nao bigfala dragon ya i kam stanap long fes blong woman ya, taem woman ya i wantem bonem pikinini blong hem,hem i kakae pikinini ya. ⁵ Nao woman ya i bonem pikinini,hemi wan boe, pikinini ya bambae hem i king blong olgeta man long wol mo wokingstik blong hem i aean. Be taem pikinini ya i bon oli karem hem i ko long God we i stap sidaon long bigfala jea blong hem. ⁶ Nao woman ya i ronwe igo long dreaples,we God i mekem redi ples blong hem finis blong oli lukaotem gud hem gogo kasem wan taosen tu handred siksti dei. ⁷ Nao igat wan faet long heven. maekol wetem ol enjel blong hem oli faet agens long ol dragon, bigfala dragon ya wetem ol enjel blong hem olgeta tu oli faet wetem maekol mo ol enjel blong hem. ⁸ Be dragon ya i no strong inaf nomo blong win. Mo i nogat ples blong hem long heven wetem ol enjel blong hem. ⁹ Bigfala dragon ya hemi wan snek blong bifo we hemi wan devel nem blong hem setan, hemi wan man blong giaman long olgeta man long wol. Naoia olgeta long heven oli sakemaot hem wetem ol enjel blong hem i kamdaon long wol. ¹⁰ Nao mi harem wan bigfala voes i kam long heven: i talem se "naoia God bambae i sevem yumi mo bambae hemi kam king we hemi gat bigfala paoa mo hemi mesaea. Man we i stap agensem ol brata blong yumi long dei mo naet,naoia God i sakemaot hem finis i aot long heven. ¹¹ Oli faet wetem hem long paoa blong smol sipsip mo wetem paoa blong tru tok ya we oli stap talemaot,from olgeta oli no tingbaot laef blong olgeta tumas oli redi blong ded. ¹² Nao from samting ya,yu heven mo yufala evriwan we i stap long heven yufala i mas harem gud, be sori tumas long graon mo solwota, from we setan i kamdaon finis long yufala! Mo hem i kros tumas from hemi save se hemi gat smol taem nomo i stap yet. ¹³ Taem bigfala dragon ya i save se oli sakemaot hem i kamdaon long wol ya finis,hemi kirap i stat blong ronem woman ya we i jes bonem pikinini boe blong hem. ¹⁴ Nao God i givim tufala wing blong bigfala pijin ya ikel long woman ya nao hemi usum tufala wing ya blong flae iko long draeples. Nao long ples ya,woman ya i stap gud koko kasem tri yia haf we bigfala dragon ya ino save spolem hem. ¹⁵ Bigfala snek ya i traot aot wota long maot blong hem i olsem riva mo i karemaot woman ya iko. ¹⁶ Be graon i helpem woman ya. I openem maot blong hem i solemdaon bigfala wota ya we dragon ya i traot aot long hem. ¹⁷ Nao bigfala dragon i kros tumas long woman ya hemi aot iko mo i faet wetem ol pikinini blong woman ya,hemi olgeta we oli stap obei long God mo long ten komanmen blong hem mo oli stap holem ol toktok we jisas i talemaot. ¹⁸ Nao bigfala dragon ya igo stanap long sanbis long solwota.