¹ Bakeken hemi stat blong tij long saed blong lagun, mo i gat wan bigfala grup oli stap tugeta raonem hem. Hemi wokbaot i go insaed long wan bot we i stap long solwota, nao hemi sidaon daon long hem. Bigfala grup ia oli sidaon long so klosap long solwota. ² Hemi tijim olgeta fulap samting we i stap long parabol, mo insaed long tijing blong hem, hemia wanem we i talem long olgeta. ³ "Yufala mas lesin! Wan fama hemi go planem sid. ⁴ Taem hemi stap sakem sids, sam sids oli foldaon long rod, mo ol pijin oli kam oli kakae evriwan. ⁵ Sam long ol sid oli foldaon long ston, we oli nogat fulap graon. Oli gru hariap be bihaen oli ded, from graon i smol nomo. ⁶ Taem san i kam antap,i bonem ol smol tri ia, mo from oli nogat rus iet, nao oli drae. ⁷ Ol narawan oli foldaon long ples blong nilgras. Nao ol nil gras oli gru mo oli holem taet olgeta, nao oli no save karem gud kakae. ⁸ Ol narafala sid oli foldaon long gudfala graon, mo oli karem gudfala kakae sam oli karem teti, sixti, mo sam i bitim wan handred taem.'' ⁹ Nao Jisas i talem hemi talem se, "Man we i gat sora blong harem samting, letem hem i harem!'' ¹⁰ Taem Jisas hemi stap hem wan, olgeta we oli bin stap wetem hem, mo ol disaepol oli askem mining blong parabol ia. ¹¹ Nao Jisas hemi talem long olgeta se, ''Yufala ia God hemi openem wan rod finis long Heven, blong yufala i kasem ol tok we i haed. Be yufala aotsaed evri samting i stap nomo long parabol, ¹² blong mekem yufala i luk, yes yufala i luk,be yufala i no luksave, mo olgeta we oli harem, yes oli harem, be oli no harem save, or oli mas tanem tingting blong olgeta, mo God bae i fogivim olgeta.'' ¹³ Nao Jisas i talem long olgeta, ''Yufala i no save mining blong parabol ia? Hao nao bae yufala save mining blong evri parabol ia?'' ¹⁴ Man we hemi planem sid, hemi olsem man blong talemaot tok blong God. ¹⁵ Man we oli kasem tok ia, oli olsem olgeta we oli harem tok blong God. Oli harem, be hariap nomo setan i karem aot tok blong God long olgeta. ¹⁶ Mo hemia ol sid we oli sakem long ol ston, olgeta we oli harem tok ia, mo hariap nomo oli glad bigwan. ¹⁷ Be toktok yu i no go gud insaed long tingting blong olgeta, nao oli save stap smoltaem nomo. Be taem ol man oli mekem i strong long olgeta, or ol hadtaem i kam, bae hariap nomo oli foldaon. ¹⁸ Mo ol narawan we ol sid i foldaon long ol nil gras. Olgeta nao oli harem tok blong God, ¹⁹ Be fulap oli tingbaot ol samting blong wol, oli wantem blong oli kam rij, mo oli wantem tumas laef blong wol, nao oli blokem tok ia, mo man i nomo ting hevi long hem. ²⁰ Be sid we i foldaon long gudfala graon, hemi ol man we oli harem tok blong God, oli akseptem, mo oli gat fulap frut, teti, sixti, o i bitim wan handred i ova. ²¹ Nao Jisas hemi talem long olgeta se, ''Yufala i karem wan laet i kam insaed long haos blong putum antanit long basket, or antanit long bed? Yu karem i kam insaed blong putum long wan stick blong laet. ²² From i nogat wan samting i save haed we man i no save luk, mo bae i nogat wan samting we man i no talemaot we bae i no save kamaot long bigfala ples. ²³ Spos i gat man we igat sora blong harem, letem hemi harem!'' ²⁴ Nao hemi talem long olgeta se, ''Yufala i mas lesen gud long wanem we yufala i harem, from semak mak we yufala yusum bae oli yusum long yu, mo fulap, mo bae i kam long yu. ²⁵ From man we i kasem mining blong toktok blong mi, bae hemi save kasem, mo man we ino kasem, hem bae i lusum save we hemi gat.'' ²⁶ Mo hemi kohed i talem se, ''Kindom blong God hemi olsem wan man blong planem ol sids long graon. ²⁷ Hemi slip long naet, mo i kirap long dei, ol sids ia oli gru, olsem we hemi no save olgeta hao oli gru. ²⁸ Graon nomo i mekem i gru, mo oli karem kakae olgeta wan: festaem i gat lif blong hem ale i go i gat flawa blong hem, nao i gat stret frut blong hem. ²⁹ Taem frut blong hem i raep, hemi save se i stret blong go pikimap.'' ³⁰ Mo Jisas hemi talem se, ''bambae yumi talem kingdom blong God olsem wanem? wanem parabol nao, yumi save explenem? ³¹ Hemi olsem wan sid blong nambanga, from, taem oli sakem, hemi nao i smol i bitim evri sid long wol. ³² Be taem, hemi kam bigwan i bitim evri tri long ol karen, mo i gat bigfala han, blong mekem se, fulap pijin long heven oli save mekem ol nes blong olgeta long hem.'' ³³ Wetem fulap parabol olsem, hemi toktok long olgeta, hemi toktok fulap blong ol man oli kasem gud wanem hemi stap talem, ³⁴ mo hemi se hemi, no i toktok long olgeta nating hemi be hemi usum parabol. Be taem hemi stap hem wan, hemi explenem evri samting long ol disaepol blong hem. ³⁵ Long semak dei ia, taem aftenun i stap kam klosap, hemi talem long olgeta, "yumi go narasaed." ³⁶ Nao oli leko bigfala grup blong ol man, oli tekem Jisas wetem olgeta, olsem we i stap, insaed long bot. I gat ol narafala bot tu oli folem olgeta. ³⁷ I no long taem be i gat wan bigfala win i flu long wota. ³⁸ Be Jisas hem wan i stap slip andanit long bot long wan bed. Oli wekemap hem,nao oli talem se, ''Tija, yu no kea bae yumi ded ia?" ³⁹ Hemi kirap, hemi tok strong long win, mo i talem long solwota se, ''Pis! Yu stap kwaet!'' Nao win ia i kam daon, mo ples i stap kwaet. ⁴⁰ Nao hemi talem long olgeta," From wanem yufala i stap fraet? Yufala i no gat fet?" ⁴¹ Oli fraet bigwan, mo oli stap talem long olgeta, "Hu ia man ia, from solwota, mo win oli lesin long toktok blong hem?''