¹ Nao olgeta oli kam nara saed long lagun ia, mo oli ko so long ples blong ol man Gerasa. ² Taem Jisas hemi aot long bot, hariap nomo i gat wan man hemi kamaot long beri graon blong go luk Jisas, man ia hemi gat devel i stap long hem. ³ Man ia hemi stap lif long beri graon. Mo i no gat wan man i save fasem hem long jen. ⁴ Oltaem oli fasem hem long jen, mo han klab. Be hemi brekem tufala samting ia. Hemi strong tumas, i no gat man we i naf blong mekem hemi stap kwaet. ⁵ Evri naet, mo dei long berigraon, mo antap long bigfala hil, hemi stap krae strong, mo hemi stap katem hem long ol ston. ⁶ Taem hemi luk Jisas hemi stap wokbaot i kam long we iet, hemi ron i ko long hem nao inil daon long fes blong hem. ⁷ Hemi krae long wan laod voes i se, ''Wanem nao bae mi mekem wetem yu, Jisas, pikinini blong Hae God? Bae yu mekem wanem long mi, yu no mekem mi harem nogud.'' ⁸ From hemi stap talem long hem, ''Yu kamaot long man ia, yu wan rabis spirit.'' ⁹ Jisas hemi askem hem se, ''Wanem nem blong yu?'' Nao hemi ansa se, ''Nem blong mi Legon, from mifala i fulap.'' ¹⁰ Hemi talem long Jisas bakeken, mo bakeken blong no sendem aot ol devel long ples ia. ¹¹ Nao i gat wan bigfala grup blong ol pig, oli stap we oli stap fidim olgeta long saed blong hill, ¹² nao oli rabis spirit ia oli stap askem se," Plis sendem mifala igo insaed long ol pig ia" ¹³ Nao Jesas hemi sendem olgeta oli go insaed long ol pig ia, nao oli ron oli go daon long hil blong go long solwota, i gat samples tu taosen pig oli go draon insaed long solwota. ¹⁴ Nao olgeta we oli stap fidim ol pig ia, oli ronwe oli go ripotem wanem we i hapen long taon, mo klosap long taon,nao ol man oli aot oli go luk wanem we i bin hapen. ¹⁵ Nao oli kam long Jisas, mo oli luk man ia we devel i fulap long hem, man we i bin fulap long difren rabis spirit, i stap sidaon mo oli werem hem long klos, mo long tingting blong olgeta, oli Fraet long hem. ¹⁶ Olgeta we oli luk wanem we i hapen long ol devel-man ia, oli talem evri samting we i hapen, mo oli talem tu long saed blong ol pigs tu. ¹⁷ Taem oli harem oli go talem long Jisas, blong bae i aot long taon blong olgeta. ¹⁸ Taem hemi stap go insaed long bot, man we ol devel i bin fulumap hem i askem Jisas blong bae i folem hem. ¹⁹ Be Jisas hemi no letem hem,be hemi talem long hem se, ''Yu go long haos blong yu, mo yu talem long evriwan wanem we Masta hemi bin mekem long yu, mo hao we hemi gat sori long yu.'' ²⁰ Nao hemi go i stat blong talemaot long ol man Decapolos wanem samting we Jisas i bin mekem long hem, mo evri man oli sapraes tumas. ²¹ Nao taem Jisas hemi go kros bakeken igo narasaed long bot, i gat wan bigfala grup oli stap wet narasaed, oli go raonem hem, taem hemi stap klosap long solwota. ²² I gat wan lida blong haos prea hemi kam long hem, nem blong hem Jairas, taem hemi luk Jisas hemi foldaon long leg blong hem. ²³ Hemi talem se plis, plis nao i talem se, ''Gel blong mi klosap i ded nao. Mi plis long yu, yu kam putum han long hem blong bae hemi harem gud bakeken.'' ²⁴ Nao hemi ko wetem hem, mo i gat wan bigfala grup oli folem hem, mo oli stap fas klosap nomo long hem. ²⁵ Nao i gat wan woman we i stap ia, i stap luk sik blong blad blong twelv yea. ²⁶ Hemi safa mo hemi luk fulap docta, mo i spendem evri samting we hemi gat, be blong hemi harem gud be sik ia i jes kam mo bigwan. ²⁷ Taem hemi harem ol ripot we ol man oli stap talem from Jisas, hemi kam bihaen long fulap man ia mo i tajem en blong klos blong Jisas. ²⁸ From hem i talem se, ''Spos mi tajem klos blong hem bae mi kam gud.'' ²⁹ Taem hemi tajem, nao blad ia i stop wantaem, nao hemi harem bodi blong hem i hil fulwan. ³⁰ Nao hariap nomo Jisas hemi harem save se paoa i bin go aot. Hemi tanem raon long fulap man ia, mo i talem se, 'Huia i tajem klos blong mi?'' ³¹ Nao ol disaepol blong hem oli talem se, ''Yu luk fulap man ia we oli stap go raon long yu, mo yu talem se, 'Hu i tajem me?'" ³² Be Jisas i gohed lukluk raon blong luk se hu i bin tajem hem. ³³ Nao woman, ia hemi save wanem i bin hapen long hem, hemi fraet, mo i stap seksek. Hemi kam nao i foldaon long foret blong Jisas, mo i talem tru long wanem we i hapen. ³⁴ Nao Jisas i talem long hem se, "Gel tru long fet blong yu nomo yu harem gud. Yu go long pis mo yu hil fulwan finis.'' ³⁵ Taem hemi stap toktok, sam man oli kam, ol lida blong haos prea oli talem se, ''gel blong yu i ded. From wanem yufala mekem tija olsem?'' ³⁶ Be taem Jisas i harem smol messej ia, we oli stap talem, hemi talem long ol lida blong haos prea, ''yu no fraet yu biliv nomo. ³⁷ ''Hemi no letem anywan blong folem hem, be hemi jusum Pita, jemes, mo Jon, we hemi brata blong jemes. ³⁸ Nao oli kam long haos blong lida blong haos prea ia, mo oli harem fulap man oli stap mekem noes; oli stap krae, mo oli satp harem nogud tumas, oli stap singaot strong. ³⁹ Taem hemi kotru long haos, hemi talem long olgeta, ''from wanem yufala i stap harem nogud, mo from wanem yufala i stap krae? pikinini ia i no ded be hemi stap slip nomo.'' ⁴⁰ Oli laf long hem. Be hemi aotem olgeta oli go aotsaed mo i tekem papa mo mama blong smol pikinini, mo olgeta we oli stap wetem hem, mo igo long ples we pikinini ia i slip long hem. ⁴¹ Hemi tekem han blong pikinini ia, mo i talem long hem se,''talita, koum!'' we oli transletem se ''smol gel, mi talem long yu,yu girap.'' ⁴² Hariap nomo smol gel ya i kirap, mo i wokbaot (from hemi gat twelv yea). Oli sek, mo oli sapraes tumas long wanem we i hapen. ⁴³ Hemi toktok strong long olgeta blong oli no mas talemaot long ol man bae oli no mas save. Nao i talem long olgeta blong givim sam kakai blong pikinini ia i kakae.