¹ Nao i hapen long taem we ol man oli stap raonem Jisas mo oli stap lesin long tok blong God, we hemi stap long riva blong Gennesaret. ² Jisas i lukluk igo, nao hem i luk tu bot blong hukum fis oli stap long saed blong lagun, ol man blong pulum fis oli kamaot long ol bot ia,nao oli go stap wasem net blong olgeta. ³ Jisas i klaem long wan long ol bot ia,we hemi bot blong Saemon,mo hem i askem long Saemon blong i pul i go aot saed long solwota smol.Nao hemi sidaon mo istap tijim ol man we oli stap lo sanbij. ⁴ Taem Jisas i tijim ol man finis, Hem i talem long Saemon se, "naoia yu tekem bot ia igo aotsaed long dip ples mo yu sakem net blong yu blong kasem fis." ⁵ Saemon i ansa mo i talem se, "Masta,mifala i wok ful naet, be mifala i no kasem wan fis nating,be from yu talem, bae mi putum net igo daon long wota bakegen." ⁶ Taem oli putum net igo daon finis, oli kasem fulap fis, mo ol net blong olgeta oli stap brokbrok. ⁷ Nao Saemon i singaot igo long ol narafala fisaman,we oli stap klosap long olgeta blong oli kam helpem olgeta.Oli fulmap tugeta bot wetem ol fis.Fulap fis tumas mekem se bot blong olgeta istat blong draon. ⁸ Be Saemon Pita,taem hemi luk evri fis,hemi go daon long ni blong hem long foret blong Jisas,mo i talem se,"Masta,yu aot long mi,from mi wan sinaman." ⁹ Saemon i talem olsem from hemi neva luk wan samting olsem,mo olgeta narafala man we oli stap wetem hem tu,from oli kasem fulap fis.Ol fren blong hem long nara bot tu, oli sek tu from oli neva luk wan samting olsem. ¹⁰ Aot long olgeta man ia Jems mo Jon,tufala boe blong zebedi we tufala tu i wok wetem saemon.Jisas i talem long Saemon se," yu no fraet, stat naoia i ko bae yu kasem ol man." ¹¹ Afta we oli pulum bot blong olgeta igo antap long sanbij,oli lego evri samting bihaen, nao oli folem Jisas. ¹² Wan taem bakegen Jisas istap long wan taon,igat wan man we i gat wan rabis sik blong skin leprosi.Taem man ia i luk Jisas, hemi nil daon long fes blong Jisas hemi talem se,"Masta spos yu save mekem mi klin,yu mekem mi klin." ¹³ Nao Jisas i putum han blong hem long man ia,mo i se, " bae mi save mekem. Bae yu klin."Hariap nomo sik ia leprosi i lego hem. ¹⁴ Hemi talem long hem blong i no talem long eniman be i talem long hem se,"Yu go long rod blong yu,mo yu go soem yu long pris mo yu mekem wan sakrifaes from yu kam klin,olsem we Moses i talem,blong testimoni blong yu long olgeta."Hemia i blong soem se yu haremgud finis long sik blong yu. ¹⁵ Afta long hemia ia, fulap we fulap man oli stap harem nius ia blong Jisas, fulap man oli kam blong harem hem istap tij mo olgeta we oli kat ol sik oli wantem kam gud bakegen. ¹⁶ Be Jisas samtaem i aot blong go long wan ples we i kwaet blong prea. ¹⁷ Igat wan taem we Jisas istap tij,sam long ol man ia hemi ol farasi mo ol tija blong loa we oli kam long fulap vilij raon long Galili,mo long Judia mo Jerusalem.Paoa blong Hae God i stap wetem Jisas blong i hilim ol sik man igud bakegen. ¹⁸ Nao i gat sam man oli kam tru oli stap karem wan man long mat, man ia ino save wokbaot o mufmufum leg blong hem. Oli stap lukaotem wan rod blong karem hem i go insaed blong i letaon long fored blong Jisas. ¹⁹ Be haos ia i fulap long ol man, oli no save faenem wan rod blong go insaet, nao oli karem hem igo antap long ruf blong haos, mo oli mekem wan hol blong oli lego man ia i go daon,long mat blong hem,long medel blong ol man,stret long foret blong Jisas. ²⁰ Taem i luk bilif blong olgeta,Jisas i talem se,"Fren,ol sin blong yu,mi mi tekemaot finis." ²¹ Ol farasi wetem ol tija blong loa oli stap ia, oli harem wanem we Jisas i talem, nao oli stap askem se, "Huia man ia?Hemi stap toktok olsem se hemi God ?God nomo hemi save forgivim man. ²² Be Jisas i save tingting blong ol man ia finis, yufala ino stap gat ol kaen tingting olsem. ²³ Mi talem long man ia,"Mi forgivim yu long ol samting we yu mekem ino stret."Mi sud talem long hem,"stanap mo wokbaot "wij wan na hemi isi blong talem? ²⁴ Be mi wantem yufala i save se, Mi mi pikinini blong man, Mi gat ful raet blong wol ia, mi save fogivim man long wanem we oli mekem ino stret.Nao i talem long man ia we ino save wokbaot, "Mi stap talem long yu, "stanap, karem mat blong yu mo yu go hom." ²⁵ Hariap nomo, man ia i girap long foret blong fulap man. Hemi karem mat blong hem we i bin slip long hem,nao igo hom. Hemi stap presem God long rod taem istap go bak long haos. ²⁶ Wanem we i hapen i mekem evri man oli sek blong luk wan samting olsem,oli talem se God hemi big wan tumas mo hemi gat bigfala paoa blong mekem ol samting !Yumi luk wan samting we yumi neva luk,mo hemi wan spesel samting we i hapen tedei. ²⁷ Afta long samting ia we i hapen, Jisas iaot long haos. Hemi i luk man we istap karem ol mani long ol man bihaf blong Gavman. Hemi stap wok long ofis blong hem.Nem blong hem Levi Jisas i talem long hem,kam wetem mi mo yu kam disaepol blong mi. ²⁸ Nao Levi igirap nao ifolem Jisas, i lego evri samting behaen. ²⁹ Afta we Jisas i singaotem Levi, hemi mekem wan bigfala kakai blong Jisas long haos blong hem.Igat fulap we oli stap karem mani long bihaf blong Gavman. ³⁰ Sam farasi mo tija blong loa oli luk olgeta.Nao oli talem long ol disaepol blong Jisas se, "Yufala i stap kakai mo drink wetem ol nogud man ia we oli stap karem mani long behaf blong Gavman,hemia ino stret?" ³¹ Jisas i ansarem olgeta "ol man we oli oraet oli no nidim docta"Be olgeta we oli sik nao oli nidim dokta. ³² Sam man oli ting se olgeta oli stap obei long God. Mi no kam blong helpem ol man olsem,sam man oli save se oli mekem samting ino stret. Mi askem ol man ia blong kam long mi blong mi helpem olgeta. Mi wantem jensem laef blong olgeta. ³³ Nao ol Jiu ia oli talem long Jisas se,"ol disaepol blong Jon baptaes oli stap lego kakae mo sem taem blong oli mekem prea long God.Ol disaepol blong ol farasi oli mekem olsem. Be ol disaepol blong yu oli neva mekem olsem, olgeta oli gohed blong kakai mo drink oltaem nomo. ³⁴ Jisas i ansarem olgeta se,"taem wan man i maredem waef blong hem,ol fren bae oli no save aot long kakai, bae oli kakai.Inogat man bae i save stopem olgeta from oli stap wetem hem. ³⁵ Be i gat taem istap kam we ol man bambae oli save tekemaot man ia we i jesta mared,i gowe long ol fren blong hem.Long taem ia nao, bambae ol fren blong hem oli save lego kakai." ³⁶ Mo Jisas i talem wan parapol tu long olgeta, i talem se, i no gat man we i save tekem niufala klos blong hem, i teremaot wan pis blong somap long olfala klos blong hem, blong blokem hol we istap long hem.Spos hemi mekem olsem, bambae ispolem niufala klos blong hem, mo haf blong niufala klos ia bambae ino save join gud long olfala klos blong hem. ³⁷ Mo inogat wan man save putum niu fala waen igo long olfala waen.Spos hemi mekem olsem, mo bae niufala waen bae i brokbrokem skin, mo bae waen ia bae i seraot mo bae eskei blong waen tu bae i brokbrok. ³⁸ Be niufala waen imas go long wan klin eski blong hem. ³⁹ Inogat wan we i drink olfala waen finis afta i wantem niufala waen bakegen, nao Jisas i talem, 'Hemi ia we i olfala i mo gud."'