¹ Long wan sabat dei, Jisas wetem ol disaepol blong hem oli pass long wan garen wit. Ol disaepol blong hem oli tekem sam kakai blong wit, oli karem aot skin blong hem mo oli kakai sids blong hem. ² Be sam long ol farasi oli talem se," Yu no sud blong mekem samting ia long dei blong spel. Hemi agens long loa blong God. ³ Jisas i ansa se, "Ating yufala i no ridim Baebol, ol samting we David i mekem bifo. Hem wetem ol man blong hem oli hangre. ⁴ Hemi go insaed long haos blong God. Hemi karem bred we istap insaed. From bred ia ol pris nomo oli gat raet blong kakai. Be David i kakai sam long bred ia. Hemi givim sam bred long ol man blong hem blong oli kakae. ⁵ Mo Jisas i talem long olgeta se, "Pikinini blong God i gat paoa bitim loa blong taem blong spel." ⁶ Long wan narafala dei blong sabat, Jisas i go insaed long ples blong ol farasi mo i tijim olgeta. I gat wan man i stap long ples ia, long narafala reat han blong hem i smol mo ino save yusum. ⁷ Ol tija blong loa mo ol farasi oli stap lukluk Jisas. Oli stap lukluk gud hem blong fainem wan ansa blong hem i mekem inogud, oli stap lukluk Jisas blong hem i save mekem man ia bae i kam gud bakegen, long dei blong sabat. ⁸ Jisas hemi save tingting blong olgeta afta hem i talem long man ia se, yu girap, yu stanap long foret blong ol man ia. Man ia i girap i stanap. ⁹ Nao Jisas i talem long ol man ia se, Bae mi askem wan samting wanem nao yumi mas mekem long dei blong sabat? Olsem wanem bae yumi mekem ol rabis fasin? O yumi sevem laefblong wan man? O bae yumi spolem laef blong olgeta? ¹⁰ Jisas i lukluk everiwan, afta i talem long man ia se, "leftemap han blong yu. Taem man ia i leftemap han blong hem, hem i harem gud bekegen mo hemi save yusum han blong hem bakegen. ¹¹ Nao ol farasi mo ol tija blong loa oli harem nogud tumas mo oli kros tumas, oli stap toktok long olgeta wanwan bakegen. Wanem nao yumi save mekem long man ia, oli stap askem long olgeta. ¹² Wan dei Jisas i go antap long hill blong prea. Hemi stap gogo tudak i kavremap ples mo hemi stap prea long God. ¹³ Nao long moning, Hemi askem ol disaepol blong Hem blong oli kam luk Hem, afta Hemi jusum twelf long olgeta mo singaotem olgeta se aposol. Mo tu Hemi putum nem long olgeta. ¹⁴ Hemia nao hemi ol nem blong olgeta Simon (narafala nem blong hem Pita) mo brata blong hem Andru, Jeims, Jon, Filip, Bartholomew, ¹⁵ Matiu, Tomas, Jeims pikinini blong Alphaeus, Simon we hemi Zealot, ¹⁶ Judas pikinini blong James, mo Judas Iscariot, we biaen bae hemi salem Jisas i go long ol man blong kilim hem i ded. ¹⁷ Afta we Jisas i jusum aot ol twelf man blong Hem, evri wan oli kam daon long hill mo oli stap stanap long wan flat ples wetem wan bigfala namba blong ol grup blong ol man we oli kam long Judia, Jerusalem mo long klosap ples blong tyre mo sidon. ¹⁸ Evriwan we oli kam long ples ia oli kam blong harem tok blong Jisas mo ol man we oli harem nogud oli wantem harem gud bakegen. Hemi mekem bak ol man we oli gat rapis spirit i stap long olgeta oli kam gud bakegen. ¹⁹ Ol man ia oli wantem tajem hem, from se Hem i yusum paoa blong God blong mekem ol man oli harem gud bekegen. ²⁰ Jisas i luk ol disaepol blong hem mo i talem long olgeta se, "yufala we i pua bambae yufala i harem gud. ²¹ Yufala we i nogat kakai, bambae God i fulumap yufala wetem kakai, yufala we i krae, bambae yufala i laf. ²² Ol man bae oli mekem nogud long yufala, from we yufala i bilif long mi, Mi pikinini blong God, bambae oli talem se yufala i nogud, taem samting i kam tru yufala i glad. ²³ God bae i mekem gudfala samting blong yufala long heven. Yufala i glad taem ol man oli mekem i nogud long yufala. Yufala i jamjam from we yufala i glad. Ol bubu blong yufala oli mekem sem mak bifo long ol profets blong God. ²⁴ Be long yufala ol man we yufala i rij, yufala i gat wan gudfala laef nao ia. Be trabol bae i kam long yufala. ²⁵ Yufala i lesin, yufala we i gat plante kakae naoia, trabol bae kam long yufala mo bae yufala i hangre, yufala we i laf nao ia, trabol bae i kam long yufala, yufala bae i harem nogud mo bae yufala i krae. ²⁶ Spos ol man oli stap leftemap nem blong hem, yufala mas save se trabol bae i kam long yufala, mo long taem blong ol bubu blong yufala oli taem ol gudfala samting long ol profet oli talem se ol profet ia oli kamaot long God, be tok blong olgeta i no blong kiaman. ²⁷ Jisas i gohed blong talem se, Mi talem finis long yu we yu stap harem gud Mi, hakem ol man we oli no wantem yu. Mekem gud ol gudfala samtinig long olgeta we oli no wantem yu. ²⁸ Talem ol gudfala samting long ol man we oli talem rabis samting mo oli angens long yu. Prea from olgeta we oli mekem yu harem nogud. ²⁹ Spos wan man i slapem feis blong yufala, yufala letem hem i slapet narasaed tu. Spos wan man i wantem tekemaot set blong yufala, letem hemi tekem aot i set blong yu tu. ³⁰ Taem wan man i askem wan samting yufala mas givim long hem. Spos wan man i karem wan samting blong yu letem hemi karem. Yufala no mas askem hem blong i givim bak bakegen. ³¹ Mekem samting blong narafala man olsem we yufala wantem oli mekem long yufala. ³² Olsem wanem? Yu stap laekem ol man we oli stap laekem yufala nomo? God i no save blesem yufala, taem yufala i no mekem. Ol sina man oli laekem olgeta nomo, be sinaman oli laekem yumi eriwan. ³³ Yufala stap mekem gud nomo long ol man we oli stap mekem i gud long yufala. God i no save blese yufala taem blong mekem olsem. Ol sina man oli mekem sem samting nomo. ³⁴ Olgeta oli givim samting long ol difren man we oli bilif se bae i kam bak long olgeta. ³⁵ Nao ia mi talem long yufala blong laekem ol man we oli no laekem yufala. Mekem ol gudfala samting long olgeta, givim ol samting long olgeta mo no letem olgeta blong givim bak. Bambae God i mekem rere ol gudfala samting blong yufala. Hemi kind tu long ol man we oli no save talem tank yu, Hemi gud tumas long ol rabis man. Spos yufala i stap mekem fasin ia oltaem long laef ia, yufala i soem se yufala i pikinini blong God. ³⁶ Yufala mas laekem ol narafala man olsem we Papa blong yufala i laekem yufala. ³⁷ Yu no mas jaj, mo bambae oli no save jajem yu. Yu no mas jajem ol nara man spos oli mekem ol rabis fasin, mo bambae oli no save jajem yu. Mo yu mas fogivim ol narafala man, mo bambae God i save fogivim yu. ³⁸ Yufala imas givim ol samting i go long ol naraman, mo God bambae i givim i kam bak long yufala. Bambae God i givim ol samting long yufala we bae i plante we i plante, olsem we man i fulumap bag, i fol fol daon. Fasin we yufala i folem blong givim bak long narafala man, hemia nao fasin we God bambae i folem blong givim ol samting i kam long yufala." ³⁹ Jisas i yusum ol story blong tijim ol man. Hemi talem se, wan man we i no lukluk save lidim narafala blaen man. Spos hemi mekem bae tufala tugeta bae foldaon i go long hole. ⁴⁰ Samtaem yufala wantem talem o tijim fren blong yu taem hem i mekem wan samting i nogud. Spos yufala wantem mekem olsem, be fastaem yufala mas tingbaot mistek blong yufala. ⁴¹ Olsem wanem yufala stap tokbaot smol toti ia we i stap long ae blong brata blong yufala, be yufala i no save luk bigfala wud ia we i stap long ae blong yufala? ⁴² Spos yufala no save luk bigfala toti ia we i stap long ae blong yufala, olsem wanem yufala save talem long brata blong yufala se, brata yufala kam mi tekem aot smol toti we i stap long ae blong yufala? Fasin blong yufala i krangke! Fastaem yufala mas tekemaot bigfala toti ia we istap long ae blong yufala, nao bambae yufala save lukluk gud blong tekemaot smol toti ia we i stap long ae blong brata blong yufala. ⁴³ Jisas i talem se gudfala tri i karem gudfala frut.Rabis tri i givim rabis frut. ⁴⁴ Long sem fasin yufala save talem se wanem kaen tri we i gud mo we i no gud, yufala save talem taem yufala luk frut blong hem. Ol gudfala frut oli no kamaot long rabis tri. ⁴⁵ I semak long yumi ol man. Gudfala man i gat gudfala tingting. Long fasin blong laef blong hem, hemi karemaot ol gudfala samting long hem. Be man we tingting blong hem i nogud, ol rabis tingting ikamaot long hed blong hem. Taem man i toktok, ol toktok blong hem oli soem wan samting, oli soem ol toktok ia oli gud o oli nogud. ⁴⁶ Jisas i talem se, from wanem yu singaotem Mi se Masta, Masta, afte yu no obey long wanem we mi talem? ⁴⁷ Evry man weh oli kam long Mi mo harem Tok blong Mi mo oli obey long hem,bambae Mi talem long yufala se hemi wanem kaen man. ⁴⁸ Man ia idigim graon mo igo long ol stone. Hemi putum fes laen blong ston antap long faondesen.Taem strong win i kam mo wota ikam be ino save karemaot haos ia from i strong ⁴⁹ Sam man oli harem Tok blong mi be oli no lesin long hem. Ol man ia oli olsem wan narafala man ia we i mekem haos blong hem we hemi no dikim hol i go daon inaf i go long stone, mo hemi putum faondesen blong hem long graon. Afta i mekem haos blong hem.Taem wan strong win i kam wetem wota we iron plante. Strong win ia i karemaot haos ia, hem i kilim haos mo haos i foldaon wan taem nomo. Wota i spolem gud haos ia.