¹ Nao long fiftin yia we Tiberius Caesar i stap rulum olgeta kaontry, Pointius Paelat i hed gavna blong Judia, mo Herod i stap rul long Galili,mo brata blong hem Filip istap rul long ituraea mo trakonaetas,mo Lisanias i stap rul long Abilin, ² Long sem taem Anas mo Caiafas tufala ol hae pris -God i toktok long Jon we hemi pikinini blong Zakaraea, taem hemi stap long drae ples. ³ Nao hemi go long olgeta ples raon long jodan riva, i stap prij abaot baptaes we hem i wan saen blong fogivnes blong sin long olgeta we oli putum han blong olgeta i go long God. ⁴ Olsem we profet Aesaea i raetem bifo se, "wan man istap singaot long drae ples, i talem se, 'mekem redi rod blong Hae God we i Masta blong yumi, yufala stretem gud rod blong hem. ⁵ Evri krik oli mas flod,mo ol bigfala hil wetem ol smol hill oli mas level, mo ol gruket rod oli mas stret gud, mo ol smol rod oli mas level mo stret gud. ⁶ Nao ol man oli save luk rod we God i mekem blong sevem olgeta. ⁷ Nao Jon i talem long ol man we oli kam baptaes se, "yufala i olsem snek!Yufala i man blong ronwe nomo. Hu i talem long yufala se yufala i save ronwe long hem?Ino long taem bae hemi jajem yufala. ⁸ Spos i tru se yufala i tanem tingting blong yufala long sin, yufala i mas soem aot tu long laef blong yufala.Ino yufala i stap talem long yufala se, yumi ol laen blong Abraham ia. Mi talem stret long yufala se, "Hae God i save mekem ol ston ia oli kam ol pikinini blong Abraham. ⁹ Nao God i stap redi wetem ax blong katem aot ol hud, daon long rus blong olgeta.Ol tri we oli no karem gud frut ba hem i katemaot mo sakem i go long faea. ¹⁰ Nao ol man oli askem long hem se, "be bae mifala i mekem wanem?" ¹¹ Hemi talem long olgeta se, " spos wan man igat tu klos, hemi mas givim wan long wan nara man we i nogat klos. Mo man we i gat plante kakae i mas mekem i semak. ¹² I gat sam man we oli stap tekem takis oli kam blong tekem baptaes, mo oli askem long hem se, "bae mifala i mekem olsem wanem?" ¹³ Hemi talem long olgeta se, "yufala ino mas tekem mani we ibitim mak blong loa. ¹⁴ Sam soldia tu oli askem long hem se, "olsem wanem long mifala ?" "wanem nao mifala i mas mekem?"Hemi talem long olgeta se, "yufala i no fosem nara man blong tekem mani blong hem, no kiaman long ol man, yufala i mas glad long pei blong yufala nomo. ¹⁵ Mo taem ol man oli stap wet, oli stap questenem olgeta bakegen se ating man ia nao we Hae God i promes bifo finis blong sendem hem i kam blong sevem yumi? ¹⁶ Jon i talem long olgeta se, "mi mi kam blong baptaesem yufala wetem wota nomo, be igat wan man we bae i kam, Hemi Hae moa long mi. Mi no naf blong tekemaot strap blong sandel blong hem. Hem bae i baptaesem yufala long Holi Spirit mo wetem faea. ¹⁷ Hem i olsem wan man i stap holem wan fok blong klinimaot doti blong wit,blong tekem gudfala kakae blong hem mo putum insaed long wan gudfala ples,be ol doti wit,bae hem i karem olgeta i go bonem olgeta long wan faeawe i no save ded samtaem. ¹⁸ Jon i talem plante narafala samting tu, hem i talem gud nius long ol man blong oli mas tanem tingting blong olgeta i go long God nomo. ¹⁹ Long taem ia, Herod we i stap rul long Galili i bin Herodias, woman blong brata blong hem,i maredem hem,mo i mekem plante samting we i no gud,from samting ia, Jon i stap tok agens long hem. ²⁰ Nao Herod imekem wan narfala samting we ino gud moa. Hem i tekem Jon, i putum hem long kalapus. ²¹ Be long taem ia Jon i no go long kalabus yet, hemi stap baptaesem ol man, nao Jisas tu ikam, mo Jon i baptaesem Hem. Biaen Jisas i prea, skae iopen, ²² Nao Holi Spirit ikam daon long hem olsem wan sotleg.Nao wan fois ikam aot long skae, i talem se, "Yu yu pikinini blong mi we Mi lavem yu tumas." ²³ Taem Jisas i statem wok blong hem, blong tijim ol man,Hemi gat samwe long 30 yia blong Hem.Long tingting blong ol man, Jisas i pikinini blong Josef.Josef hemi pikinini blong Heli. ²⁴ Mo Heli, hemi pikinini blong Matat, Matat, hemi pikinini blong Livae,Livae, hemi pikinini blong melki, hemi pikinini blong Janae.Janae, hemi pikinini blong Josef. ²⁵ Josef hemi pikinini blong Mattathias,Mattathias, hemi pikinini blong Amos, Amos, hemi pikinini blong Nahum,Nahum, hemi pikinini blong Esli,Esli hemi pikinini blong Naggai. ²⁶ Naggai, hemi pikinini blong Maath, Maath hemi pikinini blong Mattathias, Mattathias, hemi pikinini blong Semein,Semein, hemi pikinini blong Josech,Josech, hemi pikinini blong Joda. ²⁷ Joda, hemi pikinini blong Joanan, Joanan, hemi pikinini blong Rhes, hemi pikinini blong Zerubbabel,Zerubbabel, hemi pikinini blong Shealtiel,Shealtielt, hemi pikinini blong Neri, ²⁸ Neri, hemi pikinini blong melchi, melchi, hemi pikinini blong Addi, Addi hemi pikinini blong Cosam,Cosam, hemi pikinini blong Elmadam, hemi pikinini blong Er, ²⁹ Er, hemi pikinini blong Jesus, Jesus hemi pikinini blong Eliezer, Eliezer hemi pikinini blong Jorim, Jorim hemi pikinini blong Matthat, hemi pikinini blong Levi, ³⁰ Levi,pikinini blong Simeon, Simeon, hemi pikinini blong Judas,Judas, hemi pikinini blong Joseph,Joseph hemi pikinini blong Jonam, Jonam, hemi pikinini blong Eliakim, ³¹ Eliakim, hemi pikinini blong Melea, Melea, hemi pikinini blong Menna, Menna, hemi pikinini blong Mattatha, Mattatha, hemi pikinini blong Nathan, Nathan, hemi pikinini blong David ³² , David, hemi pikinini blong Obed, Obed, hemi pikinini blong Boaz, Boaz, hemi pikinini blong Salmon, Salmon, hemi pikinini blong Nahshon. ³³ Nahshon, hemi pikinini blong Aminadab,Aminadab, hemi pikinini blong Arin,Arin, hemi pikinini blong Hezron,Hezron, hemi pikinini blong Perez,Perez, hemi pikinini blong Judah, ³⁴ Judah, hemi pikinini blong Jacob,Jacob, hemi pikinini blong Isaac,Isaac, hemi pikinini blong Abraham,Abraham, hemi pikinini blong Terah, Terah, hemi pikinini blong Nahor, ³⁵ Nahor, hemi pikinini blong Serug,Serug, hemi pikinini blong Reu, Reu hemi pikinini blong Peleg,Peleg, hemi pikinini blong Eber,Eber, hemi pikinini blong Shelah, ³⁶ Shelah hemi pikinini blong Cainan,Cainan,hemi pikinini blong Arphaxad, Arphaxad, hemi pikinini blong Shem, Shem, hemi pikinini blong Noah,Noah, hemi pikinini blong Lamech, ³⁷ Lamech, hemi pikinini blong Mathuselah, Mathuselah, hemi pikinini blong Enoch, Enoch, hemi pikinini blong Jared, Jared, hemi pikinini blong Mahalaleel, Mahalaleel, hemi pikinini blong Cainan, ³⁸ Cainan, hemi pikinini blong Enos,Enos hemi pikinini blong Seth, Seth, hemi pikinini blong Adam, Adam hemi pikinini blong God.